ନୂଆଦିଲ୍ଲୀ : ଭବିଶ ଅଗ୍ରୱାଲଙ୍କର ଓଲା ଇଲେକ୍ଟ୍ରିକ୍କୁ ଏହି ସପ୍ତାହର ଆରମ୍ଭରେ କେନ୍ଦ୍ରୀୟ ଉପଭୋକ୍ତା ସଂରକ୍ଷଣ ପ୍ରାଧିକରଣ (ସିସିପିଏ)ରୁ କାରଣ ଦର୍ଶାଅ ନୋଟିସ୍ ମିଳିଛି। ଇଲେକ୍ଟ୍ରିକ୍ ଗାଡିର (ଇଭି) ନିର୍ମାତା ଏବେ ଭାରତ ସରକାରଙ୍କର ଯାଞ୍ଚର ପରିସରକୁ ଆସିଛନ୍ତି। କାରଣ ଭାରୀ ଶିଳ୍ପ ମନ୍ତ୍ରଣାଳୟ (ଏମଏଚଆଇ) ଅଟୋମେଟିଭ୍ ରିସର୍ଚ୍ଚ ଆସୋସିଏସନ ଅଫ୍ ଇଣ୍ଡିଆ (ଏଆରଏଆଇ)କୁ ଓଲା ଇଲେକ୍ଟ୍ରିକ୍ ବିରୋଧରେ ଉପଭୋକ୍ତା ଅଭିଯୋଗ ବିଷୟରେ ବିସ୍ତୃତ ସୂଚନା ଦେବାର ନିର୍ଦ୍ଦେଶ ଦେଇଛି। ପିଟିଆଇ ସୂତ୍ରରୁ ଏହି ସୂଚନା ମିଳିଛି।
ରାଷ୍ଟ୍ରୀୟ ଉପଭୋକ୍ତା ହେଲ୍ପଲାଇନ୍ର ତଥ୍ୟରୁ ଜଣାପଡ଼ିଛି ଯେ, ତାକୁ ୧ ସେପ୍ଟେମ୍ୱର, ୨୦୨୩ ରୁ ୩୦ ଅଗଷ୍ଟ, ୨୦୨୪ ଯାଏ ଓଲା ଇ-ସ୍କୁଟର ବିରୋଧରେ ୧୦,୬୪୪ଟି ଅଭିଯୋଗ ମିଳିଛି। ଏଥିରୁ ୩,୩୮୯ଟି ଅଭିଯୋଗ ସର୍ଭିସ୍ରେ ବିଳମ୍ୱ ସମ୍ୱନ୍ଧିତ, ୧୮୯୯ ନୂଆ ଗାଡ଼ିର ଡେଲିଭରୀରେ ବିଳମ୍ୱ ସଂପର୍କିତ ରହିଛି ଏବଂ ୧,୪୫୯ ପ୍ରତିଶ୍ରୁତି ପୂରା କରା ନଯିବା ସେବା ସହ ସମ୍ୱନ୍ଧିତ।
ଓଲା ଇଲେକ୍ଟ୍ରିକ୍ FAME II (ଫେମ୍-୨) ଓ PM E-DRIVE ( ପିଏମ୍ ଇ-ଡ୍ରାଇଭ ) ଯୋଜନା ଗୁଡ଼ିକର ଲାଭାର୍ଥି। ଏହାର ପାତ୍ରତା ପ୍ରମାଣପତ୍ର ମନ୍ତ୍ରଣାଳୟର ପ୍ରଶାସନିକ ନିୟନ୍ତ୍ରଣ ଅନୁସାରେ, ପ୍ରମାଣପତ୍ର ଓ ପରୀକ୍ଷଣ ଏଜେନ୍ସି ARAI ଦ୍ୱାରା ପ୍ରଦାନ କରାଯାଇଛି ।
FAME II (ଫେମ୍-୨) ଓ PM E-DRIVE ( ପିଏମ୍ ଇ-ଡ୍ରାଇଭ ) ଯୋଜନା ଗୁଡ଼ିକ ଅନୁସାରେ, ଓଲା ଇଲେକ୍ଟ୍ରିକ୍ ଭଳି ମୂଳ ଉପକରଣ ନିର୍ମାତାଙ୍କୁ ( ଓଇଏମ) ଗ୍ରାହକଙ୍କ ସମସ୍ୟାକୁ ସମାଧାନ କରିବା ପାଇଁ ସର୍ଭିସ ସେଣ୍ଟର ଗଠନ କରିବାର ଆବଶ୍ୟକତା ହୋଇଥାଏ । ଏହା ବ୍ୟତୀତ , ସବୁ ଓଇଏମ୍କୁ ଏହି ଯୋଜନାର ପାର୍ଟ ଭାବେ ୱାରେଣ୍ଟି ଦେବା ଜରୁରୀ ।
ଟେଷ୍ଟିଂ ସେଣ୍ଟରକୁ ପଠାଯାଇଥିବା ମନ୍ତ୍ରଣାଳୟର ଚିଠିରେ କୁହାଯାଇଛି , ଓଲା ଇଲେକ୍ଟ୍ରିକ୍ ଏହି ଯୋଜନା ଅନୁସାରେ ଲାଭାର୍ଥି, ଯାହାର FAME II ଓ PM E-DRIVE ଅନୁସାରେ, ପାତ୍ରତା ମାନଦଣ୍ଡ ଏଆରଏଆଇ ଦ୍ୱାରା ଜାରି କରାଯାଇଛି। ଏଥିପାଇଁ , ଆପଣଙ୍କୁ ଏହି ମାମଲାରେ ଏମଏଚଆଇକୁ ଖୁବ୍ ଶୀଘ୍ର ନିଜର ଟିପ୍ପଣୀ ଦେବାକୁ ହେବ।
ଉଲ୍ଲେଖନୀୟ ଯେ , ଚଳିତ ସପ୍ତାହର ଆରମ୍ଭରେ , ୭ ଅକ୍ଟୋବରରେ , କେନ୍ଦ୍ରୀୟ ଉପଭୋକ୍ତା ସଂରକ୍ଷଣ ପ୍ରାଧିକରଣ ଉପଭୋକ୍ତା ଅଧିକାରୀର କଥିତ ଉଲ୍ଲଂଘନ , ଭ୍ରମାତ୍ମକ ବିଜ୍ଞାପନ ଓ ଅନୁଚିତ ଟ୍ରେଡ୍ ପ୍ରାକ୍ଟିସେସ୍ ପାଇଁ ଓଲା ଇଲେକ୍ଟ୍ରିକ୍କୁ କାରଣ ଦର୍ଶାଇ ନୋଟିସ୍ ଜାରି କରିଛି। ନୋଟିସ୍ ମୁତାବିକ, ଭବିଶ ଅଗ୍ରୱାଲଙ୍କ ଦ୍ୱାରା ପରିଚାଳିତ ଇଭି କମ୍ପାନୀକୁ ନୋଟିସ ପାଇବାର ୧୫ ଦିନ ଭିତରେ ଜବାବ ଦେବା ଜରୁରି।
