ନୂଆଦିଲ୍ଲୀ,୬।୭: ଗତ କିଛି ବର୍ଷ ମଧ୍ୟରେ, ଭାରତ ଅନେକ ଅଗ୍ରଗତି କରିଛି ଏବଂ ବିଶ୍ୱର ସବୁଠାରୁ ଶକ୍ତିଶାଳୀ ରେଳ ଇଞ୍ଜିନ ନିର୍ମାଣ କରୁଛି। ଭାରତୀୟ ରେଳ ମୁଖ୍ୟତଃ ଦୁଇ ପ୍ରକାରର ରେଳ ଇଞ୍ଜିନ ବ୍ୟବହାର କରେ, ଏଗୁଡ଼ିକ ହେଲା ଇଲେକ୍ଟ୍ରିକ୍ ଇଞ୍ଜିନ ଏବଂ ଡିଜେଲ ଇଞ୍ଜିନ। ଏହା ବ୍ୟତୀତ ଏବେ ଷ୍ଟିମ୍ ଇଞ୍ଜିନ ଟ୍ରେନଗୁଡ଼ିକ ଏବେ ବି ବିଶେଷ ଅବସରରେ ଚଲାଯାଏ। ଭାରତୀୟ ରେଳରେ ସବୁଠାରୁ ଶକ୍ତିଶାଳୀ ଇଞ୍ଜିନଗୁଡ଼ିକ ମାଲବାହୀ ଟ୍ରେନଗୁଡ଼ିକୁ ଟାଣିବା ପାଇଁ ବ୍ୟବହୃତ ହୁଏ।  ତେବେ କ’ଣ ଜାଣନ୍ତି କି ? ଆମେରିକା, ଜାପାନ ନୁହେଁ ଭାରତରେ ବିଶ୍ୱର ସବୁଠାରୁ ଶକ୍ତିଶାଳୀ ରେଳ ଇଞ୍ଜିନ ଅଛି, ଆସନ୍ତୁ ଜାଣିବା ଏହାର ବିଶେଷତ୍ୱ।

ଭାରତରେ, ମାଲବାହୀ ଟ୍ରେନ୍ ଟାଣିବା ପାଇଁ ସବୁଠାରୁ ଶକ୍ତିଶାଳୀ ଇଞ୍ଜିନ୍ ବ୍ୟବହାର କରାଯାଏ। ଏକ ମାଲବାହୀ ଟ୍ରେନ୍ ହଜାର ହଜାର ଟନ୍ ଓଜନର ହୋଇଥାଏ ଏବଂ ଏହି ଓଜନ ଏକ ଯାତ୍ରୀବାହୀ ଟ୍ରେନ୍ ଅପେକ୍ଷା ବହୁତ ଅଧିକ। ସେଥିପାଇଁ ଏହାକୁ ଟାଣିବା ପାଇଁ ଅନେକ ଗୁଣ ଅଧିକ ଶକ୍ତିଶାଳୀ ଇଞ୍ଜିନ୍ ଆବଶ୍ୟକ ହୁଏ। ୨୦୨୦ ମଇ ମାସ ଆରମ୍ଭରୁ WAG 11 ଭାରତୀୟ ରେଳ ଇଞ୍ଜିନ ଥିଲା। ଏହାର କ୍ଷମତା ୧୧ ହଜାର ହର୍ସ ପାଓ୍ବାର ଥିଲା। କିନ୍ତୁ ଏହାପରେ ଆସିଥିଲା WAG 12B, ଯାହାକୁ ଦୁନିଆର ସବୁଠାରୁ ଶକ୍ତିଶାଳୀ ଇଞ୍ଜିନ ଭାବରେ ମନେକରାଯାଏ। ୧୮ ମଇ ୨୦୨୦ ରେ ଏହି ଇଞ୍ଜିନ ପଣ୍ଡିତ ଦୀନ ଦୟାଲ ଉପାଧ୍ୟୟ ଷ୍ଟେସନ୍‌ରୁ ଶିବପୁରୀକୁ ପ୍ରଥମେ ଯାତ୍ରା କରିଥିଲା। 

ଏହା ଏକ ସମ୍ପୂର୍ଣ୍ଣ ଇଲେକ୍ଟ୍ରିକ୍  ଇଞ୍ଜିନ ଏବଂ ଏହାର ମୋଟ କ୍ଷମତା ୧୨୦୦୦ ହର୍ସପାୱର୍। ବର୍ତ୍ତମାନ, ଏହା ଭାରତର ସବୁଠାରୁ ଶକ୍ତିଶାଳୀ ରେଳ ଇଞ୍ଜିନ। ଏହାକୁ ବିଶ୍ୱର ସବୁଠାରୁ ଶକ୍ତିଶାଳୀ ରେଳ ଇଞ୍ଜିନ ତାଲିକାରେ ମଧ୍ୟ ଅନ୍ତର୍ଭୁକ୍ତ କରାଯାଇଛି। WAG 12B ହେଉଛି ଏକ ଟ୍ବିନ୍ ସେକ୍ସନ ଲୋକୋମୋଟିଭ୍, ଯାହାକୁ ବ୍ରଡଗେଜରେ ଚାଲିବା ପାଇଁ ଡିଜାଇନ୍ କରାଯାଇଛି। ଏହାର ହ୍ବିଲ ମ୍ୟାନେଜମେଣ୍ଟ Bo'Bo'+Bo'Bo' କାଟାଗୋରୀର ରହିଛି। WAG 12B ଇଞ୍ଜିନର ଓଜନ ପ୍ରାୟ ୧୮୦ ଟନ୍ ଏବଂ ଏହା ୬୦୦୦ ଟନ୍ ଓଜନର ଟ୍ରେନକୁ ଟାଣିବାର କ୍ଷମତା ରଖେ। ଏହାର ଘଣ୍ଟା ପ୍ରତି ବେଗ  ରହିଛି ୧୨୦ କିଲୋମିଟର। ଏହି ଇଞ୍ଜିନର ସ୍ବତନ୍ତ୍ରତା ହେଉଛି ଯଦି ଲୋଡ୍ କମ୍ ଥାଏ, ତେବେ ଗୋଟିଏ ଇଞ୍ଜିନକୁ ବନ୍ଦ କରି କାମ କରାଯାଇପାରିବ। ଏହାର ଲମ୍ବ ୩୫ ମିଟର ଏବଂ ଏଥିରେ ୧୦୦୦ ଲିଟର ହାଇ କମ୍ପ୍ରେସର କ୍ଷମତା ବିଶିଷ୍ଟ ଦୁଇଟି MR ଟ୍ୟାଙ୍କ ଅଛି।