ଭୁବନେଶ୍ୱର ୨୨/୦୪: ଗ୍ରହ ଅନୁଯାୟୀ ବିଭିନ୍ନ ରଙ୍ଗର ପ୍ରଭାବ ବିଭିନ୍ନ ବାରରେ ଆମ ଉପରେ ପଡ଼ିଥାଏ । କେଉଁ ଦିନ କେଉଁ ରଙ୍ଗର ବସ୍ତ୍ର ବା ପୋଷାକ ପିନ୍ଧିଲେ ଆମ ଉପରେ ଏହାର ସୁପ୍ରଭାବ ପଡ଼ିବ ଏବଂ ଦେବୀଦେବତାଙ୍କ ଆଶୀର୍ବାଦ ମିଳିବ ଆସନ୍ତୁ ଜାଣିବା...
ସୋମବାର: ଏହି ବାର ଚନ୍ଦ୍ରଙ୍କ ବାର । ଜ୍ୟୋତିଷ ଶାସ୍ତ୍ର ଅନୁଯାୟୀ ଚନ୍ଦ୍ରଙ୍କ ବାରରେ ଶ୍ୱେତ ବସ୍ତ୍ର ପିନ୍ଧିବା ଉଚିତ । ଏପରି କଲେ ମନ ସେଦିନ ଶାନ୍ତ ରହିବା ସହିତ କାମ ଠିକ୍ ଠିକ୍ ହୋଇପାରିବ । ଏହି ଦିନ ଦେବ ଦେବ ମହାଦେବଙ୍କର ଆଶୀର୍ବାଦ ମଧ୍ୟ ପ୍ରାପ୍ତ ହେବେ ।
ମଙ୍ଗଳବାର: ମଙ୍ଗଳ ଗ୍ରହଙ୍କର ପ୍ରଭାବ ରହୁଥିବାରୁ ଲାଲ୍ ବସ୍ତ୍ର ପିନ୍ଧିବା ଦ୍ୱାର ଶୁଭ ଫଳ ମିଳିଥାଏ । ଲାଲ୍ ରଙ୍ଗର ବସ୍ତ୍ର ପିନ୍ଧିଲେ ଶକ୍ତିଶାଳୀ ତଥା ବୁଦ୍ଧିମାନ୍ ହେବାର ଆଶୀର୍ବାଦ ହନୁମାନ୍ ପ୍ରଦାନ କରିଥାନ୍ତି ।
ବୁଧବାର: ବୁଧ ଗ୍ରହ ବାଣୀ, ବୁଦ୍ଧି ବ୍ୟାପାର ସହ ସମ୍ବନ୍ଧିତ । ଏଣୁ ବୁଧବ।ର ଦିନ ଯେଉଁମାନେ ସବୁଜ ରଙ୍ଗର ବସ୍ତ୍ର ପିନ୍ଧିବେ ସେମାନଙ୍କୁ ବ୍ୟାବସାୟିକ କାରବାରରେ ସଫଳତା ମିଳିବ । କଥାରେ ହୃଦୟ ମଧ୍ୟ ଜିତିପାରିବେ । ସବୁଜ ରଙ୍ଗ ବୁଧଙ୍କ ପ୍ରଭାବକୁ ମଜବୁତ୍ କରିବା ସହିତ ସବୁଜବସ୍ତ୍ରଧାରୀ ଶ୍ରୀଗଣେଶଙ୍କ କୃପା ମଧ୍ୟ ପାଇପାରିବେ ।
ଗୁରୁବାର: ଏହି ଦିନଟି ଶ୍ରୀହରିଙ୍କ ପ୍ରତି ସମର୍ପିତ ବାର ଅଟେ । ହରିଙ୍କ ପ୍ରିୟ ହଳଦିଆ ରଙ୍ଗ । ଏଣୁ ଗୁରୁବାର ହଳଦିଆ ରଙ୍ଗର ବସ୍ତ୍ର, ପୋଷାକ ପିନ୍ଧିଲେ ସମସ୍ତ କାର୍ଯ୍ୟରେ ସଫଳତା ପ୍ରାପ୍ତ ହେବେ । ଗୁରୁ ବୃହସ୍ପତିଙ୍କର ପ୍ରଭାବ ବି ମଜବୁତ୍ ରହିବ ।
ଶୁକ୍ରବାର: ମାତା ଲକ୍ଷ୍ମୀଙ୍କୁ ସମର୍ପିତ ଶୁକ୍ରବାର । ଏହି ଦିନ ପ୍ରେମ, ବିଳାସ ତଥା ଧନର ଗ୍ରହ ଶୁକ୍ରଙ୍କ ଆଧିପତ୍ୟ ରହିଥାଏ । ସବୁ ଦୃଷ୍ଟିରୁ ଶୁକ୍ରବାର ଶ୍ୱେତ ବସ୍ତ୍ର ପିନ୍ଧିଲେ ଆପଣ ଲାଭବାନ୍ ହେବେ ।
ଶନିବାର: ଶନିବାର ଗାଢ଼ ରଙ୍ଗର ବସ୍ତ୍ର, ପୋଷାକ ପିନ୍ଧିବା ଭଲ । ଯେମିତି ଗାଢ଼ ନୀଳ, ଗାଢ଼ ଧୂସର ଇତ୍ୟାଦି । ଗାଢ଼ରଙ୍ଗର ବସ୍ତ୍ରଧାରୀମାନେ ମହାଗ୍ରହ ଶନିଦେବଙ୍କ କୃପା ପ୍ରାପ୍ତ ହେବେ । ଏହିସହିତ ରାହୁ , କେତୁଙ୍କ ର ଶୁଭ ଦୃଷ୍ଟି ପଡିବ ।
ରବିବାର: ରବିବାର ସୂର୍ଯ୍ୟଦେବଙ୍କ ଦିନ ଅଟେ । ଲାଲ୍ କିମ୍ବା ସ୍ୱର୍ଣ୍ଣାଭ ରଙ୍ଗର ବସ୍ତ୍ର ପିନ୍ଧିଲେ ପୁରା ଦିନ ସୂର୍ଯ୍ୟଦେବଙ୍କ କୃପା ରହିବ । ଫଳରେ ଶାନ୍ତି,ସମ୍ମାନ ଏବଂ ସମୃଦ୍ଧି ପ୍ରାପ୍ତ ହେବେ । ସୂର୍ଯ୍ୟଦେବଙ୍କ ସହିତ ଅନ୍ୟ ଗ୍ରହଗଣଙ୍କର ଶୁଭ ଦୃଷ୍ଟି ବି ରହିବ ।
