ଗ୍ରସ ଆଇଲେଟ୍,୨୧/୦୬: ଭାରତୀୟ ସମୟ ଅନୁଯାୟୀ ଶୁକ୍ରବାର ଏକ ବହୁ ପ୍ରତିକ୍ଷୀତ ମୁକାବିଲା ଖେଳାଯିବ । ଗ୍ରୁପ୍-୨ର ଦୁଇ ଶକ୍ତିଶାଳୀ ଦଳ ଦକ୍ଷିଣ ଆଫ୍ରିକା ଓ ଇଂଲଣ୍ଡ ମୁକାବିଲା ପାଇଁ ଗ୍ରାଉଣ୍ଡକୁ ଓହ୍ଲାଇବେ। ଡାରେନ ସାମି ଅନ୍ତର୍ଜାତୀୟ କ୍ରିକେଟ୍ ଷ୍ଟାଡ଼ିୟମ୍(ସେଣ୍ଟ ଲୁସିଆ)ରେ ଏହି ମ୍ୟାଚ୍ ଖେଳାଯିବ ।
ଦକ୍ଷିଣ ଆଫ୍ରିକା ଲିଗ୍ ପର୍ଯ୍ୟାୟର ସମସ୍ତ ମ୍ୟାଚ୍ ଜିତିବା ସହ ସୁପର-୮ରେ ୟୁଏସଏକୁ ହରାଇ ସାରିଛି । ଇଂଲଣ୍ଡ ଲିଗ୍ ପର୍ଯ୍ୟାୟରେ ସଂଘର୍ଷ କରିଥିଲା । ମାତ୍ର ସୁପର-୮ରେ ଦମ୍ଦାର ପ୍ରଦର୍ଶନ କରି ୱେଷ୍ଟ ଇଣ୍ଡିଜ୍କୁ ହରାଇ ସାରିଛି । ଫଳରେ ଶୁକ୍ରବାର ମ୍ୟାଚ୍ ଦର୍ଶକଙ୍କ ଉତ୍କଣ୍ଠା ବଢାଇ ଦେଇଛି ।
ଉଭୟ ଦଳର ବ୍ୟାଟିଂ ବିଭାଗ ବେଶ୍ ଶକ୍ତିଶାଳୀ । ତେଣୁ ବୋଲରମାନେ ମ୍ୟାଚ୍ର ଫଳାଫଳ ନିର୍ଦ୍ଧାରଣ କରିବେ । ଯେଉଁ ଦଳ ଶ୍ରେଷ୍ଠ ବୋଲିଂ କରିବ, ସେହି ଦଳ ବିଜୟୀ ହେବ । ଉଭୟ ଦଳର ବୋଲିଂ ବିଭାଗ ମଧ୍ୟ ବେଶ୍ ସନ୍ତୁଳିତ । ଦକ୍ଷିଣ ଆଫ୍ରିକା ବୋଲିଂ ବିଭାଗରେ ବିଭିନ୍ନତା ରହିଛି । ଇଂଲଣ୍ଡ ମୁଖ୍ୟତଃ ଜୋଫ୍ରା ଆର୍ଚରଙ୍କ ଉପରେ ନିର୍ଭର କରିବ । ଉଭୟ ଦଳ ଏକାଦଶ ଅପରିବର୍ତ୍ତିତ ରଖିବା ଆଶା କରାଯାଉଛି ।
ଗ୍ରସ ଆଇଲେଟ୍ ପିଚ୍ ବ୍ୟାଟିଂ ପାଇଁ ଅନୁକୂଳ ରହିବ । ଇଂଲଣ୍ଡ ଓ ୱେଷ୍ଟ ଇଣ୍ଡିଜ ମଧ୍ୟରେ ଅନୁଷ୍ଠିତ ମ୍ୟାଚ୍ରେ ମୋଟ୍ ୩୬୧ ରନସଂଗୃହୀତ ହୋଇଥିଲା । ଦ୍ୱିତୀୟରେ ବ୍ୟାଟିଂ କରି ଇଂଲଣ୍ଡ ଜିତିଥିଲା । ମାତ୍ର ଦିନ ବେଳା ମ୍ୟାଚ୍ ରହିଥିବାରୁ ଟସ୍ ଉପରେ ମଧ୍ୟ ଉଭୟ ଦଳ ନିର୍ଭର କରିପାରନ୍ତି ।
