ପର୍ଦେ ମୈ ରେହେନେ ଦୋ ପରଦା ନା ହଟାଓ, ପରଦା ଯୋ ଖୁଲ୍ ଗୟା ତୋ ଭେଦ୍ ଖୁଲ୍ ଯାଏଗା...ଏ ଗୀତ ମହିଳାମାନଙ୍କ ପାଇଁ ହିଁ ଉଦ୍ଦିଷ୍ଟ । କାରଣ ମହିଳାମାନଙ୍କର ଏମିତି ବହୁ କଥା ରହିଛି, ଯାହାକୁ ସେ କେବେ ପ୍ରକାଶ କରିବାକୁ ଭଲ ପାଇ ନଥାନ୍ତି । ଏମିତି ଅନେକ କଥା ରହିଥାଏ, ଯାହା ସେମାନେ ପୁରୁଷଙ୍କ ଆଗରେ ପ୍ରକାଶ କରିବାକୁ ପସନ୍ଦ କରି ନଥାନ୍ତି ।
ଚାଲନ୍ତୁ ଜାଣିବା ମହିଳାମାନେ କେଉଁ ସବୁ କଥାକୁ ପୁରୁଷଙ୍କଠାରୁ ଲୁଚାଇବାକୁ ପସନ୍ଦ କରିଥାନ୍ତି । ଅବଶ୍ୟ କେବଳ ପୁରୁଷ ନୁହନ୍ତି ସମସ୍ତଙ୍କଠାରୁ ମଧ୍ୟ ଦୂରେଇ ରଖିବାକୁ ଚାହାନ୍ତି ।
ଗର୍ଲ୍ସ ଟକ୍: ମହିଳାମାନେ ମଧ୍ୟ ବାନ୍ଧବୀମାନଙ୍କ ସହ ଗପସପ ହେବା ସମୟରେ ବେଡରୁମ୍ କଥା ସେୟାର୍ କରିଥାନ୍ତି । କିନ୍ତୁ ଏହାକୁ ନିଜ ସ୍ୱାମୀଙ୍କ ପାଖରେ ପହଞ୍ଚିବାକୁ ଦେଇ ନଥାନ୍ତି । ଏହି ସମୟରେ ସେମାନେ ଖୁବ୍ ସତର୍କ ମଧ୍ୟ ରହିଥାନ୍ତି । ଯଦି ସେମାନଙ୍କର ଏସବୁ କଥା କେହି ଶୁଣି ନିଅନ୍ତି, ଆଉ ସେ ବିଷୟରେ କିଛି ପଚାରନ୍ତି, ତେବେ ସେମାନେ ହଠାତ୍ କଥାକୁ ବଦଳାଇ ଦେଇଥାନ୍ତି, ଯାହାକୁ ବୁଝିବା ଆଦୌ ସମ୍ଭବ ହୁଏନା ।
ପ୍ରେମ ସମ୍ପର୍କ: ମହିଳାମାନେ ନିଜ ପ୍ରେମକୁ ସବୁବେଳେ ଲୁଚାଇ ରଖିଥାନ୍ତି । ଏପରିକି ବିବାହ ପୂର୍ବରୁ ପ୍ରେମ ବିଷୟରେ ବାନ୍ଧବୀଙ୍କୁ ମଧ୍ୟ ଜଣାଇ ନଥାନ୍ତି । ସେମାନଙ୍କୁ ଲାଗେ ଯେ କଥା ଆଗକୁ ବଢିଲେ ସାଙ୍ଗମାନଙ୍କୁ ଜଣାଇବେ । ସେମାନେ ନିଜର ଛବିକୁ ନେଇ ଖୁବ୍ ସତର୍କ ରହିଥାନ୍ତି । ସେମାନେ ଚାହାନ୍ତିନି ଯେ ଅନ୍ୟ କେହି ତାଙ୍କୁ ଭୁଲ୍ରେ ବି ଭୁଲ୍ ବୁଝନ୍ତୁ । ସେଥିପାଇଁ ପ୍ରେମ ସମ୍ପର୍କକୁ ଲୁଚାଇଥାନ୍ତି ।
