କେନ୍ଦ୍ରାପଡ଼ା,୧୪।୫  କେନ୍ଦ୍ରାପଡା ସହର ଉପକଣ୍ଠ ହଜାରି ବଗିଚାଠାରେ ଥିବା ମ୍ୟୁନିସିପାଲିଟି ଡମ୍ପିଙ୍ଗୟାର୍ଡରେ ଅଗ୍ନିକାଣ୍ଡ l  ଡମ୍ପିଙ୍ଗୟାର୍ଡରେ ଜମା ହୋଇ ରହିଥିବା ହଜାର ହଜାର ଟନ ଆବର୍ଜନାରେ ମଙ୍ଗବାର ରାତିରେ ନିଆଁ ଲାଗି ପୋଡିଯାଇଛି।

ଅନ୍ୟପକ୍ଷରେ ମଙ୍ଗଳବାର ସନ୍ଧ୍ୟାରେ ହୋଇଥିବା କାଳବୈଶାଖୀରେ ଏହି ନିଆଁ ଆଖାପାଖ ଅଞ୍ଚଳକୁ ବ୍ୟାପି ଯାଇଥିଲା l ଏଥିରେ ନିକଟରେ ଥିବା ମାଇକ୍ରୋ କମ୍ପୋଷ୍ଟ କେନ୍ଦ୍ରର ବହୁ ମୂଲ୍ୟବାନ ଯନ୍ତ୍ରପାତି ପୋଡି ଯାଇଥିବା ଅନୁମାନ କରାଯାଉଛି l ଅଗ୍ନିକାଣ୍ଡ ଫଳରେ ନିକଟରେ ଥିବା ଆଳିଜଙ୍ଗା ଗାଁ ଲୋକ ନିଆଁ ଧୂଆଁରେ ଅତିଷ୍ଠ ହୋଇ ଦମକଳ କେନ୍ଦ୍ରକୁ ଖବର୍ ଦେଇଥିଲେ l ବିଳମ୍ବିତ ରାତିରେ ଅଗ୍ନିଶମ ବାହିନୀ ପହଞ୍ଚି ନିଆଁକୁ ଆୟତ୍ତ କରିଥିଲେ l ଅଗ୍ନିକାଣ୍ଡର କାରଣ ଜଣାପଡ଼ି ନାହିଁ l ଏ ନେଇ ପୌର କର୍ତ୍ତୃପକ୍ଷଙ୍କ ପ୍ରତିକ୍ରିୟା ମିଳି ପାରି ନାହିଁ l