ରାୟପୁର,୦୫/୦୧: ସୁରକ୍ଷାକର୍ମୀଙ୍କୁ ସଫଳତା । ଛତିଶଗଡ ଅବୁଝମାଡ ଜଙ୍ଗଲରେ ବଡ ଧରଣର ଏନକାଉଣ୍ଟର ହୋଇଛି । ଏଥିରେ ୪ ନକ୍ସଲଙ୍କୁ ନିପାତ କରିଛନ୍ତି ସୁରକ୍ଷାକର୍ମୀ । ମାଓବାଦୀଙ୍କ ପାଲଟା ଜବାବରେ ଜଣେ କନଷ୍ଟେବଳ ସହିଦ ହୋଇଛନ୍ତି । ଘଟଣାସ୍ଥଳରୁ ଏକ ୪୭ ସହ ବିପୁଳ ମାଓ ବିସ୍ଫୋକର ଜବତ ହୋଇଛି । ଏବେ ବି ଗୁଳି ବିନିମୟ ଜାରି ରହି ଥିବା ସୂଚନା ମିଳିଛି ।
ନକ୍ସଲ ଦମନ ଅଭିଯାନରେ ଛତିଶଗଡ ଅବୁଝମାଡରେ ଅପରେସନ ଆରମ୍ଭ ହୋଇଥିଲା । ଗତକାଲି (ଶନିବାର) ସଂନ୍ଧ୍ୟାରୁ ନକ୍ସଲ ଓ ସୁରକ୍ଷାକର୍ମୀଙ୍କ ମଧ୍ୟରେ ଗୁଳି ବିନିମୟ ଆରମ୍ଭ ହୋଇଥିଲା । ଏଥିରେ ୪ ଜିଲ୍ଲାର ଡିଆରଜି ଏବଂ ଏସଟିଏଫ ସାମିଲ ହୋଇଥିଲେ । ଦୀର୍ଘ ସମୟର ଗୁଳି ବିନିମୟ ପରେ ସୁରକ୍ଷାର୍ମୀଙ୍କୁ ବଡ ସଫଳତା ମିଳିଛି । ୪ ନକ୍ସଲଙ୍କୁ ନିପାତ କରିଛି ସୁରକ୍ଷାକର୍ମୀ ।
ବସ୍ତର ଆଇଜି ପି ସୁନ୍ଦରରାଜଙ୍କ ସୂଚନା ଅନୁସାରେ ବର୍ତ୍ତମାନ ଏନକାଉଣ୍ଟର ଜାରି ରହିଛି । ୪ ମାଓବାଦୀ ନିପାତ ହୋଇଛନ୍ତି । ନକ୍ସଲଙ୍କ ପାଲଟା ଆକ୍ରମଣରେ ଦନ୍ତେୱାଡା ଡିଆରଜି ହେଡ କନଷ୍ଟେବଳ ସାନୁ କରମ ସହୀଦ ହୋଇଛନ୍ତି । ଘଟଣାସ୍ଥଳରୁ ଏକ ୪୭ ସହ ବିପୁଳ ମାଓ ବିସ୍ଫୋକର ଜବତ ହୋଇଛି ।
Chhattisgarh | Abujhmad Encounter | 4 naxals were killed and their bodies have been recovered, in an encounter between Naxalites and security forces. AK 47, SLR and other automatic weapons have also been recovered. Dantewada DRG Head Constable Sannu Karam was killed in action.…
— ANI (@ANI) January 5, 2025
ନକ୍ସଲଙ୍କ ଗତିବିଧି ବଢିଥିବା ନେଇ ଗୁଇନ୍ଦା ବିଭାଗରୁ ସୂଚନା ମିଳିବା ପରେ ଅପରେସନକୁ ଜୋରଦାର କରିଥିଲେ ସୁରକ୍ଷାକର୍ମୀ । ଗତବର୍ଷ ଡିସେମ୍ବର ୧ ତାରିଖରେ ଏକ ଏନକାଉଣ୍ଟର ହୋଇଥିଲା । ତେଲେଙ୍ଗାନାର ମୁଲୁଗୁ ଜିଲ୍ଲା ଏତୁରଙ୍ଗାରମ ଜଙ୍ଗଲରେ ପୋଲିସ ଓ ମାଓବାଦୀଙ୍କ ମଧ୍ୟରେ ଏନକାଉଣ୍ଟର ହୋଇଥିଲା । ଯେଉଁଥିରେ ୭ ମାଓବାଦୀ ନିପାତ ହୋଇଥିଲେ ।
