ମୁମ୍ବାଇ,୦୨/୧୨: ବର୍ତ୍ତମାନ ବଲିଉଡ ଇଣ୍ଡଷ୍ଟ୍ରୀ ଆଗ ଧାଡିରେ ଅଛନ୍ତି ଅଭିନେତା ବିକ୍ରାନ୍ତ ମେସୀ । ଟୁଏଲ୍ଥ ଫେଲରେ ପ୍ରଶଂସା ସଉଁଟିଥିବା ବିକ୍ରାନ୍ତ ମେସୀ ବର୍ତ୍ତମାନ 'ଦ ସାବରମତି ରିପୋର୍ଟ'ରେ ଦମଦାର ଅଭିନୟ କରିଛନ୍ତି । ହେଲେ ବିକ୍ରାନ୍ତଙ୍କ ଫ୍ୟାନ୍ସଙ୍କ ପାଇଁ ନିରାଶ କରିବା ପରି ଖବର ଆସିଛି । ମାତ୍ର ୩୭ ବର୍ଷ ବୟସରେ ଅଭିନୟରୁ ବ୍ରେକ୍ ନେଇ ସୂଚନା ଦେଇଛନ୍ତି ବିକ୍ରାନ୍ତ । ୨୦୨୫ରେ ଶେଷ ଥର ଫିଲ୍ମ କରିବେ ବୋଲି ସୋସିଆଲ ମିଡିଆରେ ପୋଷ୍ଟ କରି କହିଛନ୍ତି ବିକ୍ରାନ୍ତ । ଏହି ଖବର ତାଙ୍କ ଫ୍ୟାନ୍ସଙ୍କୁ ନିରାଶ କରିଛି ।
ଅଭିନେତା ଜଣଙ୍କ ଅଚାନକ କାହିଁକି ଏପରି ଖବର ପୋଷ୍ଟ କଲେ ଏହା ପଛରେ କଣ କାରଣ ଏହିପରି ଅନେକ ପ୍ରଶ୍ନ ଫ୍ୟାନ୍ସଙ୍କ ମନକୁ ଆସୁଛି । ଅଭିନୟରୁ ବ୍ରେକ ନେଇ ବିକ୍ରାନ୍ତ ମେସୀ ସୋସିଆଲ ମିଡିଆରେ ସୂଚନା ଦେଇ କହିଛନ୍ତି, ସେ ବର୍ତ୍ତମାନ ଜଣେ ଭଲ ବାପା,ସ୍ବାମୀ ଏବଂ ପୁଅ ହେବା ଦିଗରେ ଫୋକସ କରୁଛନ୍ତି । ୨୦୨୫ରେ ଶେଷ ଥର ପାଇଁ ଦେଖା ହେବ । ଗତ କିଛି ବର୍ଷ ବହୁତ ଭଲ ଥିଲା । ତୁମମାନଙ୍କ ସମର୍ଥନ ପାଇଁ ଧନ୍ୟବାଦ । ମୁଁ ଆଗକୁ ବଢିବା ସହ ଅନୁଭବ କଲି କି ଏବେ ସମୟ ଆସି ଯାଇଛି ନିଜକୁ ସମ୍ଭାଳିବାର । ଘରକୁ ଫେରିବାର ଅଛି । ଜଣେ ପିତା, ସ୍ବାମୀ, ପୁଅ ଏବଂ ଅଭିନେତା ହିସାବରେ । ୨୦୨୫ରେ ଶେଷ ଥର ପାଇଁ ଭେଟିବା । ଶେଷ ଦୁଇଟି ଫିଲ୍ମ ଏବଂ କିଛି ବର୍ଷ ସ୍ମୃତି ହୋଇ ରହିବ ।
"...As I move forward, I realise its time to recalibrate and go back home. As a Husband, Father & a Son. And also as an Actor. So coming 2025, we would meet each other for one last time. Until time deems right..." Actor Vikrant Massey on Instagram pic.twitter.com/6yfkJJ8206
— ANI (@ANI) December 2, 2024
ଟିଭିରୁ ଆରମ୍ଭ ହୋଇଥିଲା କ୍ୟାରିୟର- ବିକ୍ରାନ୍ତ ମେସୀଙ୍କ କ୍ୟାରିୟର କଥା ଯଦି କହିବା ସେ ଛୋଟ ପରଦାରୁ ଅଭିନୟ ଆରମ୍ଭ ହୋଇଥିଲା । ଟେଲିଭିଜନ ସିରିଏଲ ଧରମ ବୀର, ବାଲିକା ବଧୂ, କୁବୁଲ ହେରେ କାମ କରିଛନ୍ତି । ଟିଭିରେ ନାମ କମାଇବା ପରେ ବଲିଉଡରେ ଏଣ୍ଟ୍ରୀ ମାରିଥିଲେ ବିକ୍ରାନ୍ତ ।
ଦମଦାର ଥିଲା ଫିଲ୍ମ ଯାତ୍ରା- ୨୦୧୩ରେ ବଲିଉଡରେ ଡେବ୍ୟୁ କରିଥିଲେ ବିକ୍ରାନ୍ତ । 'ଲୁଟେରା' ତାଙ୍କ ପ୍ରଥମ ଫିଲ୍ମ । ଏହାପରେ ଦିଲ ଧଡକନେ ଦୋ, ଛପାକ ପରି ଫିଲ୍ମରେ ଅଭିନୟ ଯାଦୁ ଦେଖାଇଛନ୍ତି ବିକ୍ରାନ୍ତ । ଅଭିୟନରେ ଫ୍ୟାନ୍ସଙ୍କ ହୃଦୟ ଜିତିଥିଲେ । ଏହାପରେ ଆଉ ପଛକୁ ଫେରି ଦେଖିନଥିଲେ । ଗୋଟିଏ ପରେ ଗୋଟିଏ ସୁପରହିଟ ଫିଲ୍ମ ଦର୍ଶକଙ୍କୁ ଭେଟି ଦେଇଥିଲେ । ୧୨ଥ ଫେଲ ତାଙ୍କ କ୍ୟାରିୟରର ଶ୍ରେଷ୍ଠ ଫିଲ୍ମ ।
