ଠାକୁରମୁଣ୍ଡା,୨୪।୧୦ : ଠାକୁରମୁଣ୍ଡା ବ୍ଲକରେ ସମ୍ଭାବ୍ୟ ବାତ୍ୟା ଦାନାକୁ ଦୃଷ୍ଟିରେ ରଖି ପ୍ରଶାସନ ବ୍ୟାପକ ପ୍ରସ୍ତୁତି ଚଳାଇଛି l ୨୪ ତାରିଖରୁ ୧୮ ଟି ଗ୍ରାମପଞ୍ଚାୟତ ପାଇଁ ୨୪ ଘଣ୍ଟିଆ ହେଲ୍ପ ଲାଇନ ଚାଲୁ କରାଯାଇଛି l ସେହିପରି ସ୍ୱାସ୍ଥ୍ୟ ବିଭାଗ ପକ୍ଷରୁ ବିଭିନ୍ନ ଗ୍ରାମରୁ ୫୦ ଜଣ ଗର୍ଭବତୀଙ୍କୁ ଘରୁ ଉଠାଯାଇଛି l ସେଥିରୁ ୩୭ ଜଣଙ୍କୁ ଠାକୁରମୁଣ୍ଡା ଗୋଷ୍ଠୀ ସ୍ୱାସ୍ଥ୍ୟ କେନ୍ଦ୍ରରେ ଥଇଥାନ କରାଯାଇଥିବାବେଳେ ୧୩ ଜଣଙ୍କୁ ମା‘ ଗୃହରେ ରଖାଯାଇଛି l ତେବେ ୫୦ ଜଣଙ୍କ ମଧ୍ୟରୁ ମେଡିକାଲ ଆସିବା ପରେ ୫ ଜଣଙ୍କର ପ୍ରସବ ହୋଇସାରିଥିବା ଡାକ୍ତର ଚିତ୍ତରଞ୍ଜନ ନାୟକ ସୂଚନା ଦେଇଛନ୍ତି l
ଗର୍ଭବତୀଙ୍କୁ ସ୍ଥାନାନ୍ତର କରିବା ବେଳେ ନିଜର ନିରାପଦ ଆଶ୍ରୟ ଥିବା କାରଣରୁ ୭ ଜଣ ସରକାରୀ ବ୍ୟବସ୍ଥାରେ ନଆସି ନିଜ ଘରେ ରହିଛନ୍ତି l ସେମାନେ ନିଜ ଦାୟିତ୍ୱ ନିଜେ ନେବେ ଏବଂ କୌଣସି ସମସ୍ୟା ହେଲେ ପ୍ରଶାସନକୁ ଦାୟୀ କରିବେ ନାହିଁ ବୋଲି ଲିଖିତ ଭାବେ ଜଣାଇଛନ୍ତି ବୋଲି ସୂଚନା ଦିଆଯାଇଛି l ସେହିପରି ବ୍ଲକ ପ୍ରଶାସନ ପକ୍ଷରୁ ୬୩ ଟି ଅସ୍ଥାୟୀ ଆଶ୍ରୟ ସ୍ଥଳ ଖୋଲାଯାଇଛି l ସମୁଦାୟ ୪୭୦୦ ଲୋକଙ୍କୁ ସ୍ଥାନାନ୍ତର କରାଯିବାକୁ ଚି଼ହ୍ନଟ କରାଯାଇଛି ବୋଲି ବିଡ଼ିଓ ସୂଚନା ଦେଇଛନ୍ତି l