ମୁମ୍ୱାଇ : ଏହି କଥାରେ କେହି ଅସହମତ ହେବେ ନାହିଁ ଯେ, ଅଭିନେତ୍ରୀ ରେଖା ହିନ୍ଦୀ ଫିଲ୍ମ ଜଗତରେ ଏବେସୁଦ୍ଧା ଦେଖା ଯାଇ ଥିବା ସବୁଠୁ ସୁନ୍ଦର ମହିଳା ଅଭିନେତ୍ରୀ ଏବଂ ତାଙ୍କର ନିଜର କଠିନ ପରିଶ୍ରମ ବ୍ୟତୀତ , ଅଭିନେତ୍ରୀଙ୍କ ମାତା ପିତା , ବିଶେଷ କରି ତାଙ୍କ ମାଆଙ୍କର ତାଙ୍କର ବ୍ୟକ୍ତିତ୍ୱ ଓ ତାଙ୍କର ଅନ-ସ୍କ୍ରିନ୍ ଉପସ୍ଥିତିକୁ ଆକାର ଦେବାରେ ଏକ ବଡ଼ ଭୂମିକା ରହିଛି। ନିକଟରେ ଏକ ସାକ୍ଷାତ୍କାରରେ , ଏହି ଅନୁଭବୀ ଅଭିନେତ୍ରୀ ହିନ୍ଦୀ ଫିଲ୍ମ ଉଦ୍ୟୋଗରେ ତାଙ୍କର ଉଲ୍ଲେଖନୀୟ ଯୋଗଦାନକୁ ନେଇ ତାଙ୍କର ଦିବଙ୍ଗତ ମାଆଙ୍କ ବିଷୟରେ କହିଥିଲେ।
ମୁମ୍ୱାଇର ବାନ୍ଦ୍ରାରେ ଅଭିନେତ୍ରୀ ରେଖାଙ୍କ ଘର , ଯାହାର ନାଁ ‘ପୁଷ୍ପାବଲ୍ଲୀ’ । ‘ପୁଷ୍ପାବଲ୍ଲୀ’ ରେଖାଙ୍କ ମାଆଙ୍କର ନାଁ। ରେଖା ଏକ ଇଣ୍ଟରଭ୍ୟୁରେ ନିଜ ଘର ବିଷୟରେ କହିଥିଲେ। ସେ କହିଥିଲେ , ମୋତେ ମନ୍ଦିର ଯାଇ ପ୍ରାର୍ଥନା କରିବାର ଆବଶ୍ୟକତା ଅନୁଭବ ହୋଇ ନଥାଏ। ମୋ ଘର ମନ୍ଦିର ଭଳି। ସେ ଏହା କହିବାକୁ ଚାହୁଁଥିଲେ କି ତାଙ୍କ ମାଆ ତାଙ୍କ ପାଇଁ କୌଣସି ଦେବୀ ଠାରୁ କମ୍ ନୁହଁନ୍ତି। ସେ ତାଙ୍କର ବହୁତ ନିକଟତର ଥିଲେ। ଏଥିପାଇଁ ସେ ନିଜର ଘରକୁ ନିଜର ମାଆଙ୍କ ନାଁରେ ନାମିତ କରିଛନ୍ତି ଏବଂ ଏହାକୁ ମନ୍ଦିର ପରି ଭାବିଛନ୍ତି। ରେଖା ନିଜର ଅଧିକାଂଶ ସମୟ ଏହି ବଙ୍ଗଳାରେ ବିତାଇଛନ୍ତି। ସେ ଲାଇମଲାଇଟ୍ରୁ ଦୂରେଇ ରହି ଏକାନ୍ତରେ ରହିବାକୁ ପସନ୍ଦ କରନ୍ତି।
ରେଖାଙ୍କ ବାପା ଅଭିନେତା ଜେମିନୀ ଗଣେଶନ , ଜଣେ ପ୍ରସିଦ୍ଧ ତାମିଲ ଅଭିନେତା ଓ ମାଆ ପୁଷ୍ପାବଲ୍ଲୀ, ଯିଏ ତେଲୁଗୁ ସିନେମାରେ ଜଣେ ଷ୍ଟାର ଥିଲେ । ନିଜ ମାଆଙ୍କୁ ନିଜର ଗୁରୁ ଭାବେ ଦର୍ଶାଇ ରେଖା ସାକ୍ଷାତକାରରେ କହି ଥିଲେ, ମୋ ମାଆ ମୋର ଗୁରୁ ଥିଲେ , ସେ ଏତେ ଦୟାଳୁ ମହିଳା ଥିଲେ ଯେ, ସେ ତାଙ୍କୁ ଜଣେ ଦେବୀ ଭଳି ଅନୁଭବ କରୁଥିଲେ। ସେ ମୋତେ ସମ୍ମାନ ଓ ଶ୍ରଦ୍ଧାର ସହ ଜିଇଁବାର କଳା ଶିଖାଇଛନ୍ତି।
ରେଖା କହିଛନ୍ତି , ମାଆ ମୋତେ ବୁଦ୍ଧିମାନର ସହ ଏହା ମଧ୍ୟ ପରାମର୍ଶ ଦେଇଥିଲେ ଯେ, ମୋର ଯାହା ପସନ୍ଦ ତାକୁ ଅଭ୍ୟାସ କରିବା ଉଚିତ୍।
