କରଞ୍ଜିଆ,୨୦।୬ : ଦିନ ଦ୍ବିପହରେ ସ୍କୁଟି ଡିକି ଭାଙ୍ଗି ୧ ଲକ୍ଷ ୫ ହଜାର ଟଙ୍କା ଲୁଟିନେଲେ ଦୁର୍ବୃତ୍ତ। ଲୁଟର ଶିକାର ହୋଇଛନ୍ତି କେନ୍ଦୁଝର ଜିଲ୍ଲା ଖଣ୍ଡେଇପଡ଼ା ଗ୍ରାମର ସାଲଖୁ ସୋରେନ୍ ।

 କେନ୍ଦୁଝର ଜିଲ୍ଲା ଖଣ୍ଡେଇପଡ଼ା ଗ୍ରାମର ସାଲଖୁ ସୋରେନ୍ ଏସବିଆଇ କରଞ୍ଜିଆ ଶାଖାରୁ ୧ ଲକ୍ଷ ୫ ହଜାର ଟଙ୍କା ଉଠାଇ ନିଜ ସ୍କୁଟି ଡିକିରେ ରଖିଥିଲେ।  କରଞ୍ଜିଆ ବଜାରର ସିନେମା ହଲ୍ ଛକ ନିକଟରେ ଥିବା ଏକ ଗ୍ରୋସରି ଦୋକାନରେ ସାମଗ୍ରୀ କିଣୁଥିବା ସମୟରେ ସ୍କୁଟି ଡିକି ଭାଙ୍ଗି ଟଙ୍କା ଦୁର୍ବୃତ୍ତ ଲୁଟି ନେଉଥିଲେ। ଟଙ୍କା ନେଇଯାଉଥିବା ଦେଖି ଯୁବକ ଜଣକ ପାଟି କରିବାରୁ କିଛି ଟଙ୍କା ରାସ୍ତା ଉପରେ ଫିଙ୍ଗି ଦେଇଥିଲେ  ଦୁର୍ବୃତ୍ତ। ଯୁବକ ଜଣକ ସେହି ଟଙ୍କା ଗୋଟାଇବା ପାଇଁ ବ୍ୟସ୍ତ ରହିବାରୁ ଦୁର୍ବୃତ୍ତ ଜଣକ ଅନ୍ୟ ଏକ ବାଇକ୍ ରେ ଫେରାର ହୋଇଯାଇଥିଲା।  ଘଟଣା ସ୍ଥଳରେ କରଞ୍ଜିଆ ପୋଲିସ ପହଞ୍ଚି ଅଧିକ ତଦନ୍ତ ଜାରି ରଖିଛି।