ଆଲ୍ଲହାବାଦ,୦୨/୦୯: ଲିଭ୍-ଇନ୍ ପାର୍ଟନରଙ୍କ ସହିତ ଦୁଷ୍କର୍ମ କରିଥିବା ଅଭିଯୁକ୍ତଙ୍କୁ ଜାମିନ ପ୍ରଦାନ କରୁଥିବା ବେଳେ ଆହ୍ଲାବାଦ ହାଇକୋର୍ଟ କହିଛନ୍ତି ଯେ, ଭାରତରେ ବିବାହ ବ୍ୟବସ୍ତାକୁ ନଷ୍ଟ କରିବା ପାଇଁ ଏକ ବ୍ୟବସ୍ଥିତ ଡିଜାଇନ୍ କାର୍ଯ୍ୟ କରୁଛି। ଜଷ୍ଟିସ୍ ସିଦ୍ଧାର୍ଥ ଏହି ମାମଲାର ଶୁଣାଣି କରି କହିଛନ୍ତି ଯେ ବିବାହ ଏପରି ଏକ ବ୍ୟବସ୍ଥା ଯାହା ଜଣେ ବ୍ୟକ୍ତିଙ୍କୁ ସୁରକ୍ଷା, ସାମାଜିକ ଗ୍ରହଣୀୟତା ଏବଂ ସ୍ଥିରତା ପ୍ରଦାନ କରିଥାଏ, କିନ୍ତୁ ଲିଭ୍ ଇନ୍ ସମ୍ପର୍କ କ୍ଷେତ୍ରରେ ଏହା ଅସମ୍ଭବ ଅଟେ।
ଜଷ୍ଟିସ୍ ସିଦ୍ଧାର୍ଥ କହିଛନ୍ତି ଯେ, ପ୍ରତ୍ୟେକ ଋତୁରେ ପାର୍ଟନର ବଦଳାଇବା ଏକ ସ୍ଥିର ଏବଂ ସୁସ୍ଥ ସମାଜର ପରିଚୟ ନୁହେଁ। ଅଦାଲତ କହିଛନ୍ତି, “ଏହି ଦେଶରେ ବିବାହ ବ୍ୟବସ୍ତା ରଦ୍ଦ ହେବା ପରେ ହିଁ ଲିଭ୍-ଇନ୍-ସମ୍ପର୍କକୁ ସାଧାରଣ ଭାବେ ସ୍ବୀକାର କରାଯିବ, ଯେପରି ଅନେକ ତଥାକଥିତ ବିକଶିତ ଦେଶରେ ମଧ୍ୟ ଏହି ବ୍ୟବସ୍ଥାକୁ ବଜାୟ ରଖିବା କଷ୍ଟସାଧ୍ୟ ହୋଇପଡ଼ିଛି।” ହାଇକୋର୍ଟ କହିଛନ୍ତି ଯେ ଭାରତରେ ମଧ୍ୟବିତ୍ତ ଶ୍ରେଣୀର ନୈତିକତାକୁ ଅଣଦେଖା କରାଯାଇପାରିବ ନାହିଁ।
ନିର୍ଦ୍ଦେଶରେ ହାଇକୋର୍ଟ ଏହା ମଧ୍ୟ କହିଛନ୍ତି ଯେ, ଯଦି ଦେଶ ଏହିପରି ଜାରି ରଖେ ତେବେ ଭବିଷ୍ୟତରେ ଆମ ପାଇଁ ଏକ ବଡ଼ ସମସ୍ୟା ସୃଷ୍ଟି କରିବାକୁ ଆମେ ଆଗକୁ ବଢ଼ୁଛେ। ଅଦାଲତ କହିଛନ୍ତି, “ଲିଭ୍-ଇନ୍-ରିଲେସନସିପ୍ର ଧାରଣା ଏପରି ଭାବରେ ଉପସ୍ଥାପିତ ହୋଇଛି ଯେ, ଏହା ଏକ ପ୍ରଗତିଶୀଳ ସମାଜ ପାଇଁ ଏକ ପଦକ୍ଷେପ, କିନ୍ତୁ ଏହା ନୁହେଁ। ଏହାର ପରିଣାମ ବିଷୟରେ ଯୁବକମାନେ ଜାଣି ନାହାଁନ୍ତି ଏବଂ ଭୁଲ ନିଷ୍ପତ୍ତି ନେଉଛନ୍ତି। ”
You can also read: