ନୂଆଦିଲ୍ଲୀ,୧୬।୧୦: ଭାରତରେ ସାଟେଲାଇଟ୍ ଇଣ୍ଟରନେଟ୍ ଓ କମ୍ୟୁନିକେସନ୍କୁ ନେଇ ଗତ କିଛି ଦିନ ହେବ ମୁକେଶ ଅମ୍ବାନୀଙ୍କ କମ୍ପାନୀ ରିଲାୟନ୍ସ ଜିଓ ଏବଂ ଆମେରିକୀୟ ଅରବପତି ଏଲନ୍ଙ୍କ ମଧ୍ୟରେ କୋଲ୍ଡଓ୍ବାର ଦେଖିବାକୁ ମିଳିଛି। ଏହାପରେ ସରକାରଙ୍କ ପକ୍ଷରୁ ଏହି ପକ୍ରିୟାକୁ ନେଇ ନିଆଯାଇଛି ବଡ଼ ନିଷ୍ପତ୍ତି। ଏଲନ୍ ମସ୍କ ବର୍ତ୍ତମାନର ନିଲାମୀ ପକ୍ରିୟା ଉପରେ ଆପତ୍ତି ପ୍ରକାଶ କରିଥିଲେ। ଏହାପରେ ଦୂରସଞ୍ଚାର ମନ୍ତ୍ରୀ ଜ୍ୟୋତିରାଦିତ୍ୟ ସିନ୍ଧିଆ ଘୋଷଣା କରିଛନ୍ତି ଯେ, ସାଟେଲାଇଟ୍ ବ୍ରଡବ୍ୟାଣ୍ଡ ପାଇଁ କୌଣସି ନିଲାମୀ ରହିବନି।
ରିଲାୟନ୍ସ ଇଣ୍ଡଷ୍ଟ୍ରୀଜ୍ ଚେୟାରମ୍ୟାନ୍ ମୁକେଶ ଅମ୍ବାନୀ ଓ ଭାରତୀ ଏୟାରଟେଲ୍ର ଚେୟାରମ୍ୟାନ୍ ସୁନୀଲ ଭାରତୀ ମିତ୍ତଲ ସ୍ପେକ୍ଟ୍ରମ ନିଲାମୀକୁ ଠିକ୍ ବୋଲି କହିଥିଲେ। କିନ୍ତୁ ଆମେରିକାର ଅରବପତି ଏଲନ୍ ମସ୍କ ଏହି ପକ୍ରିୟାକୁ ଭୁଲ ବୋଲି କହିବା ସହ ମନା କରିଦେଇଥିଲେ। ମସ୍କ ଭାରତରେ ନିଲାମୀର ଏହି ପକ୍ରିୟାକୁ ସମାଲୋଚନା କରିଥିଲେ ଓ କହିଥିଲେ ଭାରତକୁ ଗ୍ଲୋବାଲ ନିୟମ ପାଳନ କରିବା ଦରକାର। ଆଗକୁ ଏଲନ୍ ମସ୍କ ମଧ୍ୟ ଭାରତୀୟ ଟେଲିକମ୍ ସେକ୍ଟରରେ ନିଜ କମ୍ପାନୀ ଷ୍ଟାରଲିଙ୍କ ସହ ଏଣ୍ଟ୍ରି କରିବାର ଚେଷ୍ଟାରେ ଅଛନ୍ତି।
ଭାରତୀୟ ଟେଲିକମ୍ ମିନିଷ୍ଟର ଜ୍ୟୋତିରାଦିତ୍ୟ ସିନ୍ଧିଆ ଏଲନ୍ ମସ୍କ ଓ ଭାରତର ଟେଲିକମ୍ କମ୍ପାନୀ ମଧ୍ୟରେ ବିବାଦ ଭିତରେ ବଡ ଘୋଷଣା କରିଛନ୍ତି। ସେ କହିଛନ୍ତି, ସାଟେଲାଇଟ୍ ବ୍ରଡବ୍ୟାଣ୍ଡ ପାଇଁ ସ୍ପେକ୍ଟ୍ରମ୍ ଆବଣ୍ଟନର କୌଣସି ନିଲାମୀ ଜରିଆରେ ହେବନି,ବଂର