ଅଲୱର : କାଠରେ ତିଆରି ହୋଇଛି splendour ବାଇକ୍ । ଏହା ଆପଣଙ୍କୁ ନିଶ୍ଚୟ ଆଶ୍ଚର୍ଯ୍ୟ ଲାଗିପାରେ। ହେଲେ ଏହା ସତ ଯେ, ଏମିତି ଏକ ବାଇକ୍ ତିଆରି କରିଛନ୍ତି ଜଣେ ଫର୍ଣ୍ଣିଚର ଦୋକାନୀ। ତାଙ୍କ ନାଁ ଶାହରୁଖ ଖାନ। ରାଜସ୍ଥାନର ଅଲୱର ଜିଲ୍ଲାରେ ,ତିଜାରା ରୋଡ୍ ସ୍ଥିତ ଟେଲକୋ ସର୍କିଲ ନିକଟରେ ରହିଛି ତାଙ୍କର ଫର୍ଣ୍ଣିଚର ଦୋକାନ। ଶାହରୁଖ, ନିଜ କାରିଗରୀର ଏମିତି ପ୍ରଦର୍ଶନ କରିଛନ୍ତି, ଯିଏ ସମସ୍ତଙ୍କୁ ଆଶ୍ଚର୍ଯ୍ୟ କରି ଦେଇଛି। ଶାହରୁଖ ୨୦୧୮ମଡେଲର splendour bikeକୁ ମଡିଫାଇ କରି ଶିଶମ ଉଡ୍ରେ ଏକ ସୁନ୍ଦର ଉଡେନ ବାଇକ୍ ପ୍ରସ୍ତୁତ କରିଛନ୍ତି।
ଶାହରୁଖ, ଯିଏ ଅଲୱର ଜିଲ୍ଲାର ଜାହରଖେଡା ଗାଁର ନିବାସୀ, ନିଜର ଅପୂର୍ବ ଦକ୍ଷତାରେ ଏହା ଦେଖାଇ ଦେଇଛନ୍ତି କି, ପରିଶ୍ରମ ଓ ଚେଷ୍ଟା ଦ୍ୱାରା କଣ କରାଯାଇ ନପାରେ। ସେ ଏବେ ଅଲୱର ସହରର ନିକଟରେ ୬ଷ୍ଠ ମାଇଲରେ ନିଜର ଘର ତିଆରି କରିଛନ୍ତି ଏବଂ ସେଠାରେ ନିଜ ପରିବାର ସହ ରହୁଛନ୍ତି। ଶାହରୁଖଙ୍କ ପରିବାରର ଅନ୍ୟ ସଦସ୍ୟ ମଧ୍ୟ ଫର୍ଣ୍ଣିଚରର କାମରେ ତାଙ୍କୁ ସହଯୋଗ କରିଛନ୍ତି।
ଶାହରୁଖ କହିଛନ୍ତି କି, ୩ ମାସ ପୂର୍ବେ ଯେବେ ତାଙ୍କର ସାଥୀ କାରିଗର ଗୁରୁଗ୍ରାମରେ କାମ କରିବାକୁ ଯାଇ ଥିଲେ, ସେତେବେଳେ ସେ ଏକୁଟିଆ ଦୋକାନରେ ଥିଲେ। ଏହି ସମୟରେ ସେ ତାଙ୍କର ସୋସିଆଲ ମିଡ଼ିଆରେ କାଠର ବୁଲେଟ୍ ବାଇକ୍ର ଏକ ଭିଡ଼ିଓ ଦେଖିଲେ।ଏଠାରୁ ପ୍ରେରଣା ପାଇ ସେ କାଠର ବାଇକ୍ ତିଆରି କରିବାକୁ ସ୍ଥିର କଲେ। ଦୁଇରୁ ତିନି ମାସର କଠୋର ପରିଶ୍ରମ ପରେ ଶାହରୁଖ ଓ ତାଙ୍କର ଟିମ୍ ଶିଶମ୍ର କାଠକ ବ୍ୟବହାର କରି splendour ପ୍ଲସ୍ ବାଇକ୍କୁ ମଡିଫାଇ କରିଥିଲେ।
