ନୂଆଦିଲ୍ଲୀ,୨୩/୦୩: ଗତ ସପ୍ତାହରୁ ତୁର୍କୀରେ ବିରୋଧୀ ଦଳର ନେତା ତଥା ଇସ୍ତାନବୁଲ ମେୟର ଏକରେମ ଇମାମୋଗ୍ଲୁଙ୍କ ଗିରଫଦାରୀ ବିରୋଧରେ ବିରୋଧ ଚାଲିଛି। ଇମାମୋଗ୍ଲୁଙ୍କ ସମସ୍ୟା କୋର୍ଟ ଆହୁରି ବଢ଼ାଇ ଦେଇଛନ୍ତି। ଦୁର୍ନୀତି ଅଭିଯୋଗର ଶୁଣାଣି ଫଳାଫଳ ପର୍ଯ୍ୟନ୍ତ ଇମାମୋଗ୍ଲୁଙ୍କୁ ଜେଲରେ ରଖିବାକୁ ନିର୍ଦ୍ଦେଶ ଦେଇଛନ୍ତି କୋର୍ଟ। ଏହି ରାୟ ପରେ ତାଙ୍କ ସମର୍ଥନରେ ପ୍ରଦର୍ଶନ ଅଧିକ ଭୟଙ୍କର ହେବ ବୋଲି ଆଶା କରାଯାଉଛି। ଦୁର୍ନୀତି ଅଭିଯୋଗରେ ତୁର୍କୀ କୋର୍ଟ ଆନୁଷ୍ଠାନିକ ଭାବେ ଇସ୍ତାନବୁଲ ମେୟର ଏକରେମ ଇମାମୋଗ୍ଲୁଙ୍କୁ ଗିରଫ କରିଛି। କୋର୍ଟ କହିଛନ୍ତି ଯେ ଦୁର୍ନୀତି ଅନୁସନ୍ଧାନର ଏକ ଅଂଶ ସ୍ବରୁପ ଇମାମୋଗ୍ଲୁ ଏବଂ ଅନ୍ୟ ୨୦ ଜଣଙ୍କୁ ଜେଲରେ ରଖାଯାଇଛି। ଆତଙ୍କବାଦ ସହ ଜଡ଼ିତ ତଦନ୍ତ ଉପରେ ପୃଥକ ନିଷ୍ପତ୍ତି ଏପର୍ଯ୍ୟନ୍ତ ଜାରି କରାଯାଇ ନାହିଁ।
ଦୁର୍ନୀତି ଏବଂ ଆତଙ୍କବାଦ ଅଭିଯୋଗରେ ବିରୋଧୀଦଳର ଜଣେ ପ୍ରମୁଖ ନେତା ତଥା ରାଷ୍ଟ୍ରପତି ରିସେପ୍ ତାଇପ ଏର୍ଦଆନଙ୍କ ଦୀର୍ଘ ଦିନର ସମ୍ଭାବ୍ୟ ପ୍ରତିଦ୍ୱନ୍ଦ୍ୱୀ ଇମାମୋଗ୍ଲୁଙ୍କୁ ବୁଧବାର ସରକାର ଗିରଫ କରିଥିଲେ। ଯେଉଁ କାରଣରୁ ସାରା ଦେଶରେ ପ୍ରଦର୍ଶନ ଆରମ୍ଭ ହୋଇଥିଲା। ଇମାମୋଗ୍ଲୋ ସମସ୍ତ ଅଭିଯୋଗକୁ ଅସ୍ୱୀକାର କରି ତାଙ୍କୁ 'ବଦନାମ ଅଭିଯାନର ଏକ ଅଂଶ' ବୋଲି କହିଛନ୍ତି।
ଇମାମୋଗ୍ଲୁଙ୍କ ସହଯୋଗୀ ଅଙ୍କାର ମେୟର ମାନସୁର ୟାଭା ଗଣମାଧ୍ୟମକୁ କହିଛନ୍ତି ଯେ ଜେଲ ଯିବା ନ୍ୟାୟିକ ବ୍ୟବସ୍ଥା ପାଇଁ ଅପମାନ। ମୁଖ୍ୟ ବିଚାରପତି ରିପବ୍ଲିକାନ୍ ପିପୁଲ୍ସ ପାର୍ଟି, ୟୁରୋପୀୟ ନେତା ଏବଂ ହଜାର ହଜାର ବିକ୍ଷୋଭକାରୀ ତାଙ୍କ ବିରୋଧରେ ହୋଇଥିବା କାର୍ଯ୍ୟକୁ ରାଜନୈତିକ କାର୍ଯ୍ୟ ବୋଲି ସମାଲୋଚନା କରିବା ପରେ ଇମାମୋଗ୍ଲୁଙ୍କୁ ଗିରଫ କରିବାକୁ କୋର୍ଟ ନିଷ୍ପତ୍ତି ନେଇଛନ୍ତି।
ଇସ୍ତାନବୁଲରେ ହୋଇଥିବା ପ୍ରଦର୍ଶନକୁ ଦୃଷ୍ଟିରେ ରଖି କଡ଼ା ସୁରକ୍ଷା ବ୍ୟବସ୍ଥା କରାଯାଇଛି। ରାଜନୈତିକ ଲାଭ ପାଇଁ ଇମାମୋଗ୍ଲୁଙ୍କୁ ଗିରଫ କରିଥିବା ସରକାର ଅଭିଯୋଗ କରିଛନ୍ତି। ତେବେ ଏହି ମାମଲା ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ବୋଲି ସରକାର ଅସ୍ୱୀକାର କରିଛନ୍ତି। ବର୍ତ୍ତମାନ ଅଦାଲତର ଏହି ନିଷ୍ପତ୍ତି ପରେ, ଏହା ଦେଖିବାକୁ ବାକି ରହିଲା କି, ଏର୍ଦ୍ଦୋଆନର ସମସ୍ୟା ବଢ଼ୁଛି କି ଇମାମୋଗ୍ଲୁଙ୍କ ଜେଲରେ ରହିବା ପୁଣି ଥରେ ରାଷ୍ଟ୍ରପତି ହେବା ପାଇଁ ତାଙ୍କ ବାଟକୁ ସହଜ କରିବ?
