ନୂଆଦିଲ୍ଲୀ,୦୨/୦୨: ଭାରତୀୟ ମହିଳା କ୍ରିକେଟ ଦଳର ସାନଦର.. ଦମଦାର ପ୍ରଦର୍ଶନ । ୧୯ବର୍ଷରୁ କମ୍ ମହିଳା ଟି-ଟ୍ବେଣ୍ଟି ବିଶ୍ବକପ ଫାଇନାଲରେ ବାଜି ମାରି ନେଇଛି ଭାରତ । ଦକ୍ଷିଣ ଆଫ୍ରିକାକୁ ୯ ୱିକେଟରେ ହରାଇ ଲଗାତାର ଦ୍ବିତୀୟ ଥର ଟି-ଟ୍ବେଣ୍ଟି ବିଶ୍ବକପ ଚାମ୍ପିଅନ ହୋଇଛି ନିକି ପ୍ରସାଦଙ୍କ ନେତୃତ୍ବାଧୀନ ଜୁନିୟର ଭାରତୀୟ ମହିଳା ଦଳ । ସର୍ବାଧିକ ୱିକେଟ୍ ଟେକର ହୋଇଛନ୍ତି ବୈଷ୍ଣବୀ ଶର୍ମା । ସେ ଟୁର୍ଣ୍ଣାମେଣ୍ଟରେ ୭ଟି ମ୍ୟାଚ ଖେଳି ୧୭ଟି ୱିକେଟ ଅକ୍ତିଆର କରିଛନ୍ତି । ତ୍ରିଷା ଗଙ୍ଗାଡି ପ୍ଲୋୟର ଅଫ୍ ଦି ମ୍ୟାଚ ବିବେଚିତ ହୋଇଛନ୍ତି । ସେ ଫାଇନାଲ ମ୍ୟାଚରେ ୩ଟି ୱିକେଟ ସହ ଅପରାଜିତ ୪୪ରନ ସଂଗ୍ରହ କରିଥିଲେ ।

୮୩ରନର ଛୋଟିଆ ବିଜୟ ଲକ୍ଷ୍ୟ ନେଇ ପାଳି ଆରମ୍ଭ କରିଥିଲା ଭାରତ । ଯାହାକୁ ଗୋଟିଏ ୱିକେଟ ହରାଇ ହାସଲ କରିନେଇଥିଲା । ୧୧.୩ ଓଭରରେ ଭାରତ ବିଜୟ ଲକ୍ଷ୍ୟ ହାସଲ କରି ନେଇଥିଲା । ଓପନର ଜି ତ୍ରିଷା ଅପରାଜିତ ୪୪ରନ କରିଥିଲେ । ୯ ୱିକେଟରେ ଦକ୍ଷିଣ ଆଫ୍ରିକାକୁ ହରାଇ ଲଗାତାର ଦ୍ବିତୀୟ ଥର ଟି-ଟ୍ବେଣ୍ଚି ବିଶ୍ବକପ ଜିତିଛି ଭାରତ । ମ୍ୟାଚ ପରେ ସେଲିବ୍ରେସନ କରିଥିଲା ଦଳ । ଖେଳାଳିଙ୍କ ଆଖିରେ ବିଜୟର ଲୁହ ଦେଖିବାକୁ ମିଳିଥିଲା । ସମଗ୍ର ଟୁର୍ଣ୍ଣମେଣ୍ଟରେ ଭାରତ ଦମଦାର ପ୍ରଦର୍ଶନ କରିଥିଲା । ଅପରାଜେୟ ରହିଥିଲା ଭାରତ । ବୋଲିଂ, ବ୍ୟାଟିଂ ଓ ଫିଲ୍ଡିଂ ସମସ୍ତ ବିଭାଗରେ ଦଳ ଭଲ ପ୍ରଦର୍ଶନ କରିଥିଲା ।

𝐂𝐇𝐀𝐌𝐏𝐈𝐎𝐍𝐒 🏆 🇮🇳

Congratulations India 👏#U19WorldCup #SAvIND pic.twitter.com/OZ7KMDkG4E

— ICC (@ICC) February 2, 2025

All-round excellence when the stakes are high 🔥

Brilliance with the bat and ball crowns Trisha Gongadi the @aramco Player of the Match in the #U19WorldCup final 👏#SAvIND pic.twitter.com/tfHXoyC0Iv

— ICC (@ICC) February 2, 2025

ଏହା ବି ପଢନ୍ତୁ...ଭାରତୀୟ ସ୍ପିନରଙ୍କ କମାଲ, ୮୨ରନରେ ଆଣ୍ଠେଇଲା ସାଉଥ୍ ଆଫ୍ରିକା

ଦକ୍ଷିଣ ଆଫ୍ରିକା ଇନିଂସ-ଅଣ୍ଡର ୧୯ ମହିଳା ଟି-ଟ୍ବେଣ୍ଟି ବିଶ୍ବକପ ଫାଇନାଲ କୁଆଲାଲମ୍ପୁର ବୟୁମାସ ଓବଲରେ ଅନୁଷ୍ଠିତ ହୋଇଥିଲା । ଟସ୍ ଜିତି ପ୍ରଥମେ ବ୍ୟାଟିଂ ନିଷ୍ପତ୍ତି ନେଇଥିଲା ଦକ୍ଷିଣ ଆଫ୍ରିକା । ଦକ୍ଷିଣ ଆଫ୍ରିକାର ଦଳୀୟ ସ୍କୋର ମାତ୍ର ୧୧ରନରେ ପ୍ରଥମ ୱିକେଟ ପଡିଥିଲା । ୪୪ ରନରେ ଦଳର ୫ଟି ୱିକେଟ ପତନ ହୋଇଥିଲା । ୬ୱିକେଟ ପତନରେ ୩୦ରନ ପାର୍ଟନରସିପ ହୋଇଥିଲା । ୨୦ ଓଭରରେ ଦକ୍ଷିଣ ଆଫ୍ରିକା ୮୨ରନ କରିଥିଲା । ଦଳ ପକ୍ଷରୁ ଏମ ଭାନ ଭ୍ରୁସ୍ତ ସର୍ବାଧିକ ୨୩ ରନ କରିଥିଲେ । ଅନ୍ୟ ସମସ୍ତ ବ୍ୟାଟର ଫେଲ ମାରିଥିଲେ । ୧୦ ଓଭର ଖେଳ ଚାଲିଥିବା ମଧ୍ୟରେ ଦଳୀୟ ସ୍କୋର ୩୩ରେ ଦକ୍ଷିଣ ଆପ୍ରିକା ୩ଟି ୱିକେଟ ହରାଇ ସାରିଥିଲା । ଭାରତ ପକ୍ଷରୁ ଜି ତ୍ରିଶା ୩ଟି, ପୁର୍ଣ୍ଣିମା ସିସୋଦିଆ ୨ଟି ଓ ସବନମ ଗୋଟିଏ ୱିକେଟ ଅକ୍ତିଆର କରିଥିଲେ । ଭାରତ ଆଗରେ ୮୩ରନର ଛୋଟିଆ ବିଜୟ ଲକ୍ଷ୍ୟ ରହିଥିଲା । ଯାହାକୁ ସହଜରେ ହାସଲ କରି ନେଇଥିଲା ନିକି ପ୍ରସାଦଙ୍କ ନେତୃତ୍ବାଧୀନ ଭାରତୀୟ ମହିଳା ଦଳ ।