ନୂଆଦିଲ୍ଲୀ,୧୦/୧୨: ହିମାଚ଼ଳରେ ଅଘଟଣ । ଖାଇକୁ ଖସିଲା ବସ୍ । ଫଳରେ ଡ୍ରାଇଭରର ମୃତ୍ୟୁ ହୋଇଥିବା ବେଳେ ଏକାଧିକ ଆହତ ହୋଇଛନ୍ତି । ତେବେ ହିମାଚ଼ଳର କୁଲ୍ଲୁ ସ୍ଥିତ ସକେଲଗଡ଼ ନିକଟରେ ଏହି ଦୁର୍ଘଟଣା ଘଟିଛି । ତେବେ ଏହି ଘଟଣା ପରେ ସ୍ଥାନୀୟ ବାସିନ୍ଦା ଉଦ୍ଧାର କାର୍ଯ୍ୟ ଜାରି ରଖିଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଆରମ୍ଭ କରିଛି ।
ସୂଚନା ମୁତାବକ, କୁଲ୍ଲୁ ଆନି ଉପମଣ୍ଡଳରେ ଏକ ଘରୋଇ ବସ ଦୁର୍ଘଟଣାଗ୍ରସ୍ଥ ହୋଇଛି । ବସଟି ୨୫ ରୁ ୩୦ ଜଣ ଯାତ୍ରାଙ୍କୁ ନେଇ କରସୋଗରୁ ଆନି ଆସୁଥିଲା । ଆଉ ସେହି ସମୟରେ ବସଟି ଦୁର୍ଘଟଣାର ଶିକାର ହୋଇଥିଲା । ତେବେ ଏହି ଘଟଣାରେ ଅନେକ ଲୋକ ଆହତ ହୋଇ ବସ୍ ଆଖପାଖରେ ପଡ଼ିଥିବାର ଦେଖିବାକୁ ମିଳିଥିଲା । ଏନେଇ ସ୍ଥାନୀୟ ଲୋକ ଉଦ୍ଧାର କାର୍ଯ୍ୟ ଜାରି ରଖିଥିବା ବେଳେ ପୋଲିସ ଘଟଣାସ୍ଥଳରେ ପହଞ୍ଚ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛି । ସେପଟେ ଘଟଣାକୁ ନେଇ କୁଲ୍ଲୁ ଡ଼ିସି ଏସ୍ ରବୀଶ କହିଛନ୍ତି ଯେ, ୨୫ ରୁ ୩୦ ଯାତ୍ରୀ ଯାତ୍ରା କରୁଥିଲେ । ଘଟଣାସ୍ଥଳରେ ହିଁ ଡ୍ରାଇଭର ମ ମୃତ୍ୟୁ ହୋଇଥିଲା । ସେହିପରି ଘଟଣାସ୍ଥଳରେ ଥିବା ସମସ୍ତ ଆହତଙ୍କୁ ଡାକ୍ତରଖାନାରେ ଭର୍ତ୍ତି କରାଯାଉଛି ।
