ଉଦଳା,୨୪/୧୦: ବାତ୍ୟା 'ଦାନା'କୁ ନେଇ କପ୍ତିପଦା ଉପଖଣ୍ଡ ପ୍ରଶାସନ ସଜାଗ । ଗୁରୁବାର ମୟୂରଭଞ୍ଜ ଜିଲ୍ଲାପାଳ ହେମକାନ୍ତ ସାଏଙ୍କ ସହିତ ସ୍ୱତନ୍ତ୍ର ଭାବେ ନିଯୁକ୍ତ ଅଧିକାରୀ ବିନୀତ ଭାରଦ୍ୱାଜ ଆସି ଉଦଳାର ବିଭିନ୍ନ ଅଞ୍ଚଳ ବୁଲିଛନ୍ତି । ଏହା ସହ ଉଦଳା ଏବଂ କପ୍ତିପଦା ବ୍ଲକ ସମେତ ଗୋପବନ୍ଧୁନଗର ବ୍ଲକ ଅଞ୍ଚଳରେ ଥିବା ବିଭିନ୍ନ ବାତ୍ୟା ଆଶ୍ରୟସ୍ଥଳୀ ବୁଲିଛନ୍ତି ।
କେବଳ ସେତିକି ନୁହେଁ, କିଭଳି ଭାବେ ବାତ୍ୟା ଆଶ୍ରୟ ସ୍ଥଳୀରେ ରହିଥିବା ଲୋକଙ୍କୁ ସମସ୍ତ ପ୍ରକାର ସୁବିଧା ସୁଯୋଗ ଯୋଗାଇ ଦିଆଯିବ ତାହା ଉପରେ ମଧ୍ୟ ଗୁରୁତ୍ତ୍ୱ ଦେଇଛନ୍ତି । ଏହି ସମୟରେ ସ୍ୱତନ୍ତ୍ର ନିଯୁକ୍ତ ଅଧିକାରୀଙ୍କ ସହିତ ଉଦଳା ବିଡ଼ିଓ, ଉପଜିଲ୍ଲାପାଳ ପ୍ରମୁଖ ଉପସ୍ଥିତ ରହିଥିଲେ।
