ନୂଆଦିଲ୍ଲୀ : ଦକ୍ଷିଣ ଲେବାନନର ଟାୟର ଜିଲ୍ଲାରେ ଦୈର କାନୌନ-ରାସ ଅଲ-ଆଇନ ରୋଡ୍ରେ ଇସ୍ରାଏଲ ଏକ କାରକୁ କରିଛି ଟାର୍ଗେଟ୍। ଏଥିରେ ବସିଥିବା ଅନେକ ଲୋକ ଆହତ ହୋଇଛନ୍ତି। ଉକ୍ତ ହମଲାରେ ବର୍ତ୍ତମାନ କେହି ମୃତ୍ୟୁ ହେବାର ସୂଚନା ଆସି ନାହିଁ। ଏହି ମଧ୍ୟରେ ଇରାନୀ ସଂସଦର ଅଧ୍ୟକ୍ଷ ମହମ୍ମଦ ବଗେର କାଲିବାଫ ବେରୁତରେ ପହଞ୍ଚି ଥିଲେ। ଏଠାରେ ସେ ଲେବାନନ ପ୍ରଧାନମନ୍ତ୍ରୀଙ୍କୁ ସାକ୍ଷାତ କରିଥିଲେ।
କୁହାଯାଇଛି କି, ଏହି ଯାତ୍ରାର ଉଦ୍ଦେଶ୍ୟ ଲେବାନନ ପ୍ରତି ଇରାନର ସମର୍ଥନକୁ ଦୋହରାଇବା। କାଲିବାଫ ବେରୁତ ଆସିବା ସମୟରେ ଜେନିଭାରେ ହେବାକୁ ଥିବା ଇଣ୍ଟର-ପାର୍ଲିଆମେଣ୍ଟାରୀ ୟୁନିୟନ (ଆଇପିୟୁ) ଆସେମ୍ୱଲି ରାସ୍ତାରେ ରହିଥିଲେ।
ଇରାନୀ ନେତା ଏୟାରପୋର୍ଟରେ କହିଥିଲେ, ମୁଁ ଲେବାନାନୀ ସ୍ପିକର ନାବିହ ବେରୀଙ୍କ ନିମନ୍ତ୍ରଣରେ ଆସିଛି। ଏହି ଯାତ୍ରାର ଉଦ୍ଦେଶ୍ୟ ଇରାନର ସର୍ବୋଚ୍ଚ ନେତା ତଥା ରାଷ୍ଟ୍ରପତିଙ୍କ ବାର୍ତ୍ତା ଲେବାନାନୀ ଜନତାଙ୍କ ପାଖରେ ପହଞ୍ଚାଇବା, ଯେଉଁଥିରେ ଲେବାନାନୀ ସରକାର , ଜନତା ଓ ପ୍ରତିରୋଧ ଆନ୍ଦୋଳନ ପ୍ରତି ଆମର ଅତୁଟ ସମର୍ଥନକୁ ଦୋହରାଇବା।
ଇସ୍ରାଏଲର ହମଲାରେ ବିଜବୁଲ୍ଲା ପ୍ରମୁଖ ହସନ ନସରଲ୍ଲାହଙ୍କର ମୃତ୍ୟୁ ପରେ ଇରାନ ଓ ଲେବାନନ ମଧ୍ୟରେ ବର୍ତ୍ତମାନର ସମୟରେ ସଂପର୍କ ଖୁବ୍ ନିବିଡ଼ ହୋଇଛି। ଇରାନର ସୁପ୍ରିମ ଲିଡର ଅନେକ ମାମଲାରେ ଲେବାନନ ଓ ବିଶେଷକରି ହିଜବୁଲ୍ଲାର ସାହାଯ୍ୟ ପାଇଁ ନିର୍ଦ୍ଦେଶ ଦେଇଛନ୍ତି। ଗତ ଦିନରେ ଯେବେ ଇସ୍ରାଏଲ ଉପରେ ଇରାନ ଅନେକ ମିସାଇଲ ମାଡ଼ କରିଥିଲା , ସେତେବେଳେ ଇରାନ କହିଥିଲା କି ତାର ଏହି ହମଲା ନସରଲ୍ଲାହ ଓ ଇସ୍ମାଇଲ ହାନିଆରଙ୍କ ମୃତ୍ୟୁର ପ୍ରତିଶୋଧ। ଏହି ହମଲା ପାଇଁ ନିଜେ ସୁପ୍ରିମ ଲିଡର ନିର୍ଦ୍ଦେଶ ଦେଇଥିଲେ।
