ଲମତାପୁଟ,୦୪/୦୧: କୋରାପୁଟ ଜିଲ୍ଲା ଲମତାପୁଟ ବ୍ଲକରେ ହାଡ଼ ଭଙ୍ଗା ଶୀତର ଲହରୀ ସହ ତୁଷାରପାତ ହୋଇଥିବାର ଦେଖିବାକୁ ମିଳିଛି । ୪ ଡଗ୍ରୀ ତଳକୁ ଖସିଲା ପାରଦ । ବ୍ଲକର ବିଭିନ୍ନ ସ୍ଥାନରେ ତୁଷାରପାତ ହୋଇଛି । ହାଡଭଙ୍ଗା ଶୀତରେ ଜନଜୀବନ ଅସ୍ତବ୍ୟସ୍ତ ହୋଇପଡିଛି । ନୂଆ ବର୍ଷ ଠାରୁ ଶୀତ ପ୍ରକୋପ ଧୀରେ ଧୀରେ ବଡ଼ିଛି ।
ଦିନ ଦଶଟା ପର୍ଯ୍ୟନ୍ତ ସାରା ଅଞ୍ଚଳ କୁହୁଡିରେ ଢାଙ୍କି ରହୁଛି । କୁହୁଡି କାରଣରୁ ରାସ୍ତାର ୧୦ ମିଟର ଦୂରତା ପରେ କିଛି ବି ଦେଖା ଯାଉନାହିଁ । ଯାତାୟତ ପାଇଁ ଭାରି ଅସୁବିଧା ହେଉଥିବା ବେଳେ ଦୁର୍ଘଟଣାର ଶିକାର ହେଉଛନ୍ତି ଗାଡି ମଟର । ଶୀତରୁ ରକ୍ଷା ପାଇଁ ନିଆଁ ଲଗାଇ ଶୀତ ଛଡାଉଛନ୍ତି ଅଞ୍ଚଳବାସୀ । ନିଆଁ ଲାଗିଥିବା ସ୍ଥାନକୁ ପଶୁମାନେ ମଧ୍ୟ୍ୟ ଯାଇ ଶୀତରୁ ରକ୍ଷା ପାଇବା ପାଇଁ ଚେଷ୍ଟା କରୁଛନ୍ତି । ଶୀତର ମଜା ନେବା ପାଇଁ ଦେଶ ବିଦେଶରୁ ପର୍ଯ୍ୟଟକଙ୍କ ସୁଅ ଛୁଟିଛି । ଆଗକୁ ଆହୁରି ଶୀତ ବଢିଲେ ପର୍ଯ୍ୟଟକଙ୍କ ଭିଡ଼ ଆହୁରି ବଢିବା ନେଇ ଆଶା ରହିଛି ।
