ଭୁବନେଶ୍ବର,୩।୭: ଲାଞ୍ଚ ନେବା ମହଙ୍ଗା ପଡିଲା ଖଣ୍ଡପଡା ତହସିଲଦାରଙ୍କୁ। ମୋରମ୍ ବୋଝେଇ ଗାଡ଼ି ଛାଡ଼ିବାକୁ ୨୦ ହଜାର ଟଙ୍କା ଲାଞ୍ଚ ନେଉଥିଲେ। ଏହି ଅଭିଯୋଗରେ  ଭିଜିଲାନ୍ସ ହାତରେ ଖଣ୍ଡପଡା ତହସିଲଦାର ଧୋବେଇ ନାୟକ ଧରାପଡି ଗିରଫ ହୋଇଛନ୍ତି।

ନୟାଗଡ ଜିଲ୍ଲା ସିଦ୍ଧାମୁଳା ନିକଟ ମହାନଦୀରୁ ବାଲି ବୋଝେଇକରି ହାଇୱା ଗାଡିରେ ବିଭିନ୍ନ ସ୍ଥାନକୁ ନିଆଯାଇଥାଏ । କୌଣସି କାରଣରୁ ଚନ୍ଦନ ଜେନାଙ୍କ ବାଲି ବୋଝେଇ ଗାଡିକୁ ଖଣ୍ଡପଡା ତହସିଲଦାର ଧୋବେଇ ନାୟକ ଅଟକ ରଖିଥିଲେ । ଗାଡି ଛାଡିବା ପାଇଁ ତହସିଲଦାର ଗାଡିମାଲିକଙ୍କୁ ୨୦ହଜାର ଟଙ୍କା ଲାଞ୍ଚ ମାଗିଥିଲେ । ଗତକାଲି ରାତିରେ ପ୍ରସନ୍ନ ସାହୁଙ୍କ  ମାଧ୍ୟମରେ ଗାଡିମାଲିକଙ୍କ ଠାରୁ ଟଙ୍କା ନେଉଥିବାବେଳେ ନୟାଗଡ ଭିଜିଲାନ୍ସ ଟିମ୍ ତାଙ୍କୁ ଧରିଥିଲା ।  ତହସିଲଦାରଙ୍କ ପାଇଁ ଟଙ୍କା ନେଉଥିବା ପ୍ରସନ୍ନ ସାହୁ   କହିଥିଲେ।  ପ୍ରସନ୍ନ ସାହୁଙ୍କୁ  ନୟାଗଡ ଭିଜିଲାନ୍ସ  ଗିରଫ କରିଥିଲା । ଏହା ପରେ  ଭିଜିଲାନ୍ସ ଟିମ୍  ତହସିଲଦାର ଧୋବେଇ ନାୟକଙ୍କ କାର୍ଯ୍ୟାଳୟ, ଭଡ଼ା ଘର, ପୈତୃକ ଘର ସମେତ ଭୁବନେଶ୍ୱର ଘରେ ଚଢ଼ାଉ କରିଥିଲେ। ଚଢାଉରେ ନୟାଗଡ ଏବଂ ଭୁବନେଶ୍ବର ଭିଜିଲାନ୍ସ ଟିମ୍ ସାମିଲ୍ ହୋଇଥିଲେ। ଭିଜିଲାନ୍ସ ଟିମ୍ ତାଙ୍କୁ ଗିରଫ କରି କୋର୍ଟ ଚାଲାଣ କରିଛି। 

ଆହୁରି ପଢନ୍ତୁ : ମାଲକାନଗିରିର ପୂର୍ବତନ ବିଧାୟକ ଆଦିତ୍ୟ ମାଢୀଙ୍କ ପରଲୋକ