ନୂଆଦିଲ୍ଲୀ: ଭାରତୀୟ କ୍ରିକେଟର ରବୀନ୍ଦ୍ର ଜାଡେଜା ନୂଆ ଇନିଂସ୍ ଆରମ୍ଭ କରିଛନ୍ତି । ଟି-୨୦ରୁ ଅବସର ଘୋଷଣା କରିଥିବା ଷ୍ଟାର ଅଲରାଉଣ୍ଡର ଏବେ ରାଜନୀତିରେ ପାଦ ଥାପିଛନ୍ତି । ବିଜେପିରେ ସାମିଲ ହୋଇଛନ୍ତି ରବୀନ୍ଦ୍ର ଜାଡେଜା । ଏନେଇ ତାଙ୍କ ପତ୍ନୀ ଏବଂ ବିଜେପି ବିଧାୟିକା ରିଭାବା ଜାଡେଜା ସୋସିଆଲ ମିଡିଆରେ ସୂଚନା ଦେଇଛନ୍ତି । ଏହା ସହ ଜାଡେଜାଙ୍କ ସହ ତାଙ୍କର ଏକ ଫଟୋ ଶେୟାର କରିଛନ୍ତି ରିଭାବା । ଏପରିକି ସେ ତାଙ୍କର ଓ ଜାଡେଜାଙ୍କ ବିଜେପିର ସଦସ୍ୟତା କାର୍ଡ ଶେୟାର କରିଛନ୍ତି ।
🪷 #SadasyataAbhiyaan2024 pic.twitter.com/he0QhsimNK
— Rivaba Ravindrasinh Jadeja (@Rivaba4BJP) September 2, 2024
ସେପଟେ ବିଜେପିର ରାଷ୍ଟ୍ରୀୟ ଅଧ୍ୟକ୍ଷ ଜେପି ନଡ୍ଡା ବିଜେପିର ସଦସ୍ୟତା ଗ୍ରହଣ ପର୍ବ ଆରମ୍ଭ କରିଛନ୍ତି । ସେପ୍ଟେମ୍ବର ୨ରେ ଦିଲ୍ଲୀରେ ପ୍ରଧାନମନ୍ତ୍ରୀ ମୋଦୀ ପ୍ରଥମେ ସଦସ୍ୟତା ଗ୍ରହଣ କରିଛନ୍ତି । ଏହା ପରେ ସାରା ଦେଶରେ ନେତାଙ୍କ ପାଖରୁ ସାଧରଣ ଜନତା ବିଜେପିର ସଦସ୍ୟତା ଗ୍ରହଣ କରୁଥିବା ଦେଖିବାକୁ ମିଳିଛି । ଏହା ପୂର୍ବରୁ ରିଭାବା ୨୦୨୯ରେ ବିଜେପିରେ ଯୋଗ ଦେଇଥିଲେ । ତାଙ୍କୁ ୨୦୨୨ରେ ଦଳ ଜାମନଗରରୁ ପ୍ରାର୍ଥୀ କରିଥିଲା । ସେ ଆପ ପ୍ରାର୍ଥୀ କାର୍ଶନଭାଇ କାର୍ମୁରଙ୍କୁ ହରାଇ ଐତିହାସିକ ବିଜୟ ହାସଲ କରିଥିଲେ ।
ସୂଚନାଯୋଗ୍ୟ, ଗତ ଜୁନରେ ଟି-୨୦ ଅନ୍ତର୍ଜାତୀୟ ବିଶ୍ବକପ୍ରେ ଭାରତର ଐତିହାସିକ ବିଜୟ ପରେ ୩୫ ବର୍ଷୀୟ ଜାଡେଜା ଟି-୨୦ରୁ ଅବସର ଘୋଷଣା କରିଥିଲେ ।
