ଭୁବନେଶ୍ୱର,୧୨/୧୦: ସୁଭଦ୍ରା ଯୋଜନାରେ ତ୍ରୁଟି ଥିଲେ ଯିବ ଫୋନ୍‌ କଲ୍‌ । ତୃତୀୟ ପର୍ଯ୍ୟାୟରେ ତ୍ରୁଟି ହେଲେ ଫୋନ କରି ସଠିକ କରିବାକୁ ଦିଆଯିବ ପରାମର୍ଶ । ଘରକୁ ଘର ଅଙ୍ଗନବାଡି କର୍ମୀ ମାନେ ଯାଇ ତ୍ରୁଟି ସମାଧାନ କରିବେ । ବ୍ଲକ ସ୍ତରରେ ମଧ୍ୟ ଯାଞ୍ଚ ହେବ । ଏନେଇ ସୂଚନା ଦେଲେ ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା । 

ସମସ୍ତଙ୍କ ନିକଟରେ ପହଞ୍ଚିବ ସୁଭଦ୍ରା । ରାଜ୍ୟର ସମସ୍ତ ମହିଳାଙ୍କୁ ମିଳିବ ସୁଭଦ୍ରା ଟଙ୍କା । ଧିରେ ଧିରେ ଆରମ୍ଭ ହେବ ଆଉ ଏକ ପ୍ରକ୍ରିୟା । ଏପର୍ଯ୍ୟନ୍ତ ଏକ କୋଟି ୬୦ ହଜାର ମହିଳା ପଞ୍ଜିକରଣ କରିଛନ୍ତି । ଯେତେ ଅଧିକ ମହିଳା ପଞ୍ଜିକରଣ କରିବେ, ସମସ୍ତଙ୍କୁ ମିଳିବ ସୁଭଦ୍ରା ଟଙ୍କା । ଅର୍ଥର ଅଭାବ ନାହିଁ । ଶେଷ ହିତାଧିକାରୀଙ୍କ ପର୍ଯ୍ୟନ୍ତ ଚାଲିବ ସୁଭଦ୍ରା ଯୋଜନା । 

ତେବେ ତୃତୀୟ ପର୍ଯ୍ୟାୟ ସୁଭଦ୍ରା ଟଙ୍କା ଆକାଉଣ୍ଟକୁ ଯିବା ବେଳେ ତ୍ରୁଟି ଥିଲେ, ହିତାଧିକାରୀଙ୍କ ପାଖକୁ ଯିବ ଫୋନ୍ କଲ୍‌ । ବ୍ଲକ ସ୍ତରରେ ଯାଞ୍ଚ ହେବ । ଅଙ୍ଗନବାଡି କର୍ମୀ ଘରକୁ ଘର ବୁଲି ସମସ୍ୟାର ସମାଧାନ କରିବେ । ଏନେଇ ସୂଚନା ଦେଲେ ଉପ ମୁଖ୍ୟମନ୍ତ୍ରୀ ପ୍ରଭାତୀ ପରିଡ଼ା ।