ପଦ୍ମପୁର ୧୮/୦୬: ପଦ୍ମପୁର ଉପଖଣ୍ଡ ପାଇକମାଲ ରେଞ୍ଜ ଝାରବନ୍ଧ ଥାନା ସଲଡିହି ଗ୍ରାମରେ ଗତ ବିଳମ୍ବିତ ରାତିରେ ହାତୀ ଉପଦ୍ରବ ଦେଖିବାକୁ ମିଳିଛି । ଶୋଇଥିବା ବେଳେ ହାତୀ ଆକ୍ରମଣରେ ତିନି ଜଣଙ୍କ ମୃତ୍ୟୁ ହୋଇଥିବା ବେଳେ ତିନି ଜଣ ଗୁରୁତର ଅଛନ୍ତି।
ମିଳିଥିବା ସୂଚନା ଅନୁସାରେ, ସଲଡିହି ଗ୍ରାମର ବିପିନ ବରିହା ଓ ତାଙ୍କ ପରିବାର ଘର ପଛ ପଟେ ଶୋଇଥିବା ବେଳେ ତିନିଗୋଟି ହାତୀ ଗୋଠଛଡା ହୋଇ ଖାଦ୍ୟ ଅନ୍ବେଷଣରେ ଆସିଥିଲେ। ଏହି ସମୟରେ ତିନିଜଣଙ୍କୁ ଜୀବନରୁ ମାରି ଦେଇଥିବା ବେଳେ ଅନ୍ୟ ତିନି ଜଣ ଗୁରୁତର ଅଛନ୍ତି । ହାତୀ ଆକ୍ରମଣରେ ବିପିନଙ୍କ ସ୍ତ୍ରୀ ପାନ ବରିହା, ଦଶ ବର୍ଷୀୟ ଝିଅ ସୁନନ୍ଦା ବରିହା ଓ ତିନି ବର୍ଷୀୟ ପୁଅ ଆଦିତ୍ଯ ବରିହାଙ୍କ ମୃତ୍ଯୁ ହୋଇଥିବା ବେଳେ ବିପିନ ବରିହା ଓ ତାଙ୍କ ସାତ ବର୍ଷୀୟ ପୁଅ ମଣ୍ଟୁ ବରିହା ଏବଂ ୬୫ ବର୍ଷୀୟ ଜଟିଆ ବରିହା ଗୁରୁତର ଅଛନ୍ତି । ତେବେ ଏ ଅଞ୍ଚଳରେ ହାତୀ ଥିବା ନେଇ ବନ ବିଭାଗ ପକ୍ଷରୁ ଲୋକଙ୍କୁ ଅବଗତ କରାଯାଇ ନାହିଁ । ଘଟଣା ସ୍ଥଳରେ ବନବିଭାଗ ଓ ପୋଲିସ ପହଞ୍ଚି ଯାଞ୍ଚ କରୁଛନ୍ତି ।