ନିଜର କିଛି ଅଭ୍ୟାସ: କିଛି ମହିଳା ରହିଥାନ୍ତି, ଯେଉଁମାନେ ଅନ୍ୟମାନଙ୍କ ସାମ୍ନାରେ ଖାଇବାକୁ ପସନ୍ଦ କରି ନଥାନ୍ତି । କିନ୍ତୁ ଏକା ବସିଲେ ବହୁ ମାତ୍ରାରେ ଖାଦ୍ୟ ଖାଇଥାନ୍ତି । ମହିଳାମାନେ ଯାହାକୁ ଅଧିକ ସମାଲୋଚନା କରିଥାନ୍ତି, ସେମାନଙ୍କ କଥା ବେଶି ମାନିଥାନ୍ତି । ଏମାନେ ଅଧିକ ଖାଇବାକୁ ପସନ୍ଦ କରୁଥିଲେ ମଧ୍ୟ ଅନ୍ୟକୁ ଜାଣିବାକୁ ଦେଇ ନଥାନ୍ତି । ବରଂ ଲୁଚାଇ ରଖିଥାନ୍ତି । ନିଜକୁ ମଜଭୁତ ଦେଖାଇଥାନ୍ତି, କିନ୍ତୁ ଭିତରେ ଖୁବ୍ ନରମ ସ୍ୱଭାବର ହୋଇଥାନ୍ତି । ଏପରି ଅନେକ କିଛି ଗୁଣ ରହିଛି, ଯାହାକୁ ସେ ଅନ୍ୟମାନଙ୍କ ଆଗରେ ନିୟନ୍ତ୍ରଣରେ ରଖିବାକୁ ଭଲ ପାଇଥାନ୍ତି ।
ଘର ଖର୍ଚ୍ଚରୁ କରୁଥିବା ସଞ୍ଚୟକୁ ଲୁଚାନ୍ତି
ମହିଳାମାନେ ସ୍ୱାମୀଙ୍କଠାରୁ ଘର ଖର୍ଚ୍ଚ ପାଇଁ ଟଙ୍କା ନେଇ ସବୁ ଖର୍ଚ୍ଚ କରି ଦେଇ ନଥାନ୍ତି । ସେଥିରୁ ମଧ୍ୟ ସଞ୍ଚୟ କରିଥାନ୍ତି । ଏହା ସେମାନଙ୍କର ଅଧିକାର ବୋଲି ଧରି ନେଇଥାନ୍ତି । ପ୍ରତ୍ୟେକ ମହିଳା ସ୍ୱାମୀଙ୍କ ଦ୍ୱାରା ଦିଆଯାଉଥିବା ଘର ଖର୍ଚ୍ଚ ଟଙ୍କାରୁ କିଛି ନା କିଛି ନିଶ୍ଚୟ ସଞ୍ଚୟ କରିଥାନ୍ତି । କିନ୍ତୁ ସେହି ଟଙ୍କାକୁ ସେମାନେ ନିଜ ପାଇଁ ଖର୍ଚ୍ଚ କରି ନଥାନ୍ତି, ବରଂ ଘରର ଅସୁବିଧା କିମ୍ବା ଜରୁରି ସମୟରେ ହିଁ ଖର୍ଚ୍ଚ କରିଥାନ୍ତି । କିନ୍ତୁ ଘର ଖର୍ଚ୍ଚରୁ କେତେ ଟଙ୍କା ସଞ୍ଚୟ କରିଥାନ୍ତି କେବେ ସ୍ୱାମୀଙ୍କୁ ଜଣାଇ ନଥାନ୍ତି ।
