ଆଇଜୋଲ,୪।୧୨: ରବିବାର ୪ଟି ରାଜ୍ୟର ନିର୍ବାଚନୀ ଫଳାଫଳ ପ୍ରକାଶ ପାଇବା ପରେ ଆଜି ଚାଲିଛି ମିଜୋରାମରେ ଭୋଟ୍ ଗଣତି। ସକାଳ ୮ଟାରେ ଆରମ୍ଭ ହୋଇଛି ମତ ଗଣନା। ଭାରତର ଉତ୍ତରପୂର୍ବ ପ୍ରାନ୍ତରେ ଅବସ୍ଥିତ କ୍ଷୁଦ୍ର ରାଜ୍ୟ ମିଜୋରାମର ଜୋରମ ପିପୁଲ୍ସ ମୁଭମେଣ୍ଟ(ZPM) ଶାସକ ଦଳକୁ ବହୁ ପଛରେ ପକାଇ ଆଗେଇ ଚାଲିଛି। ବର୍ତ୍ତମାନ ସୁଦ୍ଧା ଜେଏଡ୍ ପିଏମ୍ ମିଜୋରାମର ୧୬ଟି ଆସନ ଜିତି ସାରିଛି ଆଇଜୋଲ୍ର ପୂର୍ବ ୧ ଆସନରୁ ନିର୍ବାଚନ ଲଢୁଥିବା ମୁଖ୍ୟମନ୍ତ୍ରୀ ତଥା ଏମ୍ଏନ୍ଏଫ୍ ପ୍ରାର୍ଥୀ ଜୋରମଥାଙ୍ଗା ପରାଜିତ ହୋଇଛନ୍ତି। ତାଙ୍କୁ ଜେଡ୍ପିଏମ୍ର ଲାଲଥନସାଙ୍ଗା ଦେଇଛନ୍ତି ମାତ୍। ଜେଡପିଏମ୍ ବହୁମତ ଆଡକୁ ଅଗ୍ରସର ହେଉଥିବା ବେଳେ ଶାସକ ଦଳ ଏନ୍ଏମ୍ଏଫ୍, ବିଜେପି ଓ କଂଗ୍ରେସର ସ୍ଥିତି ଖରାପ ରହିଛି।
ନିର୍ବାଚନ କମିଶନଙ୍କ ସୂଚନା ଅନୁସାରେ, ମିଜୋରାମର ସ୍ବାସ୍ଥ୍ୟମନ୍ତ୍ରୀ ଆର ଲାଲଥଙ୍ଗାଲିୟାନ ଦକ୍ଷିଣ ତୁଇପୁଇ ସିଟ୍ରୁ ହାରି ଯାଇଛନ୍ତି। ତାଙ୍କୁ ଜେଡ୍ପିଏମ୍ର ଲାଲପେଖଲୁଆ ହରାଇଛନ୍ତି। ଏହା ପୂର୍ବରୁ ମିଜୋରାମର ଉପମୁଖ୍ୟମନ୍ତ୍ରୀ ମଧ୍ୟ ହାରି ସାରିଛନ୍ତି। ଏମ୍ଏନ୍ଏଫ୍ କାର୍ଯ୍ୟାଳୟ ପୁରା ନିଶବ୍ଦ ହୋଇଯାଇଥିବା ବେଳେ ଜେଡ୍ପିଏମ୍ କାର୍ଯ୍ୟାଳୟରେ ଖୁସିର ଲହର ଖେଳି ଯାଇଛି। ପ୍ରକାଶ ଥାଉ କି, ୪୦ ବିଧାନସଭା ଆସନ ବିଶିଷ୍ଟ ମିଜୋରାମରେ ମ୍ୟାଜିକ୍ ନଂ ରହିଛି ୨୧। ଆଉ ଏହାର ଖୁବ୍ ନିକଟତର ହୋଇଛି ଜେଡ୍ପିଏମ୍।