ମୁମ୍ବାଇ,୨୪/୦୧: ଆଉ ନାହାଁନ୍ତି ଫିଲ୍ମ ଅଭିନେତା ରାଜପାଲ ଯାଦବଙ୍କ ପିତା ।ଗତ କିଛି ଦିନ ଧରି ସେ ଅସୁସ୍ଥ ଥିବା ବେଳେ ତାଙ୍କର ଦିଲ୍ଲୀ ଏମ୍ସରେ ଭର୍ତ୍ତି କରାଯାଇଥିଲା । ହେଲେ ତାଙ୍କର ଚିକିତ୍ସାଧୀନ ଅବସ୍ଥାରେ ଦେହାନ୍ତ ହୋଇଛି । ରାଜପାଲ ଯାଦବ ଥାଇଲ୍ୟାଣ୍ଡରେ ଥିବା ବେଳେ ତାଙ୍କ ବାପାଙ୍କ ସ୍ୱାସ୍ଥ୍ୟାବସ୍ଥା ଖରାପ ହେବା ଖବର ପାଇ ସେ ଗତକାଲି ଦିଲ୍ଲୀରେ ପହଞ୍ଚିଥିଲେ। ତେବେ ନିକଟରେ ରାଜପାଲ ଯାଦବ ଓ ଅନ୍ୟ କଳାକାରଙ୍କୁ ହତ୍ୟା ଧମତ ମିଳିଥିଲା ।
କୁହାଯାଉଛି ଯେ ତାଙ୍କର ଅନ୍ତିମ ସଂସ୍କାର ତାଙ୍କ ଜନ୍ମସ୍ଥାନ ଶାହଜାହାନପୁର କରାଯିବ । ରାଜପାଲ ଯାଦବଙ୍କୁ ବୁଧବାର ଦିନ ହତ୍ୟା ଧମକ ମିଳିଥିଲା । ତାଙ୍କ ସହିତ ସୁଗନ୍ଧା ମିଶ୍ରା , ରେମୋ ଡ଼ିସୁଜା ଓ କପିଲ ଶର୍ମାଙ୍କୁ ମଧ୍ୟ ହତ୍ୟା ଧମତ ମିଳିଥିଲା । ଏହି ୪ ଜଣଙ୍ତୁ ପାକିସ୍ତାନରୁ ଧମକ ମିଳିଥିଲା । ଧମକ ମିଳିଥିବା ଇମେଲ୍ରେ ବିଷ୍ଣୁ ଲେଖା ହୋଇଥିଲା । ଯାହାକୁ ନେଇ ଲରେନ୍ସ ବିଷ୍ଣୋଇ ଗ୍ୟାଙ୍ଗରୁ ଏହି ଧମକ ଆସିଥିବା ନେଇ ସନ୍ଦେହ କରାଯାଉଛି । ଧମକ ମିଳିବା ପରେ ରାଜପାଲ ଯାଦବ ଅମ୍ବୋଲି ପୋଲିସ ଷ୍ଟେସନ ଓ ସାଇବର କ୍ରାଇମ ଡିପାର୍ଟମେଣ୍ଟରେ ଅଭିଯୋଗ କରିଥିବା କହିଥିଲେ ।
