ଭୁବନେଶ୍ବର,୧୯।୧୦ : ଖେଳୁଥିବା ବେଳେ କେନାଲରେ ପଡିଗଲା ବଲ୍। କେନାଲ ଭିତରୁ ବଲ୍ ଆଣିବାକୁ ଯାଇ ୩ ଜଣ ନାବାଳକ ବୁଡିଯାଇ ମୃତ୍ୟୁ ଘଟିଛି। ଏମିତି ଏକ ଦୁଃଖଦ ଘଟଣା ଦେଖିବାକୁ ମିଳିଛି ମୟୁରଭଞ୍ଜ ଜିଲ୍ଲା ସାରସକଣା ବ୍ଲକ ଛକ ନିକଟସ୍ଥ ସୁବର୍ଣ୍ଣରେଖା କେନାଲରେ। ମୃତ ନାବାଳକମାନେ ହେଲେ ସାରସକଣା ଗ୍ରାମର ଗଣେଶ୍ବର ସାହୁଙ୍କ ପୁଅ ମଦନ ମୋହନ ସାହୁ (୧୪ବର୍ଷ ), ସନ୍ତୋଷ ସାହୁଙ୍କ ପୁଅ ଶ୍ରୀୟାଂଶୁ ସାହୁ ଓ ସୁମନ୍ତ ସାହୁଙ୍କ ପୁଅ ଶ୍ରୀୟାଂଶୁ ସାହୁ ।
ସାରସକଣା ଗ୍ରାମର ମଦନ ମୋହନ ସାହୁ, ଶ୍ରୀୟାଂଶୁ ସାହୁ ଏବଂ ଶ୍ରୀୟାଂଶୁ ସାହୁ ସନ୍ଧ୍ୟା ସମୟରେ ଖେଳୁ ଥିଲେ। ଏହି ସମୟରେ ବଲଟି କେନାଲ ପାଣିରେ ପଡିଯାଇଥିଲା। ବଲ୍ ଆଣିବାକୁ ୩ ଜଣ କେନାଳ ଭିତରକୁ ଯାଇଥିଲେ। ପାଣି ଭିତରୁ ବାହାରି ନ ପାରି ବୁଡିଯାଇଥିଲେ। ସାରସକଣା ଅଗ୍ନିଶମ ବାହିନୀ ପହଞ୍ଚି ପାଣି ଭିତରୁ ୩ ଜଣଙ୍କୁ ଉଦ୍ଧାର କରି ଶିର୍ଷା ପ୍ରାଥମିକ ଚିକିତ୍ସା କେନ୍ଦ୍ରରେ ଭର୍ତ୍ତି କରିଥିଲେ। ସେଠାରେ ଡାକ୍ତର ସେମାନଙ୍କୁ ମୃତ ଘୋଷଣା କରିଥିଲେ।