ଏହି ବାଇକ୍ର ସବୁଠୁ ଖାସ୍ କଥା ଏହା କି, ଏହାର ପେଟ୍ରୋଲ ଟାଙ୍କି , ମଡଗାର୍ଡ , ନମ୍ୱର ପ୍ଲେଟ୍, ବମ୍ପର , ସାଇଲେନ୍ସର ଓ ଟୁଲ୍ ବକ୍ସ ସବୁ କାଠରେ ତିଆରି ହୋଇଛି। ବାଇକ୍ରେ ୱାଟରପ୍ରୁଫ୍ ପଲିସ୍ କରାଯାଇଛି, ଯାହାକି ବର୍ଷାରେ ଏହା ଖରାପ ନହେଉ। ବାଇକ୍କୁ ପ୍ରସ୍ତୁତ କରିବାରେ ପାଖାପାଖି ୨୦-୨୫ ହଜାର ଟଙ୍କାର ଖର୍ଚ୍ଚ ହୋଇଛି ଏବଂ ଶାହରୁଖଙ୍କର କହିବା ହେଲା କି, ଯଦି କେହି ତାଙ୍କୁ ଏମିତି ବାଇକ୍ କରିବାକୁ ଚାହାନ୍ତି, ତ ସେ ଏହାକୁ ଲକ୍ଷେ ଟଙ୍କାରେ ତିଆରି କରି ପାରିବେ।
ଶାହରୁଖଙ୍କ ପଡୋଶୀ ଦୋକାନୀମାନେ ଓ ପରିବାର ଲୋକ ଆରମ୍ଭରେ ତାଙ୍କର ଏହି ପ୍ରୋଜେକ୍ଟକୁ ପାଗଳାମୀ କହିଥିଲେ, କିନ୍ତୁ ଏବେ ତାଙ୍କର କାରିଗରୀର ସବୁ ପ୍ରଶଂସା କରୁଛନ୍ତି। ଫେବ୍ରିକେସନର କାମ କରୁଥିବା ସଲିମ୍ ଖାନ କହିଛନ୍ତି କି, ସେ ଯେବେ ଶାହରୁଖଙ୍କର ଆଇଡିଆକୁ ଶୁଣିଲେ ,ଏହାକୁ ସେ ମଜାଳିଆ ଭାବିଥିଲେ। କିନ୍ତୁ ଆଜି ସେ ତାଙ୍କର କାମରେ ଗର୍ବ ଅନୁଭବ କରୁଛନ୍ତି।
ଶାହରୁଖଙ୍କ ସହ କାମ କରୁଥିବା ମୁସ୍ତକିନ ଖାନ ଓ ମୁସ୍ତାକ ଖାନ ବାଇକ୍ର ନିର୍ମାଣରେ ଟେକ୍ନିକାଲ ସାହାଯ୍ୟ କରିଥିଲେ। ମୁସ୍ତାକ କୁହନ୍ତି କି, ବାଇକ୍ର ମୂଳ ଢାଞ୍ଚାରେ କୌଣସି ପରିବର୍ତ୍ତନ କରାଯାଇ ନାହିଁ, ଯେଉଁଥିରେ ଏହା ପୁଲିସ ଓ ଆରଟିଓର ନିୟମର ପାଳନ କରିଛନ୍ତି । ହେଲେ , କାଠର ବ୍ୟବହାରରେ ବାଇକ୍ର ଓଜନ ୨୦-୨୫ କିଲୋ ଯାଏ ବଢି ଯାଇଛି , ଯେଉଁଥିରେ ଏହା ଆହୁରି ଦୃଢ ହୋଇ ଯାଇଛି।
