ନୂଆଦିଲ୍ଲୀ : ଦୁନିଆର ସବୁଠୁ ବଡ଼ ସର୍ଚ୍ଚିଂ ପ୍ଲାଟଫର୍ମ ହେଉଛି ଗୁଗଲ, ଯିଏ ଏହି ସମୟରେ ଭାରତରେ ଅନୁଷ୍ଠିତ ହେଉଥିବା ମହାକୁମ୍ଭ ପର୍ବର ଭକ୍ତିରେ ବୁଡ଼ିଛି। ୟୁପିର ପ୍ରୟାଗରାଜରେ ମହାକୁମ୍ଭର ଆୟୋଜନ ହେଉଛି, ଯେଉଁଥିରେ ଦେଶ ବିଦେଶରୁ ଅନେକ ଲୋକେ ସାମିଲ ହେବାକୁ ଆସୁଛନ୍ତି। ଏହି ଅବସରକୁ ଏକ ନିଆରା ଓ ସ୍ୱତନ୍ତ୍ର ପ୍ରକାରର କରିବା ପାଇଁ ଗୁଗଲ ଏକ ମ୍ୟାଜିକ ଟୁଲ୍ ବାହାର କରିଛି। ଯଦି ଆପଣ ଗୁଗଲରେ 'ମହାକୁମ୍ଭ' ଲେଖି ସର୍ଚ୍ଚ କରିବେ, ତ ଆପଣଙ୍କର ପୂରା ସ୍କ୍ରିନ୍ ଗୋଲାପୀର ପାଖୁଡାରେ ଭରିଯିବ। ଏହାସହ ଆପଣ ଏହି ଫଟୋକୁ କାହାକୁ ବି ସେୟାର କରି ପାରିବେ।
ଏଥିପାଇଁ ଆପଣଙ୍କୁ ନିଜର ଫୋନ୍ ବା ଡେସ୍କଟପ୍ରେ ସର୍ଚ୍ଚ ଆପ୍ ଗୁଗଲକୁ ଓପନ କରିବାକୁ ହେବ। ଏହାପରେ ଏହା ଉପରେ ହିନ୍ଦୀ, ଇଂରାଜୀ କୌଣସି ବି ଭାଷାରେ ମହାକୁମ୍ଭ ଲେଖିବାକୁ ହେବ। ଏହା ଲେଖିବାର କିଛି ମିନିଟ୍ ପରେ ସ୍କ୍ରିନ୍ରେ ଗୋଲାପ ପାଖୁଡାର ବର୍ଷା ହେବ। ଏହାସହ ତଳ ଆଡ଼କୁ ଆପଣଙ୍କୁ ସ୍କ୍ରିନ୍ରେ ୩ଟି ଅପସନ ଦେଖାଯିବ। ଏହା ପୂର୍ବରୁ ଅପସନରେ କ୍ଲିକ୍ କରି ଗୋଲାପର ପାଖୁଡ଼ା ଖସିବାକୁ ରୋକା ଯାଇ ପାରିବ, ପୁଣି ମିଡ଼ିଲ ଅପସନରେ ଟ୍ୟାପ୍ କରି ଅଧିକ ସଂଖ୍ୟାରେ ଗୋଲାପର ପାଖୁଡ଼ା ବର୍ଷା କରି ପାରିବେ। ସେପଟେ ୩ୟ ଅପସନରେ ଟ୍ୟାପ୍ କରି ଏହି ଗୋଲାପୀ ଫୋନ ସ୍କ୍ରିନ୍କୁ କାହା ସହ ସେୟାର ବି କରି ପାରିବ।
ଉଲ୍ଲେଖନୀୟ ଯେ, ଏଥର ମହାକୁମ୍ଭରେ ଆପ୍ପଲର ସଂସ୍ଥାପକ ଷ୍ଟିଭ୍ ଜବ୍ସଙ୍କର ପତ୍ନୀ ଲରେନ ଜବ୍ସ ସାମିଲ ହୋଇଛନ୍ତି। ଲରେନ ମହାକୁମ୍ଭ ବେଳେ କଳ୍ପବାସ କରିବେ ଏବଂ ସାଧୁଙ୍କ ସଙ୍ଗରେ ରହିବେ। ସେ ଏହି ସମୟରେ କୁମ୍ଭରେ ରହିବେ ଏବଂ ଗଙ୍ଗାରେ ବୁଡ଼ ଦେବେ।
ଚଳିତଥର ମହାକୁମ୍ଭ ୧୨ ବର୍ଷ ପରେ ଆୟୋଜିତ ହେଉଛି। ଏହିଥର ମହାକୁମ୍ଭରେ ୩୫ କୋଟି ଶ୍ରଦ୍ଧାଳୁଙ୍କ ଆସିବାର ଆଶା କରାଯାଉଛି। ମହାକୁମ୍ଭ ୧୩ ଜାନୁଆରୀରୁ ୨୬ ଫେବ୍ରୁଆରୀ ଯାଏ ଆୟୋଜିତ ହେବ। ଏହାର ଆୟୋଜନ ପାଖାପାଖି ୧୦,୦୦୦ ଏକର କ୍ଷେତ୍ରରେ ହେଉଛି। କହି ରଖୁଛୁ କି , ଏହା ପ୍ରଥମ ମହାକୁମ୍ଭ , ଯାହା ଜାନୁଆରୀ ୨୦୨୪ରେ ଅଯୋଧ୍ୟାରେ ଭଗବାନ ରାମ ଲଲାଙ୍କ ପ୍ରାଣ ପ୍ରତିଷ୍ଠା ପରେ ହେଉଛି।