ମେକଅପ୍ ରହସ୍ୟ: ମହିଳାମାନେ ସବୁବେଳେ ଚାହାନ୍ତି, ସେମାନେ ମେକ୍ଅପ୍ ହେବା ପରେ ସ୍ୱାମୀ ହୁଅନ୍ତୁ ଅବା ବୟଫ୍ରେଣ୍ଡ୍ ତାଙ୍କର ତାରିଫ୍ କରନ୍ତୁ । କିନ୍ତୁ ଚାହାନ୍ତିନି ତାଙ୍କ ସୁନ୍ଦର ଚେହେରାର ରହସ୍ୟ ସ୍ୱାମୀ ବା ବୟଫ୍ରେଣ୍ଡ୍କୁ ଜଣାପଡୁ । ତେଣୁ ସେମାନେ ନିଜ ମେକ୍ଅପ୍ର ରହସ୍ୟ ଜଣାଇ ନଥାନ୍ତି । ଏପରିକି ମହିଳାମାନେ ନିଜ ମେକ୍ଅପ୍ ବିଷୟରେ କେବଳ ଖାସ୍ ବାନ୍ଧବୀଙ୍କୁ ଛାଡିଦେଲେ ଅନ୍ୟମାନଙ୍କୁ ଜଣାଇବାକୁ ପସନ୍ଦ କରି ନଥାନ୍ତି ।
ରୋଗ ସହ ଏକା ଲଢନ୍ତି: ମହିଳାମାନେ ଯଦି କୌଣସି ଛୋଟମୋଟ ରୋଗରେ ପୀଡିତ ହୋଇଥାନ୍ତ । ତେବେ ସେ ଏ ବିଷୟରେ ସ୍ୱାମୀଙ୍କୁ ଜଣାଇ ନଥାନ୍ତି । କାରଣ ସେମାନେ ଛୋଟ ଛୋଟ କଥା ପାଇଁ ଅନ୍ୟକୁ ସମସ୍ୟାରେ ପକାଇବାକୁ ଚାହାନ୍ତିନି । ଏପରିକି କୌଣସି ବଡ଼ ରୋଗ ହେଲେ ମଧ୍ୟ ସେମାନେ ପ୍ରଥମେ ଘରୋଇ ଉପାୟରେ ଭଲ କରିବାର ପ୍ରୟାସ କରିଥାନ୍ତି । ଯଦି ସମାଧାନ ନ ହୁଏ, ତେବେ ସ୍ୱାମୀଙ୍କ ଆଗରେ ପ୍ରକାଶ କରିଥାନ୍ତି ।
ଭବିଷ୍ୟତ ଚିନ୍ତା; କେତେକ ମହିଳା ନିଜ ଭବିଷ୍ୟତକୁ ନେଇ ଚିନ୍ତାରେ ରହିଥାନ୍ତି । ସେଥିପାଇଁ କେତେକ କଥା ଲୁଚାଇ ରଖିଥାନ୍ତି । ସେମାନେ ଚାହାନ୍ତି ସ୍ୱାମୀ ଜୀବନବୀମା କରନ୍ତୁ, ଫଳରେ ପିଲାର ଭବିଷ୍ୟତ ସୁରକ୍ଷିତ ହୋଇପାରିବ । କିନ୍ତୁ ଏହାକୁ ସ୍ୱାମୀଙ୍କ ଆଗରେ ପ୍ରକାଶ କରିପାରି ନଥାନ୍ତି । ଯଦି କାଲି ଚାକିରି କିମ୍ବା ବ୍ୟବସାୟ ନ ରହିବ... ତେବେ ପରିବାର କେମିତି ଚାଲିବ? ଏମିତି ଅନେକ ପ୍ରଶ୍ନ ସେମାନଙ୍କ ମୁଣ୍ଡରେ ଘୁରି ବୁଲୁଥାଏ, କିନ୍ତୁ ସ୍ୱାମୀଙ୍କ ଆଗରେ ପ୍ରକାଶ କରିବାକୁ ସାହସ କରିପାରି ନଥାନ୍ତି । ସେଥିପାଇଁ ଚିନ୍ତାରେ ମଧ୍ୟ ରହିଥାନ୍ତି ।
