ଚନ୍ଦାହାଣ୍ଡି , ୨୭।୪ :  ନବରଙ୍ଗପୁର   ଜିଲ୍ଲା ଚନ୍ଦାହାଣ୍ଡି ଥାନା ଅଧୀନ   ହଳଦୀ ଗ୍ରାମରେ ନିଜ ସ୍ତ୍ରୀ କୁ ହତ୍ୟା କରି ଖଟ ବାକ୍ସରେ ପୁରାଇ  ରଖିବା ଘଟଣାରେ  ଅଭିଯୁକ୍ତ ସ୍ବାମୀ  ଦୁଦର ସିଂ ନାୟକଙ୍କୁ ପୋଲିସ ଗିରଫ କରିଛି।  ଏକ ଗଛରେ ଚଢି  ଆତ୍ମ ଗୋପନ କରିଥିବା ଅବସ୍ଥାରେ ପୋଲିସ ଗିରଫ କରିଛି। ସ୍ତ୍ରୀ ର ତଣ୍ଟି ଚିପି ହତ୍ୟା ପରେ ଖଟ ବାକ୍ସ ରେ ପୁରାଇ   ଫେରାର ହୋଇ ଯାଇଥିବା ନେଇ ପୋଲିସ ଆଗରେ ଅଭିଯୁକ୍ତ ସ୍ବୀକାର କରିଛି।

 ପ୍ରକାଶ ଥାଉକି ଗତ ୧୯ତାରିଖ ଶନିବାର ହଳଦୀ ଗ୍ରାମର ଦୁଦର ସିଂ ନାୟକଙ୍କ ସ୍ତ୍ରୀ ଅନୀତା ସୋରି  କୁଆଡେ ଘରୁ ଚାଲିଯାଇ ଥିବା ନେଇ  ଦୁଦରଙ୍କ ପରିବାର ଲୋକେ ଅନୀତାଙ୍କ  ବାପା କମଳା କାନ୍ତ ସୋରି ଙ୍କୁ  ଜଣାଇଥିଲେ। ୨୧ ତାରିଖରେ ହଳଦୀ ଗ୍ରାମର ଝିଅ ଘରକୁ କମଳାକାନ୍ତ ଆସିଥିଲେ l ସ୍ୱାମୀ- ସ୍ତ୍ରୀଙ୍କ ଶୋଇବା ଘରେ ତାଲା ପଡିବା ସହ ଭିତରୁ ଦୁର୍ଗନ୍ଧ ଆସିବାରୁ  କମଳାକାନ୍ତଙ୍କ ସନ୍ଦେହ ହୋଇଥିଲା।ଚନ୍ଦାହାଣ୍ଡି ଥାନାରେ ଏତଲା ଦେବା ପରେ  ପୋଲିସ ତାଲା ଭାଙ୍ଗି ଘର ଭିତରେ ପ୍ରବେଶ କରିଥିଲା। ଅନୀତାଙ୍କ ମୃତଦେହ ଖଟ ବାକ୍ସରେ ରଖି ଥିବା ଦେଖିବାକୁ ପାଇଥିଲେ l. ଘଟଣାସ୍ଥଳକୁ ଉମରକୋଟ ଏସଡିପିଓ ଶୁଭେନ୍ଦୁ ଶବର ସାଇଣ୍ଟିଫିକ ଟିମ ଡ଼କାଇ ଘଟଣା ର ଅଧିକା ତଦନ୍ତ କରିବା ସହ l ଅଭିଯୁକ୍ତ ର ବାପା ଅଗେସିଂ କୁ ଥାନା କୁ ଆଣି ଅଟକ ରଖି ପଚରା ଉଚୁରା କରିଥିଲେ।  ଶେଷରେ ଅଭିଯୁକ୍ତ ଜଣକ ଗାଁ ଠାରୁ ୨କି ମି ଏକ ଗଛ ରେ ଚଢି ଲୁଚି ଥିବା ଖବର ପାଇ ସେଠାରୁ ତାକୁ ଗିରଫ କରି ଥାନା କୁ ଆଣି ପଚରା ଉଚୁରା  କରିଥିଲେ।