ନୂଆଦିଲ୍ଲୀ: କାନାଡାରେ ଜଣେ ୨୦ ବର୍ଷୀୟ ଭାରତୀୟ ବଂଶୋଦ୍ଭବ ଛାତ୍ରଙ୍କୁ ଗୁଳି କରି ହତ୍ୟା କରାଯାଇଛି । ଏହି ମାମଲାରେ ପୋଲିସ ଦୁଇ ଅଭିଯୁକ୍ତ ଇଭାନ ରେନ୍ ଏବଂ ଜୁଡିଥ ସାଲ୍ଟୋକୁ ଗିରଫ କରିଛି । ମିଳିଥିବା ସୂଚନା ଅନୁସାରେ, ହର୍ଷଦୀପ ସିଂହ କାନାଡାରେ ପଢ଼ିବା ସହ ଜଣେ ସିକ୍ୟୁରିଟି ଗାର୍ଡ ଭାବରେ କାର୍ଯ୍ୟ କରୁଥିଲେ ।
ଶୁକ୍ରବାର ରାତି ପ୍ରାୟ ୧୨.୩୦ ସମୟରେ ଫ୍ଲାଟରେ ଥିବା ବଳେ ତାଙ୍କୁ ଗୁଳି କରି ହତ୍ୟା କରାଯାଇଛି । ତେବେ ଅଭିଯୁକ୍ତମାନେ ହର୍ଷଦୀପଙ୍କୁ ଗୁଳି କରିବା ପୂର୍ବରୁ ବହୁ ହଇରାଣ କରିବା ସହ ସିଢ଼ିରୁ ତଳକୁ ଠେଲି ଦେଉଥିବା ସିସିଟିଭି ଫୁଟେଜ୍ରୁ ଦେଖିବାକୁ ମିଳିଛି । ଏହି ସମୟରେ ଅଭିଯୁକ୍ତଙ୍କ ମଧ୍ୟରୁ ଜଣେ ତାଙ୍କୁ ପଛରୁ ଗୁଳି କରିଦେଉଛନ୍ତି । ଗୁଳି କରିବା ପରେ ୩ ଅଭିଯୁକ୍ତ ଘଟଣାସ୍ଥଳରୁ ଫେରାର ହୋଇଯାଇଥିଲେ ।
କାନାଡାର ଏଡମୋଣ୍ଟନ ପୋଲିସର କହିବା ଅନୁଯାୟୀ, ହର୍ଷଦୀପଙ୍କୁ ସାଙ୍ଗେସାଙ୍ଗେ ହସ୍ପିଟାଲ୍ ନିଆଯାଇଥିଲା । ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ସେପଟେ ତଦନ୍ତକାରୀଙ୍କ ଅନୁସାରେ, ହୁଏତ ହର୍ଷଦୀପଙ୍କୁ ହତ୍ୟା କରାଯାଇ ନାହିଁ । ହେଲେ ଗଟଣାସ୍ଥଳରୁ ପୋଲିସ ଏକ ମାରଣାସ୍ତ୍ର ଜବତ କରିଛି । ମୃତଦେହର ପୋଷ୍ଟମର୍ଟମ ଡସେମ୍ବର ୯ରେ କରାଯିବ ବୋଲି ଜଣାପଡ଼ିଛି । ହତ୍ୟାର କାରଣ ସଂପର୍କରେ ସଠିକ୍ ସୂଚନା ମିଳିପାରି ନାହିଁ । ଏହା ପୂର୍ବରୁ କାନାଡାର ସରନିୟାରେ ଜଣେ ଭାରତୀୟ ଛାତ୍ରଙ୍କୁ ଛୁରୀ ଭୁସି ହତ୍ୟା କରାଯାଇଥିଲା ।
