ନୂଆଦିଲ୍ଲୀ, ୪/୧୨ :  ସନି ଦେଓଲଙ୍କ ଫ୍ୟାନ୍ସଙ୍କ ପାଇଁ ଖୁସି ଖବର । ଦର୍ଶକ ‘ଗଦର ୨’ ପରେ ସନି ଦେଓଲଙ୍କୁ ପୁଣି ଥରେ ପରଦାରେ ଦେଖିବା ଲାଗି ଉତ୍ସୁକତା ଅଛନ୍ତି । ଏହା ମଧ୍ୟରେ ଅଭିନେତା ଏକ ଖାସ୍ ଘୋଷଣା କରିଛନ୍ତି।  ପ୍ରକାଶ ଯେ, ସନିଙ୍କ ଅପକମିଂ ଫିଲ୍ମ ‘ଜାଟ’ର ଟିଜର ରିଲିଜ ଡେଟ ଉପରୁ ଉଠିଛି ପରଦା ।

‘ଗଦର ୨’ ରିଲିଜର ଦେଢ ବର୍ଷ ପରେ ଏବେ ସନି ଦେଓଲଙ୍କ ଅପକମିଂ ଫିଲ୍ମ ‘ଜାଟ’ ଅଟେ । ଯାହାର ଘୋଷଣା ସେ କିଛି ମାସ ପୂର୍ବରୁ କରିଥିଲେ । ଏବେ ‘ଜାଟ’ର ଟିଜର ୫ଡିସେମ୍ବରରେ ଓ୍ବାର୍ଲ୍ଡଓ୍ବାଇଡ୍ ଲଞ୍ଚ ହେବାକୁ ଯାଉଛି । ସନି ଦେଓଲଙ୍କ ଫିଲ୍ମର ଟିଜର ଅଲ୍ଲୁ ଅର୍ଜୁନଙ୍କ ଫିଲ୍ମ ‘ପୁଷ୍ପା ୨ : ଦ ଋଲ’ ସହ ପରଦାରେ ହେବ । 

ସନି ଦେଓଲ ନିଜ ଇନଷ୍ଟାଗ୍ରାମରେ ଫିଲ୍ମ ’ଜାଟ’ର ପୋଷ୍ଟର ସେୟାର କରିଛନ୍ତି । ଏହାସହ କ୍ୟାପଶନରେ ସେ ଲେଖିଛନ୍ତି କି- ‘ଜାଟର ସବୁଠାରୁ ଗ୍ରାଣ୍ଡ ଟିଜର ଲଞ୍ଚ, ବିଶେଷ ଅବସରରେ ପୁଷ୍ପା ୨ : ଦ ଋଲ ସହ ବିଶ୍ବ ସାରା ୧୨,୫୦୦ରୁ ଅଧିକ ସ୍କ୍ରିନରେ ଟିଜର ରିଲିଜ ହେବ’ ।  

ସନି ଦେଓଲଙ୍କ ଏହି ଆକ୍ସନ ପ୍ୟାକ୍ଡ ଫିଲ୍ମ ‘ଜାଟ’ କେବେ ରିଲିଜ ହେବ ଏହାର କୌଣସି ସୂଚନା ଏବେ ପର୍ଯ୍ୟନ୍ତ ସାମ୍ନାକୁ ଆସିନାହିଁ । ‘ଜାଟ’ ବ୍ୟତୀତ ସନି ଦେଓଲଙ୍କ ନିକଟରେ ପ୍ରିତି ଜିଣ୍ଟା ସାଙ୍ଗରେ ଲାହୋର ୧୯୪୭ ଏବଂ ବରୁଣ ଧାଓ୍ବନଙ୍କ ସାଙ୍ଗରେ ବର୍ଡର ୨ ଭଳି ଫିଲ୍ମ ବି ପାଇପଲାଇନରେ ଅଛି ।