ସ୍ୱାମୀଙ୍କ ଖୁସି ପାଇଁ ସବୁ ନିଷ୍ପତ୍ତି ମାନିନିଅନ୍ତି: ଅନେକ ସମୟରେ ଏପରି ହୋଇଥାଏ ଯେ ଘରେ କେତେକ ବିଶେଷ ନିଷ୍ପତ୍ତି ନିଆଯାଇଥାଏ। ଯେଉଁଥିରେ ସ୍ୱାମୀସ୍ତ୍ରୀଙ୍କ ମଞ୍ଜୁରୀ ଆବଶ୍ୟକ ହୋଇଥାଏ । କିନ୍ତୁ ମହିଳାଟିଏ ଅନିଚ୍ଛା ସତ୍ତେ୍ୱ ସ୍ୱାମୀଙ୍କ ନିଷ୍ପତ୍ତିରେ ହଁ ଭରିଥାଏ । ନାରୀଟିଏ ଖୁସି ନଥାଇ ସୁଦ୍ଧା ଖୁସି ହେବାର ନାଟକ କରିଥାଏ । କାରଣ ସ୍ୱାମୀଙ୍କୁ କଷ୍ଟ ନ ହେଉ ବୋଲି ସେ ଚାହିଁଥାଏ । ଅବଶ୍ୟ ଏହା ସେ କେବେ ପ୍ରକାଶ କରି ନଥାଏ ।
ଅତୀତର କିଛି ଘଟଣା: ମହିଳାମାନେ ଅତୀତରେ ନିଜ ସହ ହୋଇଥିବା କିଛି ଖରାପ ଘଟଣାକୁ ଅନ୍ୟ ଆଗରେ ପ୍ରକାଶ କରିବାକୁ ପସନ୍ଦ କରି ନଥାନ୍ତି । ଏପରିକି ନିଜ ବାପାମା’ଙ୍କ ସହ ହେଉଥିବା ଲଢେଇକୁ ମଧ୍ୟ ସ୍ୱାମୀଙ୍କଠାରୁ ଲୁଚାଇ ରଖିଥାନ୍ତି । କାରଣ ସମ୍ମାନହାନୀ ହେବାର ଭୟ ରହିଥାଏ ।
ବାପଘର ଫୋନ କଲ୍: ପ୍ରାୟ ଝିଅ ମା’ର ଖୁବ୍ ନିକଟତ୍ତର ହୋଇଥାନ୍ତି । ଏପରିକି ବିବାହ ପରେ ମଧ୍ୟ ପ୍ରତି କଥାରେ ମା’କୁ ପଚାରିଥାନ୍ତି । କିନ୍ତୁ ଏପରି କାମ ଶ୍ୱଶୁର ଘର ଲୋକଙ୍କୁ ପସନ୍ଦ ହୋଇ ନଥାଏ । ତେଣୁ ସେମାନେ ମା’ ସହ ଫୋନ୍ରେ କଥା ହେବା ପରେ ଏହାକୁ ସ୍ୱାମୀଙ୍କଠାରୁ ଲୁଚାଇ ରଖିବାକୁ ପସନ୍ଦ କରିଥାନ୍ତି ।
ନିଜର ଶାରୀରିକ ଇଚ୍ଛା: ପତ୍ନୀ ଭିତରେ ମଧ୍ୟ ଯୌନ ଇଚ୍ଛା ରହିଥାଏ, କିନ୍ତୁ ସେ ଏହାକୁ ସ୍ୱାମୀଙ୍କ ଆଗରେ ପ୍ରକାଶ କରି ନଥାନ୍ତି । ଏହାକୁ ସ୍ୱାମୀଙ୍କ ଆଗରେ ପ୍ରକାଶ କହିବାକୁ ସେମାନେ ଲଜ୍ଜ୍ୱାବୋଧ କରିଥାନ୍ତି
