ଭୁବନେଶ୍ୱର,୧୪/୦୩: ରାଜଧାନୀରେ ମାତାଲ ଯୁବତୀଙ୍କ ଉତ୍ପାତ । ଭୁବନେଶ୍ୱରରେ ଗୋଟିଏ ପରେ ଗୋଟିଏ କାଣ୍ଡ କରି ଚାଲିଛନ୍ତି ଯୁବତୀ । ନିଶାଶକ୍ତ ଅବସ୍ଥାରେ ଲୋକଙ୍କୁ କଲେ ଗାଳି ଗୁଲଜ । ଉଦ୍ଧାର କରିବାକୁ ଆସିଥିବା ପୋଲିସ ଏବଂ କ୍ୟାପିଟାଲ ହସ୍ପିଟାଲର ଡାକ୍ତରଙ୍କୁ କଲେ ନାକେଦମ୍ । ପିସିଆର୍ ଭ୍ୟାନରେ ନେଲା ବେଳେ ଗାଡ଼ିକୁ ମାରିଲେ ଗୋଇଠା ବିଧା । ଦୀର୍ଘ ୨ ଘଣ୍ଟା ପରେ ଯୁବତୀଙ୍କୁ କଣ୍ଟ୍ରୋଲ କଲା ହର୍ ଟିମ୍ । ଗତ ଦୁଇ ମାସ ତଳେ ଏହିଭଳି ଭାବେ ନିଶାସକ୍ତ ହୋଇ ମହିଳା ପୋଲିସ କର୍ମୀଙ୍କୁ କରିଥିଲେ ଆକ୍ରମଣ । ସେଥିଲାଗି ଯୁବତୀଙ୍କ ନାଁରେ ଚନ୍ଦ୍ରଶେଖରପୁର ଥାନାରେ ଆଗରୁ ମାମଲା ରହିଛି ।
ଏହି ଖବରଟିକୁ ପଢନ୍ତୁ- ନିଶାରେ ଚୁର୍ ଯୁବତୀ କଲେ ହଙ୍ଗାମା, ଛାଡ଼ି ପଳାଇଲେ ବୟଫ୍ରେଣ୍ଡ୍...
ସୂଚନା ମୁତାବକ, ଗୋଟିଏ ମାମଲା ରଫା ଦଫା ନହେଉଣୁ ପୁଣି ଉତ୍ପାତ ହେଲେ ମାତାଲ ଯୁବତୀ । ଗତ ଦୁଇମାସ ତଳେ ନିଶାସକ୍ତ ଅବସ୍ଥାରେ ଜଣେ ପୋଲିସ କର୍ମଚାରୀଙ୍କ ଆକ୍ରମଣ କରି ତାଙ୍କ ମୁଣ୍ଡ ଫଟାଇ ଦେଇଥିଲେ । ଯୁବତୀଙ୍କ ନାଁରେ ଚନ୍ଦ୍ରଶେଖରପୁର ଥାନାରେ ମାମଲା ମଧ୍ୟ ରୁଜୁ ହୋଇଥିଲା । ତେବେ ଏହି ଘଟଣାର କିଛି ମାସ ଭିତରେ ପୁଣି ରାଜଧାନୀରେ ମଦ ପିଇ ରାସ୍ତାରେ ଉତ୍ପାତ ହେଲେ ଯୁବତୀ । ନିଶାସକ୍ତ ଅବସ୍ଥାରେ ଲୋକଙ୍କୁ ଅସଭ୍ୟ ଭାଷାରେ ଗାଳି ଗୁଲଜ କରିଥିଲେ । ଖବର ପାଇ ପୋଲିସ ପହଞ୍ଚି ତାଙ୍କୁ ଉଦ୍ଧାର କରିବାକୁ ଚେଷ୍ଟା କରିଥିଲା । ହେଲେ ପିସିଆର୍ ଭ୍ୟାନରେ ନେବାବେଳେ ଗାଡ଼ିକୁ ଗୋଇଠା ବିଧା ମାରିଥିଲେ ଯୁବତୀ । ପୋଲିସକୁ ନାକେଦମ୍ କରିବା ପରେ ପଡ଼ିଲା ଡାକ୍ତରଙ୍କ ପାଳି । କ୍ୟାପିଟାଲ ହସ୍ପିଟାଲରେ ପହଞ୍ଚିବା ପରେ ସେଠାରେ ଡାକ୍ତରଙ୍କୁ ମଧ୍ୟ ଛାଡ଼ି ନଥିଲେ ମାତାଲ ଯୁବତୀ । ଏପରିକି ହର୍ ଟିମ୍ର ଦୁଇଜଣ ଯୁବତୀ ମଧ୍ୟ ତାଙ୍କୁ କଣ୍ଟ୍ରୋଲ କରି ପାରିନଥିଲେ । ହସ୍ପିଟାଲରେ ଉତ୍ପାତ ହୋଇ ଗାଳି ଗୁଲଜ କରିଥିଲେ । ଦୀର୍ଘ ୨ ଘଣ୍ଟା ପରେ ଯୁବତୀଙ୍କୁ କାବୁ କରିବାରେ ପୋଲିସ ସଫଳ ହୋଇଥିଲା ।