ଆଡମିନଷ୍ଟେଟିଭ୍ ପଦ୍ଧତିରେ କରାଯିବ। ଅର୍ଥାତ କମ୍ପାନୀକୁ ନିଜ ପସନ୍ଦଯୋଗ୍ୟ ସ୍ପେକ୍ଟ୍ରମ୍ କିଣିବା ପାଇଁ ଅଧିକରୁ ଅଧିକ ଟଙ୍କା ନିଲାମ ଡାକିବାର ବିକଳ୍ପ ରହିବନି ଓ ସରକାର ନିର୍ଦ୍ଧାରିତ କରିବେ ଯେ, ସ୍ପେକ୍ଟ୍ରମ୍ କିଭଳି ସେୟାର କରାଯିବାର ଅଛି। ଏଲନ୍ ମସ୍କଙ୍କ କମ୍ପାନୀ ଷ୍ଟାରଲିଙ୍କ ସ୍ପେକ୍ଟ୍ରମ୍ର ଆଡମିନଷ୍ଟେ୍ରଟିଭ୍ ଆବଣ୍ଟନର ସମର୍ଥନ କରୁଛି ଓ ଆମାଜନ୍ କୁପନ ଭଳି ବହୁ କମ୍ପାନୀ ଏହି ଗ୍ଲୋବାଲ ପଦ୍ଧିତିର ସପକ୍ଷରେ ଅଛନ୍ତି।
ମସ୍କ ଆପତ୍ତି ପ୍ରକାଶ କରି କହିଥିଲେ, ୟୁନାଇଟେଡ୍ ନେସନ୍ର ଏଜେନ୍ସି ଇଣ୍ଟରନ୍ୟାସନାଲ ଟେଲିକମ୍ୟୁନିକେସନ୍ ୟୁନିୟନ(ଆଇଟିୟୁ) ସାଟେଲାଇଟ୍ ସ୍ପେକ୍ଟ୍ରମକୁ ସେୟର କରି ନୋମିନେଟ୍ କରିବାର କଥା କହିଛି। ଭାରତ ମଧ୍ୟ ଆଇଟିୟୁର ସଦସ୍ୟ ରହିଛି, ଏଭଳି ସ୍ଥିତିରେ ସ୍ପେକ୍ଟ୍ରମର ନିଲାମୀର କୌଣସି ଅର୍ଥ ନାହିଁ। ମୁକେଶ ଅମ୍ବାନୀଙ୍କ କମ୍ପାନୀ ରିଲାୟନ୍ସ ଜିଓର କହିବା ଅନୁସାରେ, ସେ ବସୁ ଟେଲିକମ୍ ଅପରେଟର୍ସଙ୍କ ପାଇଁ ସମାନ ଅବସର ସୁନିଶ୍ଚିତ କରିବାକୁ ଚାହେଁ ଓ ଏଥିପାଇଁ ନିଲାମୀ ପକ୍ରିୟାର ପକ୍ଷରେ ଅଛି। ଭାରତୀ ଏୟାରଟେଲ୍ର ଚେୟାରମ୍ୟାନ୍ ମଧ୍ୟ କହିଛନ୍ତି ଯେ, ନିଲାମୀର ପକ୍ରିୟା ଭଲ, କାରଣ ଯେଉଁ ସାଟେଲାଇଟ୍ କମ୍ପାନୀ ସହର କ୍ଷେତ୍ରକୁ ଆସିବାର ପ୍ରସ୍ତୁତି କରୁଛନ୍ତି, ତାଙ୍କୁ ମଧ୍ୟ ଅନ୍ୟଭଳି ଟେଲିକମ୍ ସ୍ପେକ୍ଟ୍ରମ କିଣିବାର ଦରକାର। ମସ୍କ ଲଗାତାର ମାଇକ୍ରୋବ୍ଲଗିଂ ପ୍ଲାଟଫର୍ମ ଏକ୍ସରେ ନିଲାମୀ ପକ୍ରିୟାକୁ ନେଇ କଟାକ୍ଷ କରୁଥିଲେ ଓ ଏହାର ସମାଲୋଚନା କରୁଥିଲେ।
