ବରଗଡ,୦୯/୧୦: ବରଗଡ ମୁଖ୍ୟ କାରାଗାରରେ ବିଚାରଧୀନ କଏଦୀଙ୍କ ମୃତ୍ୟୁ ହୋଇଛି । ମୃତକ ଅମ୍ବାଭନା ଥାନା ପ୍ରକାଶପୁର ଗାଁର ମନୋଜ ପାଇକ ବୋଲି ଜଣାପଡ଼ିଛି । ସେ ବେଆଇନ ମଦ କାରବାରକୁ ନେଇ ଅକ୍ଟୋବର ୬ ତାରିଖ ଅର୍ଥାତ ରବିବାରଠାରୁ ଜେଲ୍ରେ ଥିଲେ ।
ସୂଚନା ମୁତାବକ, ମନୋଜ ପାଇକ ବେଆଇନ ମଦ କାରବାର ମାମଲାରେ ଧରାପଡ଼ିଥିଲେ । ପରେ ତାଙ୍କୁ କୋର୍ଟ ଚାଲାଣ କରିଥିଲା ପୋଲିସ । ତେଣୁ ସେ ଅକ୍ଟୋବର ୬ ତାରିଖ ଅର୍ଥାତ ରବିବାରଠାରୁ ଜେଲ୍ରେ ଥିଲେ । ବୁଧବାର ସେ ଜାମିନରେ ବାହାରକୁ ଆସିଥାନ୍ତେ । କିନ୍ତୁ ଅଚାନକ ଜେଲ୍ ଭିତରେ ତାଙ୍କର ସନ୍ଦେହ ଜନକ ମୃତ୍ୟୁ ହୋଇଛି । ବ୍ୟକ୍ତିଙ୍କ ମୃତଦେହକୁ ବ୍ୟବଚ୍ଛେଦ ପାଇଁ ପଠାଯାଇଛି ଏବଂ ଘଟଣାର ତଦନ୍ତ ଚାଲିଛି ।
