ନୂଆଦିଲ୍ଲୀ, ୨୮/୧୧ :   ଚାମ୍ପିୟନ୍ସ ଟ୍ରଫି ୨୦୨୫ର ଆୟୋଜନ ଲାଗି ପାକିସ୍ତାନ ଉତ୍ସାହିତ ଅଛି । ସବୁ ଟିମକୁ ରାଜି କରିବା ପରେ ଟିମ୍ ଇଣ୍ଡିଆକୁ ଡାକିବାକୁ ପିସିବି ନିଜର ଜୋର ଲଗାଇ ଦେଇଥିଲା । ମାତ୍ର ସମୟ ଏଭଳି ଆସିଛି କି ଭାରତ ସହ ଅନ୍ୟ ଦେଶ ବି ଏବେ ପାକିସ୍ତାନ ଯିବାକୁ ଚିନ୍ତାରେ ପଡ଼ିଯାଇଛନ୍ତି । ପ୍ରକାଶ ‌ଯେ, ଇସଲାମବାଦରେ ପାକିସ୍ତାନର ପୂର୍ବତନ ଅଧିନାୟକ ଏବଂ ପୂର୍ବତନ ପିଏମ୍ ଇମରାନ ଖାନଙ୍କ ସମର୍ଥକମାନେ ପରିସ୍ଥିତି ଅଣାୟତ କରିଛନ୍ତି । ଯାହାର ପ୍ରଭାବ ଖେଳ ଜଗତ ଉପରେ ଦେଖିବାକୁ ମିଳିଛି ।

ଶ୍ରୀଲଙ୍କା କ୍ରିକେଟ ବୋର୍ଡ଼ ଇସଲାମବାଦରେ ହୋଇଥିବା ଘଟଣା ପରେ ଆକ୍ସନରେ ନଜର ଆସିଛି । ଶ୍ରୀଲଙ୍କା ଏ ର ଟିମ୍ ପାକିସ୍ତାନ ୫୦ଓଭରର ସିରିଜକୁ ନେଇ ପାକିସ୍ତାନ ଗସ୍ତରେ ଥିଲା । ଯାହାକୁ ଫେରସ୍ତ ନିଆଯାଇଛି । ଏବେ ପ୍ରଶ୍ନ ଚାମ୍ପିୟନ୍ସ ଟ୍ରଫି ଉପରେ ଅଛି । ଯାହାର ପ୍ରସ୍ତୁତିରେ ପାକିସ୍ତାନ ଏବେ ପର୍ଯ୍ୟନ୍ତ ବ୍ୟସ୍ତ ଥିବା ନଜର ଆସିଛି । 

ପାକିସ୍ତାନ ଟି-୨୦ ବିଶ୍ବକପ ୨୦୨୪ପରେ ହିଁ ଡ୍ରାଫ୍ଟ ସିଡ୍ୟୁଲ ଆଇସିସିକୁ ଦେଇଥିଲା । କିନ୍ତୁ ପ୍ରାୟ ଆଇସିସିର ଷ୍ଟାମ୍ପ ଏହା ଉପରେ ଲାଗି ନାହିଁ । କିନ୍ତୁ କିଛିଦିନ ପୂର୍ବରୁ ଗଣମାଧ୍ୟମ ରିପୋର୍ଟ ଅନୁସାରେ ଯଦି ପାକିସ୍ତାନ ଆୟୋଜନ ଛାଡ଼ୁଛି ତ ସାଉଥ ଆଫ୍ରିକାରେ ଚାମ୍ପିୟନ୍ସ ଟ୍ରଫି ଆୟୋଜନ ହୋଇପାରେ ।