ନୂଆଦିଲ୍ଲୀ,୦୫/୦୪: କର୍ଣ୍ଣାଟକରେ ମର୍ମନ୍ତୁଦ ସଡ଼କ ଦୁର୍ଘଟଣା । ରାସ୍ତାରେ ଛିଡ଼ା ହୋଇଥିବା ଟ୍ରକକୁ ପିଟିଲା ଭ୍ୟାନ୍। ଫଳରେ ୫ ଜଣଙ୍କର ମୃତ୍ୟୁ ହୋଇଥିବା ବେଳେ ୧୦ ଜଣ ଗୁରୁତର ଆହତ ହୋଇଛନ୍ତି । ସମସ୍ତ ଗୁରୁତରଙ୍କୁ ନିକଟସ୍ଥ ହସ୍ପିଟାଲରେ ଭର୍ତ୍ତି କରାଯାଇଛି।
ସୂଚନା ମୁତାବକ, କର୍ଣ୍ଣାଟକର କଳାବୁରାଗି ଜିଲ୍ଲା ନେଲୋଗି ନିକଟରେ ଭୋର ପ୍ରାୟ ୩.୩୦ ସମୟରେ ଏହି ଦୁର୍ଘଟଣା ହୋଇଛି। ପୂର୍ବରୁ ରାସ୍ତା କଡ଼ରେ ଛିଡ଼ା ହୋଇଥିବା ଏକ ଟ୍ରକକୁ ଦ୍ରୁତ ବେଗରେ ଆସୁଥିବା ଏକ ଭ୍ୟାନ୍ ଧକ୍କା ଦେଇଥିଲା। ଯେଉଁ ଦୁର୍ଘଟଣାରେ ଭ୍ୟାନରେ ଥିବା ୫ ଜଣ ଲୋକଙ୍କର ମୃତ୍ୟୁ ହୋଇଛି। ଆଉ ୧୦ ଜଣ ଗୁରୁତରଙ୍କୁ ସ୍ଥାନୀୟ କାଲାବୁରାଗିର ହସ୍ପିଟାଲରେ ଭର୍ତ୍ତି କରାଯାଇଛି। ଏନେଇ ଖବର ପାଇ ନେଲୋଗି ପୋଲିସ ଘଟଣାସ୍ଥଳରେ ପହଞ୍ଚି ଏକ ମାମଲା ରୁଜୁ କରି ତଦନ୍ତ ଚଳାଇଛି। ପ୍ରାଣ ହରାଇଥିବା ସମସ୍ତ ବ୍ୟକ୍ତି ବାଗଲକୋଟ ଜିଲ୍ଲାର ବାସିନ୍ଦା ବୋଲି ସୂଚନା ମିଳିଛି।
ଏହା ମଧ୍ୟ ପଢନ୍ତୁ- ସୁକୁମାରେ ଲାଲ୍ ବାହିନୀକୁ ମିଳିଲା ବଡ଼ ସଫଳତା, ୪ ହାର୍ଡକାେର୍ ମାଓବାଦୀଙ୍କ ଆତ୍ମସମର୍ପଣ
ସେପଟେ ମାଣ୍ଡ୍ୟା ଜିଲ୍ଲାରେ ଏକ ମର୍ମନ୍ତୁଦ ଦୁର୍ଘଟଣାରେ ଗୋଟିଏ ପରିବାରର ୪ ଜଣ ସଦସ୍ୟଙ୍କ ମୃତ୍ୟୁ ହୋଇଛି। ଏହି ଦୁର୍ଘଟଣା ବେଙ୍ଗାଲୁରୁ-ମହୀଶୂର ଏକ୍ସପ୍ରେସୱେରେ ଘଟିଛି। ସୂଚନା ଅନୁଯାୟୀ, ପରିବାର ପିରିଆପାଟଣା ଯାଉଥିଲେ। ତା’ପରେ ଟୁବିନାକେରେ ପ୍ରସ୍ଥାନ ନିକଟରେ, ଏକ ରାଜ୍ୟ ପରିବହନ ବସ୍ କାରକୁ ପଛରୁ ଧକ୍କା ଦେଇଥିଲା।
