ଭୁବନେଶ୍ବର, ୫/୧୦ : ନବରାତ୍ରୀ ଅବସରରେ କାନାରା ବ୍ୟାଙ୍କ ଭୁବନେଶ୍ବର ଜୋନ୍ ପକ୍ଷରୁ ସାନିଟାରୀ ନାପକିନ ଭେଣ୍ଡିଂ ମେସିନ ଏବଂ ସାନିଟାରୀ ନାପକିନ ଡିସପୋଜାଲ ମେଶିନ ଉଭୟ ସ୍ଥାପନ କରାଯାଇଛି । ଓଡ଼ିଶାରେ ମହିଳା ଛାତ୍ରୀ ଓ କର୍ମଚାରୀଙ୍କ ମଧ୍ୟରେ ସ୍ବାସ୍ଥ୍ୟ ଏବଂ ସ୍ବଚ୍ଛତାକୁ ବୃଦ୍ଧି ପାଇଁ ଏକ ଉତ୍ତମ ପଦକ୍ଷେପ ନିଆଯାଇଛି ।
ଏହି ଉତ୍ତମ ପଦକ୍ଷେପ ଆରମ୍ଭ କରିବା ପାଇଁ ଜେନେରାଲ ମ୍ୟାନେଜର ତଥା ଷ୍ଟେଟ ହେଡ ଜଗଦୀଶ ଚନ୍ଦର ଆଜି କେଏମବିବି ଜୁନିୟର ସାଇନ୍ସ କଲେଜ , ନାରଣପୁର, କଟକକୁ ସାନିଟାରୀ ନାପକିନ ଭେଣ୍ଡିଂ ମେସିନ ଏବଂ ସାନିଟାରୀ ନାପକିନ ଡିସପୋଜାଲ୍ ମେସିନ୍ କଟକକୁ ପ୍ରଦାନ କରିଛନ୍ତି। ଏହି ଅବସରରେ କଲେଜ ପ୍ରିନ୍ସିପାଲ ତଥା ଅନ୍ୟ ବ୍ୟାଙ୍କ ଅଧିକାରୀ ତଥା କଲେଜ କର୍ମଚାରୀମାନେ ମଧ୍ୟ ଉପସ୍ଥିତ ଥିଲେ। କାନାରା ବ୍ୟାଙ୍କ ବିଭିନ୍ନ ଶିକ୍ଷାନୁଷ୍ଠାନରେ ତଥା ଭୁବନେଶ୍ୱର, କଟକ, ଭଦ୍ରକ, ବ୍ରହ୍ମପୁର ଏବଂ ସମ୍ବଲପୁର ଭଳି ୨୦ଟି ମେସିନ ସ୍ଥାପନ କରୁଛି। କାନାରା ବ୍ୟାଙ୍କ ନିଶ୍ଚିତ କରିବ ଯେ ଅନ୍ତତଃ ଆଗାମୀ ୬ମାସ ପାଇଁ ଏହି ମେସିନ୍ଗୁଡ଼ିକ ଠିକ୍ ସମୟରେ ରିଫିଲ୍ ହେବ । କାନାରା ବ୍ୟାଙ୍କର ଏହି ପଦକ୍ଷେପକୁ ସମସ୍ତେ ପ୍ରଶଂସା କରୁଛନ୍ତି ।
