କଟକ,୦୨/୦୨: ଫେବ୍ରୁଆରୀ ୯ତାରିଖରେ ଅନୁଷ୍ଠିତ ହେବାକୁ ଥିବା ଭାରତ-ଇଂଲଣ୍ଡ ଦିନିକିଆ ମ୍ୟାଚ୍ ପାଇଁ ରବିବାର ଠାରୁ ଅନଲାଇନ୍ ଟିକେଟ ବିକ୍ରି ଆରମ୍ଭ ହେବ । ଅପରାହ୍ଣ ୪ଟାରୁ ଅନଲାଇନ୍ ପୋର୍ଟାଲ ଖୋଲିବ । ପ୍ରାୟ ୪,୦୦୦ ଟିକେଟ ଅନଲାଇନ୍ରେ ବିକ୍ରି କରାଯିବ। ଗୁରୁତ୍ୱପୂର୍ଣ୍ଣ କଥା ହେଲା, ଅନଲାଇନ୍ ଟିକେଟ ବିକ୍ରିରେ ଦର୍ଶକଙ୍କ ପସନ୍ଦଯୋଗ୍ୟ ୧ ଓ ୩ ଗ୍ୟାଲେରୀ ସହିତ କର୍ପୋରେଟ ବକ୍ସ ଟିକେଟ୍ ଉପଲବ୍ଧ ହେବ ନାହିଁ ।
୧ ଓ ୩ ନମ୍ବର ଗ୍ୟାଲେରୀ ପଡିଆ ପାଶ୍ୱର୍ରେ ରହିଥିବାରୁ କ୍ରିକେଟପ୍ରେମୀ ଏହି ଗ୍ୟାଲେରୀ ଟିକେଟ କିଣିବା ପାଇଁ ଆଗ୍ରହ ପ୍ରକାଶ କରିଥାଆନ୍ତି । କିନ୍ତୁ ଏଥର ଏହି ଦୁଇ ଗ୍ୟାଲେରୀ ଟିକେଟ ନଥିବାରୁ କ୍ରିକେଟପ୍ରେମୀ ଅସନ୍ତୋଷ ପ୍ରକଟ କରିଛନ୍ତି । ଗ୍ୟାଲେରୀ ନମ୍ବର ୨, ୪, ୭ ସହିତ ସ୍ପେଶାଲ୍ ଏନ୍କ୍ଲୋଜର୍, ଏସି ଗ୍ୟାଲେରୀ ବକ୍ସ ଓ ନ୍ୟୁ ପ୍ୟାଭିଲିୟନ ଟିକେଟ ଉପଲବ୍ଧ ରହିବ । ଡିଷ୍ଟ୍ରିକ୍ଟ ଆପ୍ଲିକେସନ୍ ମାଧ୍ୟମରେ କ୍ରିକେଟପ୍ରେମୀ ଅନଲାଇନ୍ ଟିକେଟ ବୁକ୍ କରିପାରିବେ । ଏହି ଆପ୍କୁ ଡାଉନ୍ଲୋଡ୍ କରି ନିଜ ପସନ୍ଦର ସିଟ୍ ଚୟନ କରିପାରିବେ ଦର୍ଶକ ।
କେମିତି କରିବେ ଅନ୍ଲାଇନ୍ ଟିକେଟ ବୁକିଂ
- ଡିଷ୍ଟ୍ରିକ୍ଟ ଆପ୍ କିମ୍ବା ଡିଷ୍ଟ୍ରିକ୍ଟ.ଇନ୍ ୱେବ୍ସାଇଟରେ ପ୍ରବେଶ କରିବାକୁ ହେବ
- ସେଠାରେ ଥିବା ମ୍ୟାଚ୍ ବ୍ୟାନରରେ ବାରବାଟୀ ଷ୍ଟାଡିୟମ୍ ଭେନ୍ୟୁକୁ କ୍ଲିକ୍ କରିବେ
- ଭେନ୍ୟୁକୁ କ୍ଲିକ୍ କରିବା ପରେ ସେଠାରେ ଦେଖାଯିବାକୁ ଥିବା ‘ବୁକ୍ ଟିକେଟ୍ସ’ ଉପରେ କ୍ଲିକ୍ କରିବାକୁ ହେବ
- ସେଠାରେ ‘ବାଏ ନାଓ’ ଉପରେ କ୍ଲିକ୍ କରିବାକୁ ହେବ
- ଚୁଜ୍ ଟିକେଟ୍ ଭାଗକୁ ଚୟନ କରିବା ପରେ ଷ୍ଟାଡିୟମ୍ର କେଉଁ ଷ୍ଟାଣ୍ଡ୍କୁ ପସନ୍ଦ କରିବେ ତାହା ଉପରେ କ୍ଲିକ୍ କରିବାକୁ ହେବ
- ପରେ ‘କଣ୍ଟିନିଉ’ ଚୟନ କରିବା ପରେ ଅନଲାଇନ୍ ପେମେଣ୍ଟ୍ ଦାଖଲ କରିବାକୁ ହେବ
- ୟୁପିଆଇ, ନେଟ୍ ବ୍ୟାଙ୍କିଂ ଓ କାର୍ଡ ମାଧ୍ୟମରେ ପେମେଣ୍ଟ ଦାଖଲ କରିବେ
- ଟିକେଟ ନିଶ୍ଚିତ ହୋଇଯିବା ପରେ ଆପ୍, ଇ-ମେଲ୍ରେ ମେସେଜ୍ ଆସିବ
- ଇ-ମେଲ୍ରେ ଏକ କ୍ୟୁଆର୍ କୋଡ୍ ଯିବ । ବୁକ୍ ହୋଇଥିବା ଟିକଟ ଗ୍ରହଣ କରିବା ସମୟରେ ଏହି କ୍ୟୁଆର୍ କୋଡ୍କୁ ଦେଖାଇବାକୁ ହେବ
ଅନ୍ଲାଇନ୍ରେ ଉପଲବ୍ଧ ହେବାକୁ ଥିବା ଟିକେଟ
ଗ୍ୟାଲେରୀ-୨ : ୯୦୦ ଟଙ୍କା
ଗ୍ୟାଲେରୀ-୪ : ୯୦୦ ଟଙ୍କା
ଗ୍ୟାଲେରୀ-୭ : ୭୦୦ ଟଙ୍କା
ସ୍ପେଶାଲ୍ ଏନ୍କ୍ଲୋଜର୍ : ୬,୦୦୦ ଟଙ୍କା
ଏସି ଗ୍ୟାଲେରୀ ବକ୍ସ : ୮,୦୦୦ ଟଙ୍କା
ନ୍ୟୁ ପ୍ୟାଭିଲିୟନ : ୧୦,୦୦୦ ଟଙ୍କା
