ନୀଳଗିରି,୨୭/୧୧(ଆ.ପ୍ର):ନୀଳଗିରି ବ୍ଲକ କଳାକାଦ ଗ୍ରାମରେ ଥିବା ବିଦ୍ୟାଳୟ ପରିସରରୁ ନିମ୍ବ ଗଛକାଟି ନେଇ ବିକ୍ରୀ  କରାଯାଇଥିବା ଅଭିଯୋଗ ହୋଇଛି । ଏନେଇ ବନବିଭାଗ ଖବର ପାଇ ସ୍କୁଲରେ ପହଞ୍ଚି ତଦନ୍ତ କରିଛି। 

 ସୂଚନାଯୋଗ୍ୟ ନୀଳଗିରି ବ୍ଲକ ଅଧିନ ଗରଡ଼ିହି ପଞ୍ଚାୟତରେ ଥିବା କଳାକାଦ ସରକାରୀ ଉନ୍ନୀତ ଉଚ୍ଚ ପ୍ରାଥମିକ ବିଦ୍ୟାଳୟ ପରିସରରେ ୧୨ ରୁ ଅଧିକ ବିରାଟକାୟ ନିମ୍ବ ଗଛ ରହିଛି। ହେଲେ ଏହି ଗଛ ଗୁଡିକୁ କାଟି କ ବିକ୍ରି କରି ଦେଇଥିବା ଅଭିଯୋଗ ହୋଇଛି। ବୁଧବାର ସକାଳେ ଗ୍ରାମବାସୀ ଗଛ ଗୁଡିକ କଟା ହୋଇଥିବା ଦେଖିଥିଲେ। ମୁଖ୍ୟମନ୍ତ୍ରୀଙ୍କୁ ଏଭଳି ବେଆଇନ କାର୍ଯ୍ୟ ପାଇଁ ଟୁଇଟ କରିଥିଲେ ଗ୍ରାମବାସୀ। ପରେ ଅଭିଯୋଗ ପାଇ କୁଳଡିହା ବନ ବିଭାଗ ତରଫରୁ ଘଟଣା ସ୍ଥଳରେ ପହଞ୍ଚି  ତଦନ୍ତ କରିଥିଲେ।ପରେ କିଛି ପଡିଥିବା   କାଠ ଗଣ୍ଡିକୁ ସିଜ୍‌ ମଧ୍ୟ କରିଥିଲେ। ଏପରିକି ସ୍କୁଲ ପରିଚାଳନା କମିଟି ଓ ପ୍ରଧାନଶିକ୍ଷୟିତ୍ରୀ ଗଛ କାଟିବା ନେଇ କୌଣସି ଅନୁମତି ନେଇ ନ ଥିବା ବନ ବିଭାଗ କହିଥିଲା।  

ସ୍କୁଲର ଶିକ୍ଷୟତ୍ରୀ ମିନତିମଣି ଟୁଡୁଙ୍କୁ ପଚାରିବାରୁ ସେ ଗଛ କାଟିବା ବିଷୟରେ କିଛି ଜାଣି ନାହାନ୍ତି ବୋଲି କହିଥିଲେ।ଏପରିକି ବିଇଓଙ୍କୁ ଘଟଣା ବିଷୟରେ ଅବଗତ କରିଥିବା କହିଥିଲେ। ସେପଟେ ସ୍କୁଲ ପରିଚାଳନା କମିଟିର ସଭାପତି ମଳୟ ବେହେରାଙ୍କ ପ୍ରତିକ୍ରିୟା ନେବା ପାଇଁ ଯୋଗାଯୋଗ କରାଯାଇଥିଲେ  ମଧ୍ୟ ସେ ଫୋନ ଉଠାଇ ନଥିଲେ।