ଆଜିକାଲି ଲୋକାମାନଙ୍କ ପରିବର୍ତ୍ତିତ ଜୀବନଶୈଳୀ ଯୋଗୁଁ ଅନେକଙ୍କ ପାଖରେ ଦେଖାଦେଉଛି ୟୁରିକ୍ ଏସିଡ୍ ସମସ୍ୟା। ଆହା ଫଳରେ ପାଦ ତଳ, ଆଣ୍ଠୁ ଏବଂ କହୁଣୀରେ ଯନ୍ତ୍ରଣା ହୋଇଥାଏ । ଯଦି ସଠିକ ସମୟ ମଧ୍ୟରେ ୟୁରିକ ଏସିଡକୁ ରୋକା ନଯାଏଁ, ତେବେ ଏହା କିଡନୀ ଏବଂ ହୃଦୟକୁ ମଧ୍ୟ ପ୍ରଭାବିତ କରିପାରେ । ତେଣୁ ସକାଳୁ ସକାଳୁ କିଛି ଫଳକୁ ନିଜ ଡ଼ାଏଟ୍ରେ ସାମି କରିବା ଦ୍ବାରା ଶରୀରରୁ ୟୁରିକ ଏସିଡ୍ ହ୍ରାସ ପାଇପାରେ । ଆସନ୍ତୁ ଜାଣିବା ଏହିସବୁ ଫଳ ବିଷୟରେ..
କମଳା କିମ୍ବା ଲେମ୍ବୁ: ୟୁରିକ ଏସିଡ୍ର ସବୁଠାରୁ ବଡ଼ ଶତ୍ରୁ ହେଉଛି ଭିଟାମିନ-ସି । ଶରୀରରେ ଭିଟାମିନ-ସିର ସ୍ତର ବୃଦ୍ଧି ହେବା ଦ୍ଵାରା ୟୁରିକ ଏସିଡ୍ରେ ମଧ୍ୟ ଯଥେଷ୍ଟ ହ୍ରାସ ଘଟିଥାଏ । ତେଣୁ,କମଳା, ଲେମ୍ବୁ ଏବଂ ଋତୁକାଳୀନ ଫଳ ନିୟମିତ ଖାଇବା ଉଚିତ।
ଚେରି: ଏଥିରେ ଆଣ୍ଟିଅକ୍ସିଡାଣ୍ଟ ଭରପୂର ମାତ୍ରାରେ ଥାଏ । ଏହାକୁ ଖାଇବାଦ୍ବାରା ଶରୀରର ଯନ୍ତ୍ରଣା କମ କରିଥାଏ । କେବଳ ଏତିକି ନୁହେଁ,ଏହି ଫଳ ୟୁରିକ ଏସିଡ୍ ହ୍ରାସ କରିବାରେ ମଧ୍ୟ ସାହାଯ୍ୟ କରେ ।
ସେଓ : କେବଳ ଭିଟାମିନ-ସି ନୁହେଁ, ଭିଟାମିନ-ଏ ମଧ୍ୟ ୟୁରିକ୍ ଏସିଡ୍ ହ୍ରାସ କରିବାରେ ସହାୟକ ହୋଇଥାଏ । ଭିଟାମିନ-ଏ ପାଇଁ ସେଓ ସବୁଠାରୁ ଭଲ ଫଳ । ପ୍ରତିଦିନ ଗୋଟିଏ ସେଓ ଖାଇବା ଦ୍ଵାରା ୟୁରିକ ଏସିଡ୍ ହ୍ରାସ କରିବାରେ ସାହାଯ୍ୟ ହୋଇଥାଏ । ଏହା ସହିତ, ପ୍ରତିଦିନ ଗୋଟିଏ ସେଓ ଖାଇବା ସ୍ବାସ୍ଥ୍ୟ ପାଇଁ ଲାଭଦାୟକ। ସେହିପରି ଶରୀରରେ ୟୁରିକ ଏସିଡ୍ ଅଧିକ ଥିଲେ ସାଲାଡ, ଟମାଟୋ, ଲଙ୍କା, ମାଂସ, ମାଛ ତେଲ, କଫି ଏବଂ କେକ୍ ଖାଇବାରୁ ଦୂରେଇ ରହିବା ଉଚିତ ।
