ନୂଆଦିଲ୍ଲୀ : ଇସ୍ରାଏଲର ବଡ଼ ସେନା ଅପରେସନରେ ୮ ଅକ୍ଟୋବରରେ କରାଯାଇ ଥିବା ହମଲାରେ ମାଷ୍ଟରମାଇଣ୍ଡ ହମାସ ମୁଖ୍ୟ ୟାହ୍ୱା ସିନୱାରର ମୃତ୍ୟୁ ହୋଇଥିଲା। କୁହାଯାଉଛି କି, ଇସ୍ରାଏଲର ସେନା ଏହି ହମଲାର ଭିଡ଼ିଓ ଜାରି କରିଛି। ଯେଉଁଥିରେ ଦେଖାଯାଇଛି , କେମିତି ସେନାର ସେହି ଯୁଦ୍ଧ ଯାହା ସିନୱାରର ଶେଷ ସମୟ ପାଲଟି ଗଲା। ଇସ୍ରାଏଲର ଡିଫେନ୍ସ ଫୋର୍ସ (ଆଇଡିଏଫ) କହିଛି କି, ଉତ୍ତର ଗାଜାରେ ହୋଇଥିବା ଏହି ଅପରେସନରେ ସିନୱାର ସମେତ ଆଉ ଦୁଇ ଜଣ ହମାସର ଆତଙ୍କୀ ମରିଛନ୍ତି।
ଭିଡ଼ିଓରେ ଇସ୍ରାଏଲର ସେନାକୁ ଇଣ୍ଟେଲିଜେନ୍ସର ଆଧାରରେ ସଠିକ୍ ହମଲା କରିବା ଓ ଆତଙ୍କୀଙ୍କୁ ନିକଟ ଲଢେଇରେ ନିପାତ କରିବାର ଦେଖା ଯାଉଛି। ଏହି ଅପରେସନରେ ଇସ୍ରାଏଲର ଏୟାରଫୋର୍ସ ମଧ୍ୟ ସାହାଯ୍ୟ କରି ଥିଲେ। ଭିଡ଼ିଓରେ ସେହି କ୍ଷଣ ମଧ୍ୟ କଏଦ ହୋଇଛି, ଇସ୍ରାଏଲର ସେନାମାନେ ଏହି ବିଲ୍ଡିଂକୁ ଟ୍ୟାଙ୍କରେ ଫାୟାର କରୁଛନ୍ତି , ଯେଉଁଠି ୟାହ୍ୱା ସିନୱାର ଲୁଚି ଥିଲା। ହେଲେ ,ଏହି ଭିଡ଼ିଓକୁ ଏଠାରେ ଦେଖାଇଯାଇ ନାହିଁ।
ଆଇଡିଏଫ୍ ମୁତାବିକ , ୮୨୮ତମ ବ୍ରିଗେଡ୍ର ସୈନିକମାନେ ଏହି ସପ୍ତାହରେ ରାଫାର ତେଲ ଅଲ-ସୁଲତାନ ଅଞ୍ଚଳରେ କିଛି ସଦିଗ୍ଧଙ୍କୁ ଚିହ୍ନଟ କରିଛନ୍ତି। ସୈନିକମାନେ ଅଞ୍ଚଳ ଉପରେ ନଜର ଜାରି ରଖି ଥିଲେ। ଏହି ସମୟରେ ଆତଙ୍କୀ ମାନେ ଫାୟାରିଂ କରିଥିଲେ ଏବଂ ଗ୍ରେନେଡ୍ ଫିଙ୍ଗିଲେ। ସୈନିକମାନେ ଜବାବୀ କାର୍ଯ୍ୟାନୁଷ୍ଠାନରେ ଆତଙ୍କୀଙ୍କୁ ମାରି ଥିଲେ , ଯିଏ ଫେରାର ହେବାକୁ ଚେଷ୍ଟା କରୁଥିଲେ। ଦୁଇଟି ବିଲ୍ଡିଂରେ ଲୁଚି ଥିବା ଆତଙ୍କୀଙ୍କୁ ଆଗାମୀ ଦିନ ତଲାସୀ ଅଭିଯାନ ବେଳେ ଖୋଜା ଯାଇଥିଲା। ଏହି ସମୟରେ ୟାହ୍ୱା ସିନୱାରର ମୃତଦେହ ମଧ୍ୟ ମିଳିଥିଲା।
ଇସ୍ରାଏଲର କହିବା ହେଲା କି, ଏହି ଅପରେସନ ଅନେକ ମାସରୁ ଚାଲିଥିଲା। ଆଇଡିଏଫ୍ ଓ ଇସ୍ରାଏଲର ବାୟୁସେନା ୧୬୨ ତମ ଡିଭିଜନର ନେତୃତ୍ୱରେ ହମାସର ରାଫା ବ୍ରିଗେଡ୍ ଓ ତେଲ୍ ଅଲ-ସୁଲତାନ ବାଟାଲିୟନ ବିରୋଧରେ କାର୍ଯ୍ୟାନୁଷ୍ଠାନ କରିଥିଲେ। ଏହି ଅପରେସନରେ ଶହ ଶହ ଆତଙ୍କୀଙ୍କୁ ନିପାତ କରାଗଲା। ୟାହ୍ୱା ସିନୱାରର ବଞ୍ଚିବାର କୌଣସି ସୁଯୋଗ ନଥିଲା। ଶେଷର ମୃତ୍ୟୁ ହୋଇଥିଲା।
