ବରଗଡ, ୧୫।୮ : ଘରେ ଝିଅକୁ ଛାଡି ବାହାରକୁ ଯାଇଥିଲେ ପରିବାର ଲୋକ। ଦୁର୍ବୃତ୍ତମାନେ ଘରେ ପଶି ଝିଅର ଗୋଡହାତ ବାନ୍ଧି କଳାକନା ବୁଲାଇଛନ୍ତି। ଏପର ଘଟଣା ଘଟିଛି ବରଗଡ଼ ଭଟଲି ଛକ ସ୍ଥିତ ନିଗମାନନ୍ଦ ବିହାରରେ ।
ଗୁରୁବାର ସନ୍ଧ୍ୟାରେ ସ୍ବର୍ଗତ ଦିଲିପ ସାହୁଙ୍କ ସ୍ତ୍ରୀ ରିତା ଓ ସାନ ଝିଅ ସୃତି ମାର୍କେଟିଙ୍ଗ ପାଇଁ ଭଟଲି ଛକ କୁ ଯାଇଥିଲେ। ଏହାର ସୁଯୋଗ ନେଇ ଦୁଇ ଜଣ ଦୁର୍ବୃତ୍ତ ଘରକୁ ଆସି କଲିଂ ବେଲ ମାରିଥିଲେ। ବଡ଼ ଝିଅ ସୁଚିସ୍ମିତା କବାଟ ଖୋଲିବା ମାତ୍ରେ ଘର ଭିତରକୁ ଦୁଇଜଣ ଅଜଣା ଯୁବକ ପଶି ଯାଇଥିଲେ। ଝିଅକୁ ଏକା ଦେଖି ପାଟି ଓ ହାତ ବାନ୍ଧି ଏକ ଚେୟାରରେ ବାନ୍ଧି ଦେଇଥିଲେ। ପରେ ଘରୁ ସୁନାଗହଣା ଲୁଟି ନେଇ ଫେରାର ହୋଇଯାଇଥିଲେ। ପରିବାର ଲୋକ ମାର୍କେଟରୁ ଫେରିବା ପରେ ଥାନାରେ ଅଭିଯୋଗ କରିଥିଲେ। ଘଟଣା ସ୍ଥଳରେ ବରଗଡ଼ ଟାଉନ ପୋଲିସ ପହଞ୍ଚି ତଦନ୍ତ ଆରମ୍ଭ କରିଛି।