ଭୁବନେଶ୍ୱର,୧୪/୦୩: କ୍ୟାପିଟାଲ ଥାନାର ସୂର୍ଯ୍ୟନଗରରେ ବିଳମ୍ବିତ ରାତିରେ ଗୋଷ୍ଠୀ ସଂଘର୍ଷ ଘଟିଛି । କିଛି ଦୁର୍ବୃତ୍ତ ଜଣେ ଯୁବକଙ୍କୁ ଖଣ୍ଡାରେ ଆକ୍ରମଣ କରିଛନ୍ତି । ରାଜେଶ ପାତ୍ର ନାମକ ଜଣେ ଯୁବକ ଆକ୍ରମଣର ଶିକାର ହୋଇଛନ୍ତି । ତାଙ୍କୁ ଗୁରୁତର ଅବସ୍ଥାରେ ପ୍ରଥମେ କ୍ୟାପିଟାଲ ହସ୍ପିଟାଲ ଏବଂ ପରେ ଏମ୍ସ ସ୍ଥାନାନ୍ତର କରାଯାଇଛି । କ୍ୟାପିଟାଲ ଥାନା ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ ଚଳାଇଛି ।
ସାଲିଆସାହିରେ ଚାଲିଥିଲା ବେଆଇନ୍ ଦେଶୀ ମଦ କାରବାର, ଚଢାଉ କଲା ଅବକାରୀ ବିଭାଗ, ୮ ଗିରଫ
ପୋଲିସ କହିବା ମୁତାବକ, ୨ ଗୋଷ୍ଠୀ ମଧ୍ୟରେ ପୂର୍ବରୁ ରାଜନୈତିକ ଶତ୍ରୁତା ଥିଲା । ରାଜେଶ କିଛି ଦିନ ତଳେ ଅପରଗୋଷ୍ଠୀର ଯୁବକମାନଙ୍କୁ ଧମକ ଦେଇଥିଲେ । ସେବେଠୁ ଅପରଗୋଷ୍ଠୀର ଯୁବକ ତାଙ୍କୁ ଆକ୍ରମଣ ପାଇଁ ସୁଯୋଗ ଖୋଜୁଥିଲେ । ସେ ଗୁରୁବାର କିଛି ସାଙ୍ଗଙ୍କ ସହ ରାତିରେ ଘରକୁ ଫେରୁଥିବା ବେଳେ ୩-୪ ଯୁବକ ତାଙ୍କୁ ଘେରି ଯାଇଥିଲେ । ଉଭୟ ଗୋଷ୍ଠୀ ଭିତରେ ଯୁକ୍ତିତର୍କ ହୋଇଥିଲା । ଅପରଗୋଷ୍ଠୀର ଜଣେ ଯୁବକ ତାଙ୍କୁ ଖଣ୍ଡାରେ ଆକ୍ରମଣ କରିଥିଲା । ରାଜେଶଙ୍କର ପିଠିରେ ଚୋଟ ବାଜିଥିଲା । ସ୍ଥାନୀୟ ଲୋକମାନେ ଘଟଣାସ୍ଥଳକୁ ଆସିବାରୁ ଆକ୍ରମଣକାରୀମାନେ ଘଟଣାସ୍ଥଳକୁ ଛୁ ମାରିଥିଲେ । ଆକ୍ରମଣକାରୀ ଗୋଷ୍ଠୀ ସୂର୍ଯ୍ୟନଗର ବାସିନ୍ଦା ବୋଲି ପୋଲିସ ଜାଣିବାକୁ ପାଇଛି । ସେମାନଙ୍କୁ ଧରିବାକୁ ବିଭିନ୍ନ ଜାଗାରେ ଚଢ଼ାଉ ଜାରି ରଖିଛି ।
