ପୁରୁଷୋତ୍ତମପୁର,୧୮/୧୦: ବେକରେ ରଶି ଲଗାଇ ଆତ୍ମହତ୍ୟା କଲେ ଯୁବକ । ମୃତକ ଭାଟକୁମରଡ଼ା ହରିଜନ ସାହିର ୧୯ ବର୍ଷୀୟ ଯୁବକ ସିଲୁ ଦାସ ବୋଲି ଜଣାପଡ଼ିଛି । ପ୍ରେମ ବ୍ୟାପାରରୁ ଏଭଳି ହୋଇଥିବା ବେଳେ ଗଞ୍ଜାମ ଜିଲ୍ଲା ପୁରୁଷୋତ୍ତମପୁର ଥାନା ଅନ୍ତର୍ଗତ ଭାଟକୁମରଡ଼ା  ହରିଜନ ସାହିରେ ଏଭଳି ଘଟଣା ଘଟିଛି । 

ସୂଚନା ମୁତାବକ, ହରିଜନ ସାହିର ୧୯ ବର୍ଷୀୟ ଯୁବକ ସିଲୁ ଦାସ ଗୁରୁବାର ରାତିରେ ବେକରେ ରଶି ଲଗାଇ ଆତ୍ମହତ୍ୟା କରିଥିଲେ । ପରେ ତାଙ୍କ ପରିବାର ଲୋକେ ଏହା ଦେଖିବାକୁ ପାଇଥିଲେ । ସିଲୁ ଏଭଳି ଭାବରେ ଆତ୍ମହତ୍ୟା କରିଥିବାର ଦେଖି ତୁରନ୍ତ ପୋଲିସକୁ ଖବର ଦେଇଥିଲେ । ଖବର ପାଇ ଘଟଣାସ୍ଥଳରେ ପୁରୁଷୋତ୍ତମପୁର ପୋଲିସ ପହଞ୍ଚି ଯୁବକଙ୍କ ମୃତଦେହ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହା ସହ ଘଟଣାର ତଦନ୍ତ ଚଳାଇଛି । ତେବେ ପ୍ରେମ ବ୍ୟାପାରକୁ ନେଇ ଯୁବକ ଜଣକ ଏଭଳି ପଦକ୍ଷେପ ନେଇଥିବା ପାରିପାର୍ଶ୍ଵିକ ଅବସ୍ଥାରୁ ଜଣାପଡ଼ିଛି ।