ନୂଆଦିଲ୍ଲୀ : ଲିଙ୍କଡଇନ୍ର କୋଟିପତି ସହ-ସଂସ୍ଥାପକ ରିଡ୍ ହୋଫମ୍ୟାନ ଆମେରିକା ଛାଡ଼ିବା କଥା ଭାବୁଛନ୍ତି। ଏହାର କାରଣ ନିକଟରେ ଆମେରିକୀୟ ନିର୍ବାଚନରେ ରିପବ୍ଲିକାନ ପ୍ରାର୍ଥୀ ଡୋନାଲ୍ଡ ଟ୍ରମ୍ପଙ୍କର ବିଜୟ। ଏଥିପାଇଁ ସେ ଏବେ ଆମେରିକା ଛାଡ଼ିବା ଉପରେ ବିଚାର କରୁଛନ୍ତି। ଏହା ଦ ନ୍ୟୁୟର୍କ ପୋଷ୍ଟର ରିପୋର୍ଟରେ କୁହାଯାଇଛି।
ରିପୋର୍ଟ ଅନୁସାରେ, ଡୋନାଲ୍ଡ ଟ୍ରମ୍ପ ହ୍ୱାଇଟ୍ ହାଉସ୍ରେ ନିଜ ଶକ୍ତିର ବ୍ୟବହାର ନିଜର ରାଜନୀତିକ ଶତ୍ରୁଙ୍କ ପ୍ରତିଶୋଧ ନେବା ପାଇଁ କରି ପାରନ୍ତି। ହୋଫମ୍ୟାନ ଉପରାଷ୍ଟ୍ରପତି କମଳା ହ୍ୟାରିସ୍ଙ୍କୁ ନିର୍ବାଚନରେ ଭୋକାଲ ସମର୍ଥନ ହେବା ସହ ଡେମୋକ୍ରେଟିକ୍ ପାର୍ଟିର ମେଗା-ଡୋନର ମଧ୍ୟ ଥିଲେ। ସେ ତାଙ୍କର ଅଭିଯାନକୁ ୧୦ ମିଲିୟନ ଡଲାର ଯାଏ ଦାନ ଦେଇ ଥିଲେ।
ହେଲେ, ହୋଫମ୍ୟାନଙ୍କର ଭୟର ସବୁଠୁ ବଡ଼ କାରଣଟି ହେଲା, ସେ ଇ.ଜିନ କେରୋଲ ନାମକ ଜଣେ ପୂର୍ବତନ ନ୍ୟୁୟର୍କ ପତ୍ରିକା ଲେଖିକାଙ୍କୁ ଟ୍ରମ୍ପଙ୍କ ବିରୋଧରେ ଦାଏର , ମାନହାନିର ମୋକଦମାରେ ଆର୍ଥିକ ସହଯୋଗ କରିଥିଲେ।
ଏହା ସେତେବେଳେ ହେଲା ଯେବେ ଜୁରୀ ଟ୍ରମ୍ପଙ୍କୁ ୧୯୯୬ରେ କେରୋଲଙ୍କ ସହ ଯୌନ ନିର୍ଯାତନା ନେଇ ଦୋଷୀ ସାବ୍ୟସ୍ତ କରିଥିଲେ , ଯେଉଁଥି ପାଇଁ ତାଙ୍କୁ ୫ ମିଲିୟନ ଡଲାରର ଜୋରିମନା ଦିଆ ଯିବାର ଥିଲା। ଏହାପରେ, ଆଉ ଜଣେ ବିଚାରପତି କେରୋଲଙ୍କୁ ମାନହାନି ପାଇଁ ୮୩.୩ ମିଲିୟନ ଡଲାରର ଅତିରିକ୍ତ ଜୋରିମନା ଦେବାର ଆଦେଶ ଦେଇଥିଲେ, କାରଣ ଟ୍ରମ୍ପ ଦାବି କରିଥିଲେ କି, ସେ ଦୁଷ୍କର୍ମର ଅଭିଯୋଗରେ ମିଛ କହି ଥିଲେ।
