ନୂଆଦିଲ୍ଲୀ,୨୩/୧୨: ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କ ପ୍ରତ୍ୟର୍ପଣ ଦାବିରେ ବାଂଲାଦେଶ ଭାରତକୁ ଏକ ଚିଠି ଲେଖିଛି। ବାଂଲାଦେଶର ବୈଦେଶିକ ବ୍ୟାପାର ପରାମର୍ଶଦାତା ତାହିଦ୍ ହୁସେନ୍ କହିଛନ୍ତି ଯେ 'ଆମେ ଭାରତ ସରକାରଙ୍କୁ କହିଛୁ ଯେ ନ୍ୟାୟିକ ପ୍ରକ୍ରିୟା ପାଇଁ ଶେଖ ହସିନାକୁ ବାଂଲାଦେଶକୁ ଫଠାଇଦିଅନ୍ତୁ।' ସୋମବାର ଗୃହ ବ୍ୟାପାର ପରାମର୍ଶଦାତା ଜାହାଙ୍ଗୀର ଆଲାମ କହିଛନ୍ତି ଯେ ତାଙ୍କ ମନ୍ତ୍ରଣାଳୟ ବୈଦେଶିକ ମନ୍ତ୍ରଣାଳୟକୁ ଚିଠି ଲେଖି ପଳାୟନ କରିଥିବା ପ୍ରଧାନମନ୍ତ୍ରୀ ଶେଖ ହସିନାଙ୍କୁ ଭାରତରୁ ଫେରାଇ ଆଣିବାକୁ ଦାବି କରିଛି।
୨୦୧୩ ରେ ଭାରତ ଏବଂ ବାଂଲାଦେଶ ସରକାରଙ୍କ ମଧ୍ୟରେ ପ୍ରତ୍ୟର୍ପଣ ସମ୍ପର୍କରେ ଏକ ଚୁକ୍ତିନାମା ସ୍ୱାକ୍ଷରିତ ହୋଇଥିଲା। ୨୦୧୩ ପରଠାରୁ ଭାରତ ମଧ୍ୟରେ ଏକ ଚୁକ୍ତିନାମା ହୋଇଥିଲା ଯେ ଅଭିଯୁକ୍ତ କିମ୍ବା ପଳାତକଏବଂ ବନ୍ଦୀମାନଙ୍କୁ ପରସ୍ପରକୁ 'ପ୍ରତ୍ୟର୍ପଣ ଅପରାଧ ମାମଲା'ରେ ହସ୍ତାନ୍ତର କରାଯିବ। ବାଂଲାଦେଶ ସରକାର କହିଛନ୍ତି ଯେ ଏହି ଚୁକ୍ତିନାମା ଅନୁଯାୟୀ ବାଂଲାଦେଶ ଏହାର ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କ ପ୍ରତ୍ୟର୍ପଣ ଦାବି କରୁଛି। ଅବଶ୍ୟ ଏହି ପ୍ରତ୍ୟର୍ପଣ ଚୁକ୍ତିନାମାର ଏକ ଧାରାରେ କୁହାଯାଇଛି ଯେ ଯଦି ପ୍ରତ୍ୟର୍ପଣ କରାଯିବାକୁ ଥିବା ବ୍ୟକ୍ତିଙ୍କ ବିରୋଧରେ ଅଭିଯୋଗ ରାଜନୈତିକ ପ୍ରକୃତିର ଅଟେ, ତେବେ ଏହି ଅନୁରୋଧକୁ ପ୍ରତ୍ୟାଖ୍ୟାନ କରାଯାଇପାରିବ।
ଭାରତ ଏବଂ ବାଂଲାଦେଶ ମଧ୍ୟରେ ପ୍ରତ୍ୟର୍ପଣ ଚୁକ୍ତି ରାଜନୈତିକ ମାମଲା ବ୍ୟତୀତ ଅପରାଧରେ ଜଡ଼ିତ ବ୍ୟକ୍ତିବିଶେଷଙ୍କ ପ୍ରତ୍ୟର୍ପଣ ପାଇଁ ଅନୁମତି ଦେଇଥାଏ। ଏହି ଅପରାଧରେ ଆତଙ୍କବାଦ, ବୋମା ବିସ୍ଫୋରଣ, ହତ୍ୟା ଏବଂ ନିଖୋଜ ଭଳି ଅପରାଧ ସାମିଲ ଥିଲା। ତେବେ ବାଂଲାଦେଶର ପୂର୍ବତନ ପ୍ରଧାନମନ୍ତ୍ରୀ ଶେଖ ହସିନାଙ୍କ ବିରୋଧରେ ବହୁ ହତ୍ୟା, ଲୁଟ୍ ଓ ଜାଲିଆତି ଅଭିଯୋଗ ଆସିଛି। ଏହା ବ୍ୟତୀତ ବାଂଲାଦେଶର ଏକ କମିଶନ ମଧ୍ୟ ଏହାର ଅନୁସନ୍ଧାନ ରିପୋର୍ଟରେ କିଛି ମୁଖ୍ୟ ଲୋକଙ୍କୁ ଲୁଚେଇଥିବା କିମ୍ବା ବାହାରକୁ ଲୁଚାଇଦେଇଥିବା ଅଭିଯୋଗ କରିଛନ୍ତି। 'ଅନ୍ଫୋଲ୍ଡିଂ ଦ ଟ୍ରୁଥ୍' ନାମକ ଏହି ରିପୋର୍ଟରେ ଶେଖ ହସିନା ବାଂଲାଦେଶର କିଛି ଗୁରୁତ୍ୱପୂର୍ଣ୍ଣ ବ୍ୟକ୍ତିତ୍ୱଙ୍କୁ ଗାଏବ କରିଥିବାର ଅଭିଯୋଗ ହୋଇଛି।
