ବରଗଡ,୨୫।୧୧ : ଦେଶୀ ପିସ୍ତଲ କାରବାର ଚାଲିଥିବା ବେଳେ ବରଗଡ଼ ଟାଉନ ଥାନା ପୋଲିସ ସ୍ଥାନୀୟ ଜିରା ବ୍ରିଜ ପାଖରେ ଅତର୍କିତ ଭାବେ ଚଢ଼ାଉ କରି ୫ ଜଣଙ୍କୁ ଗିରଫ କରିଛି । ଗିରଫ ଯୁବକମାନେ ହେଲେ ବରପାଲିର ରାଜଦୀପ ଚୌଧୁରୀ, ସୋହେଲାର ବେଦବ୍ୟାସ ପ୍ରଧାନ ଓ ରାଜେଶ ଚୌଧୁରୀ , ବରଗଡ଼ ଖେଦାପାଲିର ସୁଧାଂଶୁ ମୁଗ୍ରୀ ଏବଂ ଭେଡେନ ସଂକ୍ରିଡାର ପ୍ରମୋଦ ତାଣ୍ଡିଆ।
ଗିରଫ ଯୁବକମାନଙ୍କ ଠାରୁ ୫ ଟି ଦେଶୀ ପିସ୍ତଲ , ୩୪ ଟି ଗୁଳି , ୭ ଟି ମୋବାଇଲ, ୩ ଟି ମୋଟର ସାଇକେଲ , ଛରୀ ଆଦି ଜବତ କରାଯାଇଛି । ଗିରଫ ରାଜଦୀପ ଏହି ଘଟଣାର ମୁଖ୍ୟ ଅଭିଯୁକ୍ତ । ସେ ବିହାର ଅଞ୍ଚଳରୁ ଦେଶୀ ପିସ୍ତଲ ଆଣି ଏଠାରେ କାରବାର କରୁଥିବା ବରଗଡ଼ ଏସପି ପ୍ରହଲ୍ଲାଦ ସହାଇ ମୀନା ସୂଚନା ଦେଇଛନ୍ତି । ସମସ୍ତ ଅଭିଯୁକ୍ତଙ୍କୁ କୋର୍ଟଚାଲାଣ କରିଛି ପୋଲିସ ।
