କୋଲାବିରା,୦୬/୦୭: ଝାରସୁଗୁଡ଼ା ଜିଲ୍ଲା କୋଲାବିରା ବ୍ଲକ ଅଞ୍ଚଳରେ ଶନିବାର ଅପରାହ୍ନରୁ ପ୍ରବଳ ବର୍ଷା ଲାଗି ରହିଛି । ଏହାସହ ଉପର ମୁଣ୍ଡରେ ବର୍ଷା ଯୋଗୁଁ ନଦୀ ଜଳସ୍ତର ବଢୁଛି । ତେଲେନ୍ ନଦୀ ଫୁଲିବାରେ ଲାଗିଛି । ଏହାସହ ଭେଡେନ ନଦୀରେ ମଧ୍ୟ ପାଣି ବଢିବାରେ ଲାଗିଛି । ବର୍ଷାର ପରିମାଣ ବଢିଲେ ପାଣି ଆହୁରି ପଡିବ । ଜଳସ୍ତର ବଢ଼ିବା ବନ୍ୟା ପରିସ୍ଥିତି ଆଣିପାରେ ।
ଉଭୟ ତେଲେନ୍ ଓ ଭେଡେନ୍ ନଦୀ ପାର୍ଶ୍ବରେ ଥିବା ଅନେକ ଗାଁରେ ଜମିକୁ ପାଣି ମାଡ଼ି ଯାଇଛି । ଏହି ବ୍ଲକର ଗୁଛାପାଲି, ମଙ୍ଗରାପାଲି, ଗାଞ୍ଜେରମାଲ, ଅମନାପାଲି, କୁକିଆଡେରା, କେ. ସମାସିଂହା, କୁମ୍ଭାରମାଲ, ତରେଇକେଳା, ଭଜୁପଡ଼ା, ଭେଜିକୁଦ, ସାଲେପାଲି, କାଲିବାହାଲ ଇତ୍ୟାଦି ଗ୍ରାମାଞ୍ଚଳରେ ବନ୍ୟା ଆଶଙ୍କା ଦେଖା ଦେଇଛି । ରହିବାର ସକାଳୁର ପରିମାଣ ବର୍ଷା କମିଛି ହେଲେ ଭୟ ରହିଛି ।
ଯଦି ପୁଣି ଥରେ ବର୍ଷା ହୁଏ ତାହା ହେଲେ ଉଭୟ ଭେଡେନ୍ ଓ ତେଲେନ୍ ନଦୀରେ ବନ୍ୟା ଆସିବାର ଆଶଙ୍କା ରହିଛି । ଏଥିପାଇଁ ନଦୀ ପାର୍ଶ୍ବ ସମସ୍ତ ଗ୍ରାମବାସୀ ଓ ପ୍ରଶାସନ ଏଥି ପ୍ରତି ସତର୍କ ଥିବା ସୂଚନା ମିଳିଛି ।
