ନୂଆଦିଲ୍ଲୀ,୧୦/୦୧ : ମହିଳା ଭାରତ ଓ ଆୟର୍ଲାଣ୍ଡ ମଧ୍ୟରେ ଆଜିଠୁ (ଶୁକ୍ରବାର) ଦିନିକିଆ  ସିରିଜ ଆରମ୍ଭ ହୋଇଛି । ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ଆୟର୍ଲାଣ୍ଡ । ନିର୍ଦ୍ଧାରିତ ୫୦ ଓଭରରେ ୭ ୱିକେଟ ହରାଇ ୨୩୮ ରନ କରିଛି ଆୟର୍ଲାଣ୍ଡ । ଭାରତକୁ ୨୩୯ ରନ ଟାର୍ଗେଟ ଦେଇଛି ଦଳ । ଭାରତ ପକ୍ଷରୁ ପି. ମିଶ୍ରା ସର୍ବାଧିକ ୱିକେଟ ନେଇଛନ୍ତି । ଟିମ୍ ଇଣ୍ଡିଆର ସାୟାଲୀ ସତଘାରେ ଦିନିକିଆ ଡେବ୍ୟୁ କରିଛନ୍ତି ।

ସ୍ମୃତି ମାନ୍ଧାନାଙ୍କ ନେତୃତ୍ବରେ ୨୦୨୫ର ପ୍ରଥମ ଦିନିକିଆ ଖେଳୁଛି ମହିଳା କ୍ରିକେଟ ଦଳ । ଟସ୍ ଜିତି ପ୍ରଥମେ ବ୍ୟାଟିଂ କରିଥିଲା ଆୟର୍ଲାଣ୍ଡ । ଭାରତକୁ ପ୍ରଥମ ସଫଳତା ଦେଇଥିଲେ ଟିଟାସ ସଧୁ । ସରାହ ଫୋର୍ବେସ ୯ ରନ କରି ଆଉଟ ହୋଇଥିଲେ । ଏହାପରେ ୫ ରନ କରି ରନ ଆଉଟ  ହୋଇଥିଲେ ଉନା ରେମଣ୍ଡ । ୩୪ ରନରେ ୨ଟି ୱିକେଟ ହରାଇଥିଲା ଆୟର୍ଲାଣ୍ଡ । ଓରାଲା ୯ରନ କରି ପ୍ରିୟା ମିଶ୍ରାଙ୍କ ବଲରେ ଆଉଟ ହୋଇଥିଲେ । ପରେ ପରେ ଖାତା ଖୋଲି ନପାରି ପ୍ରିୟା ମିଶ୍ରଙ୍କ ବଲରେ ପାଭିଲିୟନ ଫେରିଥିଲେ ଲାଉରା ଡିଲାନି । ଲାହ ପଲ ମହତ୍ତ୍ବପୂର୍ଣ୍ଣ ୫୯ ରନ କରି ରନ ଆଉଟ ହୋଇଥିଲେ । ଗାବି ଲୁଇସ ୯୨ ରନ କରି ଦିପ୍ତୀ ଶର୍ମାଙ୍କ ବଲରେ କ୍ୟାଚ ଆଉଟ ହୋଇଥିଲେ ।

𝗠𝗶𝗹𝗲𝘀𝘁𝗼𝗻𝗲 𝗨𝗻𝗹𝗼𝗰𝗸𝗲𝗱 🔓

4⃣0⃣0⃣0⃣ ODI runs and going strong! 👍 👍

Congratulations, Smriti Mandhana 👏 👏

UPDATES ▶️ https://t.co/bcSIVpiPvQ#TeamIndia | #INDvIRE | @IDFCFIRSTBank pic.twitter.com/kI32uFeRX0

— BCCI Women (@BCCIWomen) January 10, 2025

ଦଳୀୟ ସ୍କୋର ୧୯୪ରେ ୬ଟି ୱିକେଟ ହରାଇଥିଲା ଆୟର୍ଲାଣ୍ଡ । ଏହାପରେ ଅରର୍ଲିନ କେଲି ୨୮ ରନ କରି ଆଉଟ ହୋଇଥିଲେ । ନିର୍ଦ୍ଧିରିତ ୫୦ ଓଭରରେ ଆୟର୍ଲାଣ୍ଡ ୭ ୱିକେଟ ହରାଇ ୨୩୮ ରନ କରିଛି । ଭାରତକୁ ଜିତିବାକୁ ହେଲେ ୨୩୯ରନ ଟାର୍ଗେଟ ହାସଲ କରିବାକୁ ହେବ । ଭାରତ ପକ୍ଷରୁ ପିୟା. ମିଶ୍ରା ସର୍ବାଧିକ ୨ଟି ୱିକେଟ ନେଇଥିବାବେଳେ ପଦାର୍ପଣ ମ୍ୟାଚ ଖେଳୁଥିବା  ସାୟାଲୀ ସତଘାରେ ଓ ଦିପ୍ତୀ ଶର୍ମା ଗୋଟିଏ ଲେଖାଏଁ  ୱିକେଟ ନେଇଛନ୍ତି । ୨୩୯ ରନ ଟାର୍ଗେଟ ପିଛା କରି ବ୍ୟାଟିଂ ଆରମ୍ଭ କରିଛି ଭାରତ । ରିପୋର୍ଟ ଲେଖାଯିବ ସୁଦ୍ଧା ଭାରତ ୬୧ ରନ କରିଛି । ଅଧିନାୟିକା ସ୍ମୃତି ମାନ୍ଧାନା ୪ ହଜାର ଦିନିକିଆ ରନ କ୍ଲବରେ ସାମିଲ ହୋଇଛନ୍ତି ।