ନୂଆଦିଲ୍ଲୀ,୬।୭: ବିହାରର ସ୍ୱାର୍ଥ ପାଇଁ ଆଗାମୀ ବିଧାନସଭା ନିର୍ବାଚନ ଲଢ଼ିବାକୁ ହେବ। ଏଭଳି କହିଛନ୍ତି, କେନ୍ଦ୍ରମନ୍ତ୍ରୀ ଚିରାଗ ପାସୱାନ। ରବିବାର ସେ କହିଛନ୍ତି, ବିରୋଧୀମାନେ ତାଙ୍କ ରାସ୍ତାରେ ବାଧା ସୃଷ୍ଟି କରିବାକୁ ଚେଷ୍ଟା କରୁଛନ୍ତି। ଲୋକ ଜନଶକ୍ତି ପାର୍ଟି (ରାମ ବିଳାସ)ର ଅଧ୍ୟକ୍ଷ ରବିବାର ଛାପ୍ରାର ରାଜେନ୍ଦ୍ର ଷ୍ଟାଡିୟମରେ ଆୟୋଜିତ 'ନବ ସଂକଳ୍ପ ମହାସଭା'କୁ ସମ୍ବୋଧିତ କରି ଏକ ବଡ଼ ଘୋଷଣା କରିଛନ୍ତି। ଚିରାଗ କହିଛନ୍ତି, ତାଙ୍କ ଦଳ ବିହାରର ୨୪୩ ବିଧାନସଭା ଆସନରେ ନିର୍ବାଚନ ଲଢ଼ିବ। ବିହାର ବିଧାନସଭା ନିର୍ବାଚନ ପୂର୍ବରୁ ଏନଡିଏର ଏକ ଅଂଶ ଲୋକ ଜନଶକ୍ତି ପାର୍ଟି (ରାମ ବିଳାସ)ର ରାଷ୍ଟ୍ରୀୟ ଅଧ୍ୟକ୍ଷ ଚିରାଗ ପାସୱାନ ଦେଇଥିବା ଏହି ବୟାନ ବିଜେପି ଏବଂ ଜେଡିୟୁର ସମସ୍ୟା ବଢ଼ାଇପାରେ।
ସେ କହିଛନ୍ତି, ଯେତେବେଳେ ଲୋକ ଏହି ପ୍ରଶ୍ନ ପଚାରନ୍ତି ଚିରାବ ବିଧାନସଭା ନିର୍ବାଚନ ଲଢିବେ ? ତେବେ ଆଜି ସରକାର ଏହି ପବିତ୍ର ମାଟିରୁ ଘୋଷଣା କରୁଛି ଯେ, ମୁଁ ନିର୍ବାଚନ ଲଢିବ। ଏହି ନିର୍ବାଚନ ଆମ ସମସ୍ତଙ୍କ ପାଇଁ ଓ ପ୍ରତ୍ୟେକ ବିହାରୀ ଏବଂ ତାଙ୍କ ପରିବାର ପାଇଁ ଗୁରୁତ୍ବପୂର୍ଣ୍ଣ। ମୁଁ ଆପଣମାନଙ୍କୁ କହିବାକୁ ଚାହୁଁଛି ୨୪୩ ଆସନ୍ରେ ଆମେ ନିର୍ବାଚନ ଲଢିବୁ। ସବୁ ସିଟ୍ରେ ଚିରାଗ ପାସଓ୍ବାନ ହୋଇ ନିର୍ବାଚନ ଲଢିବି।’
ସେ ବିରୋଧୀ ଦଳଗୁଡ଼ିକ ଉପରେ ଲୋକସଭା ନିର୍ବାଚନ ସମୟରେ ସଂରକ୍ଷଣ ସମ୍ପର୍କରେ ଦ୍ୱନ୍ଦ୍ୱ ସୃଷ୍ଟି କରିବାର ଅଭିଯୋଗ ଆଣିଛନ୍ତି। ଚିରାଗ କହିଛନ୍ତି, 'ବିରୋଧୀ ଦଳ ଅନୁସୂଚିତ ଜାତି ଏବଂ ଜନଜାତିର ଲୋକଙ୍କୁ ଦ୍ୱନ୍ଦ୍ୱରେ ପକାଇବା ପାଇଁ ଅନେକ ମିଥ୍ୟା କାହାଣୀ କହିଛି। ଲୋକସଭା ନିର୍ବାଚନ ସମୟରେ ମଧ୍ୟ ବିରୋଧୀ ଦଳ ସଂରକ୍ଷଣ ନାମରେ ଦ୍ୱନ୍ଦ୍ୱ ସୃଷ୍ଟି କରିଥିଲେ। ବିଧାନସଭା ନିର୍ବାଚନ ସମୟରେ ବିରୋଧୀ ଦଳ ପୁଣି ଦ୍ୱନ୍ଦ୍ୱ ସୃଷ୍ଟି କରିବେ। ଯେପର୍ଯ୍ୟନ୍ତ ଚିରାଗ ପାସୱାନ ଅଛି, ସେପର୍ଯ୍ୟନ୍ତ ସଂରକ୍ଷଣ କିମ୍ବା ସମ୍ବିଧାନ ପ୍ରତି କୌଣସି ବିପଦ ନାହିଁ। ମୁଁ ଯେତେବେଳେ ଚୌକିଦାର ଭୂମିକାରେ ଅଛି ସେତେବେଳେ ଏହା ସୁନିଶ୍ଚିତ କରିବି। ମୁଁ ସମାଜରେ ଅନୁସୂଚିତ ଜାତି, ଜନଜାତି, ପଛୁଆ, ଅତ୍ୟନ୍ତ ପଛୁଆ, ବଞ୍ଚିତ ବର୍ଗର ଲୋକଙ୍କ ପାଇଁ ଚୌକିଦାର।'
