ନୂଆଦିଲ୍ଲୀ,୦୪/୧୦: ପ୍ରଥମ ଥର ପାଇଁ ଭାରତର ବୈଦେଶିକ ମୁଦ୍ରା ପାଣ୍ଠି ୭୦୦ ବିଲିୟନ ଡଲାର ଅତିକ୍ରମ କରି ଇତିହାସ ସୃଷ୍ଟି କରିଛି। ଆରବିଆଇ ତଥ୍ୟ ଅନୁଯାୟୀ, ୨୭ ସେପ୍ଟେମ୍ବର ୨୦୨୪ ଶେଷ ସପ୍ତାହରେ ୧୨.୫୮୮ ବିଲିୟନ ଡଲାର ବୃଦ୍ଧି ସହିତ ବୈଦେଶିକ ବିନିମୟ ରିଜର୍ଭ ୭୦୪.୮୮୫ ବିଲିୟନ ଡ଼ଲାରର ସ୍ଥରରେ ପହଞ୍ଚିଛି। ଏହାର ପୂର୍ବ ସପ୍ତାହରେ ଏହା ୬୯୨.୨୯ ବିଲିୟନ ଡ଼ଲାର ଥିଲା। ଏଫ୍ପିଆାଇ ନିବେଶରେ ବିପୁଳ ବୃଦ୍ଧି ହେତୁ ବିଦେଶୀ ମୁଦ୍ରା ଭଣ୍ଡାର ସର୍ବକାଳୀନ ଉଚ୍ଚରେ ପହଞ୍ଚିଛି।
ଭାରତୀୟ ରିଜର୍ଭ ବ୍ୟାଙ୍କ ୪ ଅକ୍ଟୋବର ୨୦୨୪ରେ ବିଦେଶୀ ମୁଦ୍ରା ଭଣ୍ଡାରର ତଥ୍ୟ ଜାରି କରିଥିଲା, ଯେଉଁଥିରେ ୨୭ ସେପ୍ଟେମ୍ବର ୨୦୨୪, ଅର୍ଥାତ୍ ଶେଷ ସପ୍ତାହରେ ୧୨.୫୮୮ ବିଲିୟନ ଡଲାରର ବୃଦ୍ଧି ଦହିତ ୭୦୪.୮୮୫ ବିଲିୟନ ଡଲାର ସ୍ଥରରେ ପହଞ୍ଚିଥିଲା। ଏହାରି ଭିତରେ ବିଦେଶୀ ମୁଦ୍ରା ସମ୍ପତ୍ତିରେ ୧୦.୪୬ ବିଲିୟନ ଡଲାରର ବୃଦ୍ଧି ହୋଇଛି ଏବଂ ଏହା ୬୧୬.୧୫୪ ବିଲିୟନ ଡଲାର ହୋଇଛି।
ସୁନା ମୂଲ୍ୟରେ ତୀବ୍ର ବୃଦ୍ଧି ପରେ ଆରବିଆଇର ସୁନା ସଂରକ୍ଷଣର ମୂଲ୍ୟ ବୃଦ୍ଧି ହୋଇଛି ଏବଂ ଏହା ୨.୧୮୪ ବିଲିୟନ ଡ଼ଲାରରେ ବୃଦ୍ଧି ହୋଇ ୬୫୭.୯୬ ବିଲିୟନ ଡ଼ଲାରରେ ପହଞ୍ଚିଛି। ୩୦୮ ମିଲିୟନ ଡଲାର ବୃଦ୍ଧି ସହିତ ଏସ୍ଡିଆର୍ ୧୮.୫୪ ବିଲିୟନ ଡ଼ଲାରରେ ପହଞ୍ଚିଛି। ତେବେ ଏହି ଏହାରି ଭିତରେ ଆନ୍ତର୍ଜାତୀୟ ମୁଦ୍ରା ପାଣ୍ଠିରେ ଜମା ହୋଇଥିବା ସଂରକ୍ଷଣ ହ୍ରାସ ପାଇଥିବା ବେଳେ ଏହା ୭୧ ମିଲିୟନ ଡ଼ଲାରରୁ ୪.୩୮ ବିଲିୟନ ଡ଼ଲାରକୁ ଖସି ଆସିଛି।
